រាជធានីភ្នំពេញ ៖ កម្លាំងនគរបាលខណ្ឌ បានចុះបង្ក្រាបទីតាំងបញ្ជល់មាន់មួយកន្លែង កាលពីរសៀលថ្ងៃទី៣០ ខែមិថុនា ឆ្នាំ២០១៩ ស្ថិតក្នុងភូមិឬស្សី សង្កាត់ស្ទឹងមានជ័យទី២ ខណ្ឌមានជ័យ ដោយឃាត់ខ្លួនក្រុមអ្នកញៀនល្បែងមាន់៩នាក់ ក្នុងនោះមាន៤នាក់ទៀតជាអ្នកសារព័ត៌មានទៀតផង ។
មនុស្សទាំង៩នាក់ត្រូវឃាត់ខ្លួនខាងលើនេះ ១-ឈ្មោះ ទិត វិចិត្រ ភេទប្រុស អាយុ៣៨ឆ្នាំ មុខរបរបុគ្គលិកក្រុមហ៊ុន មានទីលំនៅផ្ទះលេខ៤៦៩ ផ្លូវលំ ភូមិត្រពាំងឈូក សង្កាត់ទឹកថ្លា ខណ្ឌសែនសុខ ,
២-ឈ្មោះ ឡុង តារ៉ា ភេទប្រុស អាយុ៣៧ឆ្នាំ មុខរបរជាងកញ្ចក់ មានទីលំនៅផ្ទះជួល ផ្លូវ៣៧១ សង្កាត់បឹងទំពន់ទី២, ៣-ឈ្មោះ គឹម ង៉ែតសុពល ភេទប្រុស អាយុ៦២ឆ្នាំ មានទីលំនៅផ្ទះគ្មានលេខផ្លូវលំ ភូមិដំណាក់ធំ១ សង្កាត់ស្ទឹងមានជ័យទី២ ខណ្ឌមានជ័យ,
៤-ឈ្មោះ ហូ ផល ភេទប្រុស អាយុ៤៥ឆ្នាំ មុខរបរបុគ្គលិកក្រុមហ៊ុន មានទីលំនៅផ្ទះគ្មានលេខ ផ្លូវលំ ភូមិត្រពាំងថ្លឹង សង្កាត់ទឹកថ្លា ខណ្ឌសែនសុខ , ៥-ឈ្មោះ សឿន សុង ភេទប្រុស អាយុ៤៨ឆ្នាំ មុខរបររត់ម៉ូតូកង់៣ មានទីលំនៅផ្ទះគ្មានលេខ ផ្លូវលំ ភូមិតានូ ឃុំស្អាងភ្នំ ស្រុកស្អាង ខេត្តកណ្តាល។
៦-ឈ្មោះ មោក យ៉េន ភេទប្រុស អាយុ៣៦ឆ្នាំ មានទីលំនៅផ្ទះជួល ផ្លូវលំ ភូមិ ទួលពង្រ សង្កាត់ចោមចៅ២ ខណ្ឌពោធិ៍សែនជ័យ មុខរបរអ្នកកាសែត ពិភពថ្មីព័ត៌មាន,
៧-ឈ្មោះ ឈួន រ៉ាឈូ ភេទប្រុស អាយុ៥៣ឆ្នាំ មុខរបរអ្នកកាសែត វីរៈសែនជ័យ មានទីលំនៅផ្ទះជួល ផ្លូវលំ ភូមិទួលពង្រ សង្កាត់ចោមចៅ២ ខណ្ឌពោធិ៍សែនជ័យ , ៨-ឈ្មោះ គ្រង រដ្ឋា ភេទប្រុស អាយុ៤៨ឆ្នាំ មុខរបរអ្នកកាសែត សង្គ្រោះប្រជាពលរដ្ឋខ្មែរស្នេហាជាតិ មានទីលំនៅផ្ទះជួល ផ្លូវលំ ភូមិគគីរធំ ស្រុកកៀនស្វាយ ខេត្តកណ្តាល,
និង៩-ឈ្មោះ គឹម សាវិត ភេទប្រុស អាយុ២៩ឆ្នាំ មុខរបរអ្នកកាសែត អំណាចខ្មែរ មានទីលំនៅភូមិ-ឃុំ សាម៉លជ្រុំ ស្រុកស្វាយទាប ខេត្តស្វាយរៀង ។
សូមបញ្ជាក់ថា ប្រតិបត្តិការខាងលើនេះ ដឹកនាំកម្លាំងដោយលោក ម៉េង វិមានតារ៉ា អធិការនគរបាលខណ្ឌមានជ័យ ។ ហើយជាលទ្ធិផលនៃការចុះបង្ក្រាបនេះ កម្លាំងនគរបាលដកហូតបាន ៖
សត្វមាន់ឈ្មោល (មាន់ជល់ ) ៣ក្បាល, ចានសម្រាប់លេងអាប៉ោង១ , កំរាលសម្រាប់ចាក់អាប៉ោង១ផ្ទាំង , ជញ្ជីងថ្លឹង១ , កៅអីជ័រ៩ , ខ្នាយដែក២ដើម , ទូរស័ព្ទដៃចាស់១១គ្រឿង , លុយខ្មែរចំនួន៨៧០០០០រៀល និងម៉ូតូ៤គ្រឿងផងដែរ។
តាមអធិការនគរបាលខណ្ឌ លោកវរសេនីយ៍ទោ ម៉េង វិមានតារ៉ា ប្រាប់ឱ្យដឹងថា មុនឈានដល់ការចុះបង្ក្រាប គឺកម្លាំងនគរបាលទទួលព័ត៌មានពីពលរដ្ឋថា មានការបើកលេងល្បែងបញ្ជល់មាននៅចំណុចខាងលើ ។ ក្រោយពីទទួលបានព័ត៌មាន រូបលោកក៏ដឹកនាំកម្លាំងចុះផ្ទាល់ធ្វើការបង្ក្រាបជាក់ស្តែងតែម្តងទៅ ។
យ៉ាងណាមិញ បច្ចុប្បន្នមនុស្សទាំង៩នាក់ត្រូវឃាត់ខ្លួនបណ្តោះអាសន្ននៅអធិការដ្ឋាននគរបាលខណ្ឌមានជ័យ រង់ចាំកសាងសំណុំរឿងចាត់ការទៅតាមនីតិវីធីច្បាប់នៅពេលក្រោយ ៕ (កែសម្រួលដោយ ៖ បុប្ផា)
ចែករំលែកព័តមាននេះ