ខេត្តមណ្ឌលគិរី ៖ សេចក្តីរាយការណីឱ្យដឹងថា ជនជាប់ចោទក្នុងករណីឃាតកម្មបាញ់សម្លាប់បុរសព្រានព្រៃនៅឃុំស្រែឈូក ស្រុកកែវសីមា បានបាត់បង់ជីវិតកាលពីល្ងាចថ្ងៃទី២៩ មិថុនា ស្ថិតនៅមន្ទីរពេទ្យបង្អែកខេត្តមណ្ឌលគិរី ក្រោយពីគាត់កើតមានជំងឺបេះដូង និងថ្លើម…
ខេត្តមណ្ឌលគិរី ៖ សេចក្តីរាយការណីឱ្យដឹងថា ជនជាប់ចោទក្នុងករណីឃាតកម្មបាញ់សម្លាប់បុរស
ព្រានព្រៃនៅឃុំស្រែឈូក ស្រុកកែវសីមា បានបាត់បង់ជីវិតកាលពីល្ងាចថ្ងៃទី២៩ មិថុនា ស្ថិតនៅមន្ទីរ
ពេទ្យបង្អែកខេត្តមណ្ឌលគិរី ក្រោយពីគាត់កើតមានជំងឺបេះដូង និងថ្លើម ។ ស្ថិតនៅអគារតំកល់សាកសពមន្ទីរពេទ្យបង្អែក ខេត្តមណ្ឌលគិរី ឃើញវត្តមានរបស់កម្លាំងការិយាល័យបច្ចេកទេស សហការជាមួយកម្លាំងអធិការដ្ឋាននគរ បាលក្រុងសែនមនោរម្យ និងមានការចូលរួមពីក្រុមគ្រូពេទ្យគ្រូពេទ្យបានធ្វើការពិនិត្យ និងកោសល្យវិច្ច័យលើសាកសពជនជាប់ចោទឈ្មោះ ណន ម៉ៅ អាយុ៤២ឆ្នាំ ជាប់ចោទពីបទឃាតកម្ម ដោយគិតទុកជាមុនមានទីលំនៅភូមិខ្មូម ឃុំស្រែឈូក ស្រុកកែវសីមា ខេត្តមណ្ឌលគិរី។
ប្រភពថា អនុរក្សពន្ធនាគារបានបញ្ជូនមកព្យាបាលនៅមន្ទីរពេទ្យខេត្តមណ្ឌលគិរី ដោយជំងឺបេះដូង និងសួតឈប់ដំណើរការ ។ បើតាមគ្រូពេទ្យរោគវិនិច្ឆ័យ គឺស្លាប់ដោយសារដុំថ្លើម និងស្លេកស្លាំងធ្ងន់ធ្ងរ ។ក្រោយការពិនិត្យលើដងខ្លួនសាកសព ពុំមានស្លាកស្នាមអ្វីឡើយ ។ ដូច្នេះ សមត្ថកិច្ចសន្និដ្ឋានបានថា ជនជាប់ចោទឈ្មោះ ណន ម៉ៅ ពិតជាស្លាប់ដោយសារជំងឺពិតប្រាកដមែន ។
សូមបញ្ជាក់ថា ជនជាប់ចោទខាងលើ ត្រូវបានសមត្ថកិច្ចចាប់ឃាត់ខ្លួនបានក្រោយធ្វើសកម្មភាពបាញ់សម្លាប់គូទំនាស់ ហើយត្រូវបញ្ជូនចូលពន្ឋនាគារកាលពីដើមខែឧសភា ក្រោមបទចោទប្រកាន់ ឃាតកម្ម
គិតទុកជាមុន ។ (សម្រួលដោយ៖ ស្រីណា)
ចែករំលែកព័តមាននេះ