សហរដ្ឋអាមេរិក-កូរ៉េខាងេជើង ៖ ប្រធានាធិបតីអាមេរិកលោកដូណាល់ត្រាំ ពេលមកដល់ក្រុងសេអ៊ូលកាលពីថ្ងៃទី២៩មិថុនា បានស្នើតាមរយៈTWITTER ជួបជាមួយលោកគីមជុងអ៊ុនមេដឹកនាំកូរ៉េខាងជើងនៅតំបន់ហាមមិនឲ្យមានកងទ័ព ដែលបែងចែករវាងកូរ៉េទាំង២។ ការប្រកាសគួរឲ្យភ្ញាក់ផ្អើលនោះ កើតមាន៤ខែក្រោយកិច្ចប្រជុំកំពូលនៅក្រុងហាណូយរវាងមេដឹកនាំទាំង២ ដែលបញ្ចប់ដោយបរាជ័យ…
សហរដ្ឋអាមេរិក-កូរ៉េខាងេជើង ៖ ប្រធានាធិបតីអាមេរិកលោកដូណាល់ត្រាំ ពេលមកដល់ក្រុងសេអ៊ូលកាលពីថ្ងៃទី២៩មិថុនា បានស្នើតាមរយៈTWITTER ជួបជាមួយលោកគីមជុងអ៊ុនមេដឹកនាំកូរ៉េខាងជើងនៅតំបន់ហាមមិនឲ្យមានកងទ័ព ដែលបែងចែករវាងកូរ៉េទាំង២។
ការប្រកាសគួរឲ្យភ្ញាក់ផ្អើលនោះ កើតមាន៤ខែក្រោយកិច្ចប្រជុំកំពូលនៅក្រុងហាណូយរវាងមេដឹកនាំទាំង២ ដែលបញ្ចប់ដោយបរាជ័យ ព្រោះពុំមានការរីកចម្រើនទៅមុខលើការរំសាយនុយក្លេអ៊ែរកូរ៉េខាងជើង។ ចាប់តាំងពីពេលនោះមកការចរចាត្រូវជាប់គាំង។
យន្តហោះប្រធានាធិបតីAIR FORCE ONEកាលពីថ្ងៃទី២៩មិថុនា បានចុះនៅមូលដ្ឋានអាកាសចរណ៍អូសាននាភាគខាងត្បូងក្រុងសេអ៊ូ៊ូល ខណៈលោកត្រាំមកបំពេញទស្សនកិច្ច២ថ្ងៃនៅកូរ៉េខាងត្បូង។
ប្រធានាធិបតីកូរ៉េខាងត្បូង លោកMOON JAE INប្រកាសថា លោកគីមជុងអ៊ុនបានយល់ព្រមជួបជាមួយលោកត្រាំ នាថ្ងៃទី៣០មិថុនានៅព្រំដែនអន្តរកូរ៉េ។ នៅមុខសារព័ត៌មាននាឱកាសនៃសន្និ្នសីទសារព័ត៌មានរួមមួយជាមួយលោកត្រាំ លោកMOON ថ្លែងថា មេដឹកនាំអាមេរិកនិងកូរ៉េខាងជើង ជួបចាប់ដៃគ្នាដើម្បីសន្តិភាព នៅភូមិព្រំដែនប៉ានមុនហ្សូមជាកន្លែងនិមិត្តរូបនៃការពុះចែកកូរ៉េទាំង២។
មកដល់កូរ៉េខាងត្បូងនាយប់ថ្ងៃទី២៩មិថុនា ប្រធានាធិបតីអាមេរិក ត្រូវជួបលោកគីមនាដើមរសៀលថ្ងៃទី៣០មិថុនា នៅតំបន់ហាមមិនឲ្យមានកងទ័ព ។ ក្នុងសន្និសីទសារព័ត៌មាន លោកត្រាំពោលថា យើងទៅកាន់តំបន់ព្រំដែន ហើយខ្ញុំជួបជាមួយលោកប្រធានាធិបតីគីម។ ខ្ញុំពិតជារីករាយខ្លាំងណាស់។ នោះជាការជួបគ្នាលើកដំបូងរបស់មេដឹកនាំទាំង២ នៅព្រំដែនអន្តរកូរ៉េកន្លែងនិមិត្តរូបមួយ ដែលទោះជាហៅតំំបន់ហាមមិនឲ្យមានកងទ័ព តែតាមពិតជាតំបន់មានការដាក់ពង្រាយកងទ័ពនិងគ្រឿងអាវុធច្រើនបំផុតនៃពិភពលោក។ វាជាការជួបគ្នាកំពូលលើកទី៣ បន្ទាប់ពីការជួបគ្នានៅសិង្ហបុរីកាលពីខែមិថុនាឆ្នាំ២០១៨និងការជួបគ្នានៅក្រុងហាណូយកាលពីខែកុម្ភៈ។
ក្នុងសារតាមTWITTERលោកត្រាំសរសេរថា ពេលលោកគីមឃើញសារនេះ នោះខ្ញុំអាចជួបលោកនៅព្រំដែនរវាងកូរ៉េទាំង២ ដើម្បីចាប់ដៃគ្នានិងនិយាយគ្នា។
ចំពោះការប្រកាសរបស់លោកត្រាំនេះ អនុរដ្ឋមន្ត្រីទី១នៃក្រសួងការបរទេសកូរ៉េខាងជើង លោកស្រីCHOE SON HUI កាលពីថ្ងៃទី២៩មិថុនាចាត់ទុកថា នោះជាសំណើដ៏សំខាន់មួយរបស់ប្រធានាធិបតីអាមេរិកដើម្បីជួបជាមួយមេដឹកនាំកូរ៉េខាងជើង លោកគីមជុងអ៊ុននៅព្រំដែនអន្តរកូរ៉េ។ លោកស្រីបន្តថា យើងចាត់ទុកជាសំណើសំខាន់បំផុតមួយ ។ ខ្ញុំគិតថាបើការជួបគ្នាកំពូលបែបនេះកើតមាន នៅបន្ទាត់ព្រំដែន ដូចតាមចេតនារបស់របស់លោកត្រាំ វានឹងជាឱកាសសំខាន់ធ្វើឲ្យស៊ីជម្រៅថែមទៀត ដល់ទំនាក់ទំនងផ្ទាល់ខ្លួនរវាងមេដឹកនាំទាំង២ ហើយធ្វើឲ្យមានការជឿនលឿនទៅមុខដល់ទំនាក់ទំនងទ្វេភាគី។
លោកត្រាំបង្ហាញពីបំណងចង់ជួបជាមួយលោកគីមនៅព្រំដែនអន្តរកូរ៉េ ពេលលោកនាថ្ងៃទី២៩និង៣០មិថុនា ស្ថិតនៅកូរ៉េខាងត្បូង ក្រោយលោកទៅកាន់ជប៉ុនចូលរួមក្នុងកិច្ចប្រជុំកំពូលG20៕ (កែសម្រួលដោយ ៖ បុប្ផា)
ចែករំលែកព័តមាននេះ