រាជធានីភ្នំពេញ ៖ អតីតមន្ត្រីជាន់ខ្ពស់គណបក្សសង្គ្រោះជាតិ (CNRP) លោក អ៊ូ ច័ន្ទរ័ត្ន បានប្រកាសស្វាគមន៍ចំពោះការបង្កើតយន្តការឲ្យមានការត្រួតពិនិត្យ ការសាងសង់អគារ និងសំណង់អគារនៅក្នុងខេត្តព្រះសីហនុ និងលោកបានស្នើឲ្យមានស៊ើបអង្កេតពីមូលហេតុនៃការបាក់អគារកម្ពស់៧ជាន់ នៅព្រះសីហនុឲ្យបានច្បាស់លាស់ ។
ការប្រកាសរបស់លោក អ៊ូ ច័ន្ទរ័ត្ន បន្ទាប់ពីលោកជា សុផារ៉ា ឧបនាយករដ្ឋមន្ត្រី រដ្ឋមន្ត្រី ក្រសួងដែនដីនគរូបនីយកម្ម និងសំណង់បានសរសរលិខតជូនសម្តេចតេជោ ហ៊ុន សែន នាយករដ្ឋមន្ត្រី ដើម្បីបង្កើតត្រួតពិនិត្យគុណភាពសំណង់នៅក្នុងខេត្តព្រះសីហនុ ។ លោកអ៊ូ ច័ន្ទរ័ត្ន បានឲ្យដឹងកាលពីថ្ងៃទី៨៩ ខែមិថុនានេះបានស្វាគមន៍ចំពោះយន្តការទប់ស្កាត់ការសាងសង់អគារ និងការបង្កើតគណៈកម្មការត្រួតពិនិត្យសំណង់នៅខេត្តព្រះសីហនុ ។
លោកបានបញ្ជាក់ថា«នេះ គឺជាការត្រឹមត្រូវក្នុងការមានយន្តការទប់ស្កាត់ការសាងសង់នៅព្រះសីហនុ ហើយខ្ញុំចង់ឃើញមានស៊ើបសង្កេតនៃការរលំបាក់អគារថា តើមានហេតុអ្វីនៅពីក្រោ យនៃការរលំបាក់អគារច្បាស់លាស់ និងប្រើយន្តការ ហើយមិនបានការ គឺត្រូវរៀបចំយន្តការថ្មី ទៀត ហើយបើមានយន្តការហើយមានការអនុវត្តមិនត្រឹមត្រូវ ត្រូវមានវិធានការ» ។ លោកបញ្ជាក់បន្ថែមថា« ខ្ញុំស្វាគមន៍ចំពោះការយកចិត្តទុកដាក់ចំពោះករណីនេះក្នុងការគ្រប់គ្រង ខ្ញុំឯកភាព ចំពោះលោករដ្ឋមន្ត្រីក្រសួងដែនដី» ។
យ៉ាងណាក្តីលោក អ៊ូ ច័ន្ទរ័ត្ន ក៏បានសម្តែងការខកចិត្តចំពោះករណីនៃការរលំបាក់អគារដោយសាររហូតមកដល់ពេលនេះមិនទាន់មានការស៊ើបអង្កេតច្បាស់លាស់ណាមួយនៅឡើយ បែរជាលោក យន្ត មីន ត្រូវបានតែងតាំងជារដ្ឋលេខាធិការក្រសួងការពារជាតិទៅវិញ ករណីនេះហាក់ដូចជាមានការលឿនពេកក្នុងការសម្រេចចិត្ត ។ ជាមួយគ្នានោះដែរ ក៏បានលើកឡើងថា ការផ្លាស់ប្តូរអភិបាលខេត្ត គឺជារឿងមួយល្អ ហើយការដាក់អភិបាលខេត្តថ្មីអាចមានប្រសិទ្ធភាព ឬយ៉ាងនោះគ្រាន់ជាការចាំមើលដូចគ្នា ។
ប្រសិនមានវិធានការច្បាស់លាស់នោះក៏មិនទទួលបានជោគជ័យដែរ ។ អតីតមន្ត្រីជាន់ខ្ពស់បក្សប្រឆាំងក៏បានស្នើឲ្យរាជរដ្ឋាភិបាលមានការស៊ើបអង្កេតច្បាស់លាស់ចំពោះករណីរលំបាក់អគារនេះ ដើម្បីចង់ឲ្យដឹងថា មានជាប់ពាក់ព័ន្ធនឹងមន្ត្រីខិលខូចណាមួយ ឬពាក់ព័ន្ធ និងការធ្វេសប្រហែសរបស់អាជ្ញាធរ ។ ហើយប្រសិនបើមានការពាក់ព័ន្ធមែន គួរត្រូវមានការពិន័យ ដាក់ទោសទណ្ឌផ្នែករដ្ឋបាល ឬដាក់ទោសព្រហ្មទណ្ឌ បើមានពាក់ព័ន្ធ និងដាក់ទោស បើមានករណីអំពើពុករលួយ ។លោកថា ក្រោយករណីនេះកើតឡើងមិនទាន់មានវិធានការអ្វីច្បាស់លាស់ក្រៅពីផ្តល់ថវិកាដល់គ្រួសារអ្នកស្លាប់ដោយសារអគារបាក់សង្កត់ស្លាប់ ។
សូមជម្រាបថា ការលើកឡើងរបស់អតីតមន្ត្រីជាន់ខ្ពស់បក្សប្រឆាំង បន្ទាប់មានហេតុការណ៍រកលំបាក់អគារកម្ពស់៧ជាន់ នៅខេត្តព្រះសីហនុ ដោយបណ្តាលឲ្យមនុស្សស្លាប់២៨នាក់ និងរ បួស២៦នាក់ ៕ កែសម្រួលដោយ ៖ សុឃាក់
ចែករំលែកព័តមាននេះ