ការសិក្សាមួយរបស់សហរដ្ឋអាមេរិកដែលប្រើពេលអស់ជាង២ទសវត្សបានរកឃើញថា ភាពរសាប់រសល់ធុញថប់ក្នុងអារម្មណ៍អាចបង្កើនហានិភ័យកើតមានជំងឺដាច់សរសៃឈាមខួរក្បាល ។
ការសិក្សាមួយរបស់សហរដ្ឋអាមេរិកដែលប្រើពេលអស់ជាង២ទសវត្សបានរកឃើញថា ភាពរសាប់រសល់ធុញថប់ក្នុងអារម្មណ៍អាចបង្កើនហានិភ័យកើតមានជំងឺដាច់សរសៃឈាមខួរក្បាល ។
នៅក្នុងការពិសោធន៍លើមនុស្សវ័យពី២៥ឆ្នាំដល់៧៤ឆ្នាំជាង៦ពាន់នាក់លោកស្រីវេជ្ជបណ្ឌិត Maya Lambiase ដែលជាអ្នកដឹកនាំការសិក្សាមកពីសាកលវិទ្យាល័យ University of Pittsburgh School of Medicine រកឃើញថា អ្នកដែលមានអារម្មណ៍ធុញថប់ប្រឈមនឹងជំងឺដាច់សរសៃឈាមខួរក្បាលដល់ទៅ៣៣ភាគរយធៀបទៅនឹងអ្នកដែលមានអារម្មណ៍ធម្មតាមានន័យថា គេធុញថប់កាន់តែខ្លាំង អត្រាប្រឈមនឹងកើនឡើងកាន់តែខ្ពស់ ។
លោកស្រីវេជ្ជបណ្ឌិត Lambiaseបានថ្លែងថា៖«មនុស្សគ្រប់គ្នាមានពេលខ្លះកើតភាពរសាប់រសល់និងធុញថប់ក្នុងអារម្មណ៍ ប៉ុន្តែនៅពេលដែលអារម្មណ៍បែបនេះកើនឡើងខ្ពស់និងមានជាប្រចាំវានឹងធ្វើឱ្យប៉ះពាល់ដល់ប្រព័ន្ធសរសៃឈាមនាពេលអនាគត »។ ទោះជាយ៉ាងនេះក្តី ក្រុមអ្នកស្រាវជ្រាវបានគូសបញ្ជាក់ថា វាមិនទាន់ច្បាស់១០០%ទេដែលថា ភាពរសាប់រសល់ធុញថប់ក្នុងអារម្មណ៍តែមួយមុខ អាចបង្កើនហានិភ័យពីជំងឺដាច់សរសៃឈាមខួរក្បាលនោះ។ ពួកគេថា ហានិភ័យអាចកើតមានប្រហែលជាមកពីទង្វើខុសឆ្គងផ្សេងៗគ្រាដែលបុគ្គលម្នាក់កំពុងមានអារម្មណ៍ធុញថប់ ។
ក្រុមអ្នកស្រាវជ្រាវបានបន្តថា ក្នុងពេលដែលបុគ្គលណាម្នាក់ពោរពេញដោយការរសាប់រសល់និងធុញថប់ក្នុងអារម្មណ៍ គេទំនងជាចូលចិត្តជក់បារី ផឹកស្រា និងមិនចូលចិត្តធ្វើសកម្មភាពរាងកាយនោះទេ ៕
ចែករំលែកព័តមាននេះ