យោងតាមការសិក្សាស្រាវជ្រាវបានបង្ហាញថា មនុស្សពេញវ័យដែលលេបថ្នាំ Aspirinជាប្រចាំដើម្បីទប់ស្កាត់ជំងឺបេះដូង អាចនឹងទទួលបានផលអាក្រក់ជាជាងផលល្អ ។
យោងតាមការសិក្សាស្រាវជ្រាវបានបង្ហាញថា មនុស្សពេញវ័យដែលលេបថ្នាំ Aspirinជាប្រចាំដើម្បីទប់ស្កាត់ជំងឺបេះដូង អាចនឹងទទួលបានផលអាក្រក់ជាជាងផលល្អ ។
កន្លងមក មនុស្សភាគច្រើនទទួលបានសារសុខភាពដោយយល់ច្រឡំអំពីថ្នាំ Aspirin ។ ពួកគេត្រូវបានប្រាប់ថា Aspirinដើរតួនាទីយ៉ាងសំខាន់ក្នុងនាមជាឱសថការពារ ។
ដើម្បីជម្រះមន្ទិលពីការយល់ច្រឡំនេះ ក្រុមអ្នកស្រាវជ្រាវចក្រភពអង់គ្លេសបានធ្វើការពិនិត្យសើរើឡើងវិញនូវលទ្ធផលនៃការសិក្សាចំនួន២៧ ដែលធ្វើចន្លោះពីឆ្នាំ២០០៨ដល់ឆ្នាំ២០១២ ។ ជាលទ្ធផលបានបង្ហាញថា មនុស្សធំមានសុខភាពល្អ គ្មានរោគសញ្ញាជំងឺបេះដូង ប៉ុន្តែលេបថ្នាំ Aspirinជាប្រចាំនោះគឺមិនអាចធ្វើឱ្យល្អប្រសើរដល់សុខភាពនោះទេ ។ វេជ្ជបណ្ឌិត Peter Sandercockមកពីសាកលវិទ្យា
ល័យ University of Edinburgh ថ្លែងថា ៖«មនុស្សមានសុខភាពល្អជាច្រើនគិតថា លេបថ្នាំ Aspirinគឺអាចជួយការពារជំងឺគាំងបេះដូងនិងមហារីក ។ នេះបង្ហាញថា បើទោះជាពួកគេមានសុខភាពល្អ គ្មានរោគសញ្ញាជំងឺបេះដូង ក៏ត្រូវតែលេបថ្នាំនេះដែរ ។ នេះជាទង្វើខុសឆ្គង ដ្បិតវាមិនបានធ្វើឱ្យសុខភាពជាទូទៅរបស់គេបានល្អប្រសើរនោះទេ »។
ដោយឡែកវេជ្ជបណ្ឌិត Paul Sutcliffeមកពីសាកលវិទ្យាល័យ University of Warwickប្រទេសអង់គ្លេសថ្លែងថា៖«មានភស្តុតាងជាច្រើនត្រង់ចំណុចនេះ ។ ប៉ុន្តែគ្មានអ្នកណាម្នាក់បានទាញមកដាក់ផ្ទឹមគ្នាពីផលល្អនិងផលអាក្រក់របស់ថ្នាំ Aspirinតាមមធ្យោបាយជាប្រព័ន្ធនោះទេ ។ យើងចាំបាច់ត្រូវតែវាយតម្លៃដោយប្រុងប្រយ័ត្នខ្ពស់ពាក់ព័ន្ធនឹងការប្រើប្រាស់ប្រចាំថ្ងៃដោយមិនបានដឹងពីព័ត៌មានពិត ។ ត្រង់ចំណុចនេះ ខ្ញុំចង់និយាយថា គេមិនគួរលេបថ្នាំ Aspirinដោយគ្មានវេជ្ជបញ្ជាត្រឹមត្រូវពីគ្រូពេទ្យនោះទេ » ៕
ចែករំលែកព័តមាននេះ