អ្នកវិទ្យាសាស្ត្របានរកឃើញថា ពិសាគ្រឿងស្រវឹងច្រើនលើសកម្រិត អាចបណ្តាលឱ្យអ្នកប្រឈមខ្ពស់នឹងការកើតជំងឺមហារីក ដ្បិតអេតាណុលដែលជាសារធាតុចំបងក្នុងស្រាគឺជាប្រភពដែលធ្វើឱ្យកើតជំងឺមហារីកនៅគ្រប់ផ្នែកទាំងអស់នៃរាងកាយ ។
អ្នកវិទ្យាសាស្ត្របានរកឃើញថា ពិសាគ្រឿងស្រវឹងច្រើនលើសកម្រិត អាចបណ្តាលឱ្យអ្នកប្រឈមខ្ពស់នឹងការកើតជំងឺមហារីក ដ្បិតអេតាណុលដែលជាសារធាតុចំបងក្នុងស្រាគឺជាប្រភពដែលធ្វើឱ្យកើតជំងឺមហារីកនៅគ្រប់ផ្នែកទាំងអស់នៃរាងកាយ ។
ពួកអ្នកស្រាវជ្រាវបានបញ្ជាក់ថា នៅពេលដែលអេតាណុលត្រូវបានបំបែកក្នុងរាងកាយ វាបានធ្វើឱ្យខូចខាតដល់ DNA ដែលបន្ទាប់មកនឹងនាំទៅរកការផ្លាស់ប្តូរដ៏គ្រោះថ្នាក់ចំពោះបណ្តាកោសិកា ។
ការពិសោធដោយផ្ទាល់ទៅលើកោសិការបស់មនុស្សពីសំណាក់ក្រុមអ្នកស្រាវជ្រាវមកពីវិទ្យាស្ថានជាតិប្រយុទ្ធប្រឆាំងគ្រឿងស្រវឹងនិងរោគញៀនស្រា រដ្ឋម៉ារីលែនសហរដ្ឋអាមេរិកបានបង្ហាញថា គ្រឿងស្រវឹង(អេតាណុល)ត្រូវបានបំលែងទៅជា Acetaldehyde(CH3CHO ឬ MeCHO)ហើយបំផ្លាញ DNAនិងព្រមទាំងជួយបើកផ្លូវឱ្យDNAរបស់កោសិកាទៅជួសជុលហ្សែន ។
អ្នកនិពន្ធអត្ថបទនៃការសិក្សា វេជ្ជបណ្ឌិតហ្វ៊ីលីព ជេប្រ៊ូកស៍បាននិយាយថា៖«បើទោះបី លទ្ធផលនៃការស្រាវជ្រាវលើកទី១នាឆ្នាំ១៩៨០បានអះអាងពីការជាប់ពាក់ព័ន្ធគ្នារវាងការសេពគ្រឿងស្រវឹងនិងជំងឺមហារីក ប៉ុន្តែពុំមានភស្តុតាងច្បាស់លាស់បង្ហាញពីទំនាក់ទំនងនោះទេ ។ ផ្ទុយមកវិញ តាមភស្តុតាងថ្មីៗបច្ចុប្បន្ននេះបានបង្ហាញយ៉ាងច្បាស់ថា គ្រឿងស្រវឹង(អេតាណុល)គឺជាប្រភពដែលនាំឱ្យកើតជំងឺមហារីកលើច្រើនផ្នែកនៃរាងកាយ»។
លោកវេជ្ជបណ្ឌិតបានបញ្ជាក់ថា ការជាប់ពាក់ព័ន្ធរវាង Acetaldehyde(CH3CHO ឬ MeCHO)និងជំងឺមហារីកបានលេចចេញជារូបរាងបន្ទាប់ពីបណ្តាប្រទេសអាស៊ីខាងកើតត្រូវគេរកឃើញថា កំពុងប្រឈមយ៉ាងខ្ពស់ទៅនឹងជំងឺមហារីកបំពង់អាហារ ។ លោកបន្ថែមថា ៖«នៅក្នុងខ្លួនមនុស្សភាគច្រើនបំផុត Acetaldehydeត្រូវបានបំលែងយ៉ាងរហ័សទៅជាអាសេតាត(acetate-ជាសារធាតុដែលគ្មានបង្កគ្រោះថ្នាក់)ដោយអង់ហ្ស៊ីមមួយមានឈ្មោះ ALDH2 ។ ទោះជាយ៉ាងនេះក្តី ជនជាតិអាស៊ីខាងកើតប្រហែលជា៣០%មិនអាចបំលែងគ្រឿងស្រវឹងឱ្យទៅជាអាសេតាតបាននោះទេ ដោយយោងលើភាពផ្ទុយគ្នារបស់ហ្សែន ALDH2 ។ ដោយសារបែបនេះ ធ្វើឱ្យពួកគេប្រឈមនឹងការកើតជំងឺមហារីកបំពង់អាហារដែលបង្កដោយការសេពគ្រឿងស្រវឹងទ្វេដង»៕
ចែករំលែកព័តមាននេះ