សារសំខាន់នៃការថែរក្សាសុខភាពថ្លើមជារឿយៗត្រូវបានគេបំភ្លេចចោលក្នុងពេលដែលជីវិតមមាញឹកដោយការងារ ។ ទោះជាយ៉ាងនេះក្តី យើងសូមណែនាំនូវអាហារពីធម្មជាតិចំនួន១០មុខដែលផ្តល់អត្ថប្រយោជន៍ដល់ថ្លើម ៖
សារសំខាន់នៃការថែរក្សាសុខភាពថ្លើមជារឿយៗត្រូវបានគេបំភ្លេចចោលក្នុងពេលដែលជីវិតមមាញឹកដោយការងារ ។ ទោះជាយ៉ាងនេះក្តី យើងសូមណែនាំនូវអាហារពីធម្មជាតិចំនួន១០មុខដែលផ្តល់អត្ថប្រយោជន៍ដល់ថ្លើម ៖
១-មើមខ្ទឹមស ៖
ខ្ទឹម១ក្លែបមានកម្លាំងគ្រប់គ្រាន់ជួយការពារថ្លើមតាមរយៈការធ្វើឱ្យអង់ហ្ស៊ីមថ្លើមមានសកម្មភាព ។ អង់ហ្ស៊ីមនេះមាននាទីស្រូបយកសារធាតុចិញ្ចឹម និងបញ្ចេញចោលសារធាតុពុលរបស់រាងកាយ ។ ខ្ទឹមសត្រូវគេដឹងថា សម្បូរទៅដោយ Allicinនិង Seleniumដែលជាសមាសធាតុមាននាទីសំខាន់ជួយរក្សាមុខងារថ្លើម ។
២-ផ្លែទំពាំងបាយជូរ៖
វីតាមីន Cដ៏សម្បូរបែបនៅក្នុងទំពាំងបាយជូរគឺជាអត្ថប្រយោជន៍យ៉ាងលើសលប់ជួយការពារថ្លើម ពីការប៉ះពាល់ដោយការសឹករេចរឹល ។ វាមិនត្រឹមតែជួយជំរុញការផលិតវត្ថុធាតុបន្សាបជាតិពុលប៉ុណ្ណោះទេ ប៉ុន្តែថែមទាំងជួយធ្វើឱ្យល្អប្រសើរនូវមុខងារសរីរាង្គទៀតផង
៣-ពពួកបន្លែមើម ៖
វត្តមានសារធាតុ Flavonoids នៅក្នុងពពួកបន្លែមើមដូចជា ការ៉ុត ដំឡូងបារាំង និងឆៃថាវក្រហមមានអត្ថប្រយោធន៍ដ៏លើសលប់ជួយបណ្តុះកោសិកាមុខងារក្នុងថ្លើម ។ និយាយជារួម ការទទួលទានប្រចាំថ្ងៃពពួកបន្លែមើមទាំងនេះនឹងជួយធានាឱ្យថ្លើមបំពេញមុខងារបានល្អ ។
៤-ពពួកបន្លែស្លឹកពណ៌បៃតង ៖
បន្លែស្លឹកពណ៌បៃតងត្រូវគេចាត់ទុកថាជាអាហារល្អបំផុត ជួយសម្អាតសារធាតុពុលក្នុងថ្លើម ។ សមាសធាតុ Chlorophyllមាននាទីស្រូបយកសារធាតុអាក្រក់ពីរាងកាយនិងបន្សាបប្រសិទ្ធភាពគីមីពុល ។ ពពួកបន្លែដូចជា ម្រះ ស្ពៃស្លឹកម្យ៉ាង (Spinach)និងស្ពៃក្តោបមានអត្ថប្រយោជន៍យ៉ាងលើសលប់ ។
៥-តែបៃតង ៖
វាមានសមាសធាតុប្រឆាំងអុកស៊ីដកម្មដ៏ខ្លាំងក្លាបំផុតឈ្មោះ Catechins។ សមាសធាតុនេះមាននាទីកំចាត់រ៉ាឌីកាល់សេរីក្នុងថ្លើម ព្រមទាំងសម្អាតជាតិពុលបានរហ័សទៀតផង ។
៦-ផ្លែប៊័រ ៖
ផ្លែឈើនេះសម្បូរទៅដោយសមាសធាតុ Glutathioneនិងអាស៊ីតខ្លាញ់ monounsaturat-ed fats ដែលវាមិនត្រឹមតែជួយជំរុញដល់ដំណើរការសម្អាតថ្លើមប៉ុណ្ណោះទេ ប៉ុន្តែថែមទាំងជួយបង្កើតជាលិកា និងកោសិកាថ្មីផងដែរ ។
៧-ផ្លែប៉ោម ៖
ទទួលទានប៉ោមមួយផ្លែក្នុងមួយថ្ងៃនឹងធ្វើឱ្យថ្លើមមានសុខភាពល្អ ។
៨-ប្រេងអូលីវ ៖
ការប្រើប្រាស់ក្នុងកម្រិតមធ្យមនឹងផ្តល់នូវមូលដ្ឋានគ្រឹះលីពីតដ៏ល្អសម្រាប់ថ្លើមក្នុងការស្រូបយកសារធាតុពុលពីរាងកាយ ហើយដែលបញ្ហានេះនឹងជួយកាត់បន្ថយសារធាតុពុល ធ្វើឱ្យថ្លើមបំពេញមុខងារកាន់តែល្អប្រសើរក្នុងរយៈពេលវែង ។
៩-គ្រាប់ធញ្ញជាតិ ៖
សម្បូរទៅដោយវីតាមីន B-complex គ្រាប់ធញ្ញជាតិបានជួយជំរុញសមត្ថភាពថ្លើមក្នុងការរំលាយជាតិខ្លាញ់និងជាលិកាដែលធ្វើឱ្យស្ទះ ។ អង្ករសម្រូបមានប្រយោជន៍យ៉ាងលើសលប់សម្រាប់ថ្លើម ។
១០-ខាត់ណាខៀវ ៖
ផ្កាស្ពៃប្រភេទនេះសម្បូរទៅដោយ glucosinolatesដែលជួយបង្កើនផលិតកម្មអង់ហ្ស៊ីម ។ អង់ហ្ស៊ីមទាំងនេះមាននាទីលាងសម្អាតជាតិពុល និងcarcinogens ពីរាងកាយ ៕
ចែករំលែកព័តមាននេះ