តាមប្រភពព័ត៌មាន The Sun បានឱ្យដឹងថា អ្នកគាំទ្ររបស់ក្លិបតោខៀវជាច្រើននាក់មានការខឹងសម្បានឹងការបណ្តែតបណ្តោយរបស់ក្លិបនេះ ដែលសុខចិត្តលក់កីឡាករ Jay Dasilva ទៅឱ្យក្លិប Bristol…
តាមប្រភពព័ត៌មាន The Sun បានឱ្យដឹងថា អ្នកគាំទ្ររបស់ក្លិបតោខៀវជាច្រើននាក់មានការខឹងសម្បានឹងការបណ្តែតបណ្តោយរបស់ក្លិបនេះ ដែលសុខចិត្តលក់កីឡាករ Jay Dasilva ទៅឱ្យក្លិប Bristol City ក្នុងតម្លៃត្រឹមតែ២លានផោន ។
ខ្សែបម្រើការពារស្លាបឆ្វេង អាយុ២១ឆ្នាំ បានឈ្នះលីគ UEFA ២ដង និង FA Youth Cup ៣ដង ដែលធ្វើឱ្យអ្នកគាំទ្រមានការរំពឹងខ្ពស់ ។ អ្នកគាំទ្រមិនដែលនឹកស្មានសោះថា ក្លិបតោខៀវចុងក្រោយបែរជាលក់កីឡាករម្នាក់នេះក្នុងតម្លៃត្រឹមតែ២លានផោន ខណៈដែលខ្លួនត្រូវជាប់ពិន័យមិនឱ្យទិញកីឡាករផ្សេងចូល ។
មានអ្នកគាំទ្រម្នាក់បានសរសេរថា ៖«តើក្លិបនេះមានដឹងខ្លួនទេថា កំពុងតែត្រូវទទួលពិន័យមិនឱ្យទិញកីឡាករថ្មីចូល?» ។ ម្នាក់ទៀតបានសរសេរថា៖«ម្តងទៀតហើយ ដែលក្លិបនេះបានបាត់បង់ជើងខ្លាំង»។
អ្នកគាំទ្រម្នាក់ទៀតសរសេរគួរឱ្យចាប់អារម្មណ៍ថា ៖«រឿងបីយ៉ាងដែលមិនអាចផ្លាស់ប្តូរបាន ៖ ១. ការស្លាប់ ២. ការបង់ពន្ធ ៣. Chelsea បណ្តោយឱ្យកីឡាករខ្លាំងទៅលេងនៅក្លិបផ្សេង»៕
ប្រភព ៖ thesun , កែសម្រួលដោយ ៖ សំណាង
ចែករំលែកព័តមាននេះ