អ្វីទាំងអស់ដែល McLaren ផលិតចាប់តាំងពីបើកក្រុមហ៊ុនដំបូង គឺសុទ្ធតែជារថយន្តប្រណាំងម៉ាស៊ីនខ្លាំងៗ twin-turbo V8 ដែលបំពាក់ដោយសរសៃកាបូនពេញតួរថយន្ត និង ប្រព័ន្ធលេខយ៉ាងល្អប្រណិត។ តើអាចទេ ដែលក្រុមហ៊ុននេះនឹងផលិតអ្វីមួយផ្សេងទៀត ដូចជារថយន្តអគ្គិសនី?
ដូចជាការឌីហ្សាញនេះទៀតសោត ដែលធ្វើឡើងដោយលោក Daniel Platek ដែលត្រូវជាអ្នកឌីហ្សាញរថយន្តមកពីទីក្រុងឡុងដ៍។ វាជារូបរបស់រថយន្ត McLaren ដែលដូចទៅនឹងរថយន្តអគ្គិសនី។
វាមិនចម្លែកនោះទេ ដែលក្រុមហ៊ុនផលិតរថយន្តមួយនេះ ដើរឆ្ពោះទៅកាន់ការផលិតរថយន្តអគ្គិសនី ព្រោះតែគេក៏បានប្រើប្រាស់បច្ចេកវិទ្យា Hybrid នៅក្នុងរថយន្ត P1 និង Speedtail។ ខាងគូប្រជែងដូចជា Porsche, Ferrari, Koenigsegg, Aston Martin និង Mercedes-AMG សុទ្ធតែផ្តោតខ្លាំងលើគំនិតផលិតរថយន្តអគ្គិសនី។ បើទោះបីជាគេត្រូវផលិតរថយន្តអគ្គិសនីក៏ដោយ ការបំពាក់ម៉ាស៊ីនអគ្គិសនីលើរថយន្តប្រណាំង Super Car គឺមិនងាយស្រួលឡើយ។ វាទាមទារពេលយូរទៅមុខទៀត។
តើនោះមានន័យក្រុមហ៊ុន McLaren នឹងចាប់ផ្តើមផលិតរថយន្តអគ្គិសនីឆាប់ៗ? វាប្រហែលជាមិនអាចទេ ដោយយ៉ាងហោចណាស់ក៏ប៉ុន្មានឆ្នាំទៅមុខទៀតដែរ។ តែយើងច្បាស់ថា គេនឹងធ្វើវានៅថ្ងៃណាមួយក្នុងពេលខាងមុខ ដូចទៅនឹងក្រុមហ៊ុនរថយន្តដទៃទៀតដែរ។ ប្រសិនបើគេពិតជាអាចផលិតបានមែន យើងសង្ឃឹមថា វានឹងមានរូបរាងស្អាតដូចក្នុងរូបនេះអ៊ីចឹង៕
ប្រភព ៖ carbuzz , កែសម្រួលដោយ ៖ សំណាង
ចែករំលែកព័តមាននេះ