រាជធានីភ្នំពេញ ៖ បុរសម្នាក់មិនដឹងជាមកពីណាមកចង.កសម្លាប់ខ្លួន នៅជាប់នឹងសំយាបបុស្តិ៍យាមមួយកន្លែង ដោយសាកសពបុរសវ័យជាង២០ឆ្នាំម្នាក់ដែលមិនមានអ្នកណាម្នាក់បានដឹងថា រូបគេមកពីទីណានោះទេ ត្រូវបានគេប្រទះឃើញចង.កធ្វើអត្តឃាតសម្លាប់ខ្លួន ដោយយកខ្សែរភ្លើងទៅចងភ្ជាប់ទៅនឹងសំយាបប៉ុស្តិ៍យាម ដែលគេទុកចោលមួយកន្លែង ខណៈដែលបុរសជាអ្នករត់ម៉ូតូរ៉ឺម៉កកង់បីម្នាក់ចូលទៅបត់ជើងតូចបានឃើញ និងរត់ទៅរាយការណ៍ប្រាប់កម្លាំងមានសមត្ថកិច្ចឱ្យបានដឹងនោះ ។
ហេតុការណ៍នេះដែរបានបង្កឱ្យមានការភ្ញាក់ផ្អើលកើតឡើង កាលពីវេលាម៉ោង៩និង៣០នាទី ព្រឹកថ្ងៃទី២៥ ខែមិថុនា ឆ្នាំ២០១៩ នៅចំណុចខាងក្រោយប៉ុស្តិ៍ឈើមួយកន្លែង (ខាងក្រោយសណ្ឋាគារ ផារ៉ាន់ដា) ផ្លូវលេខ៣៨៨ ក្នុងសង្កាត់ទួលស្វាយព្រៃទី២ ខណ្ឌចំការមន ។ តាមប្រភពព័ត៌មានពីនគរបាលបានប្រាប់ឱ្យដឹថា បុរសរងគ្រោះមានឈ្មោះ តាត់ ញ៉ូគីម អាយុ ២៧ឆ្នាំ មុខរបរកសិករ មានទីលំនៅក្នុងភូមិថ្នល់បែក ឃុំត្រពាំងឬស្សី ស្រុកកំពង់ស្វាយ ខេត្តកំង់ធំ ។
មុនពេលកើតហេតុ បុរសជាអ្នករត់ម៉ូតូរ៉ឺម៉កកង់បីម្នាក់បានមកបត់ជើងតូចនៅក្បែរប៉ុស្តិ៍ឈើចាស់មួយដែលគេទុកចោលយូរណាស់មកហើយនៅខាងក្រៅរបងផ្លូវម្ខាងនៃសណ្ឋាគារផារ៉ាន់ដា ខាងលើក៏ស្រាប់តែបានប្រទះឃើញសាកសពបុរសម្នាក់ចង.កសម្លាប់ខ្លួន និងរត់ទៅរាយ ការណ៍ប្រាប់កម្លាំងមានសមត្ថកិច្ចតែម្តង ។
តាមប្រភភពដដែលបានប្រាប់បន្តទៀតថា ក្រោយពីទទួលបានដំណឹងនេះរួចហើយកម្លាំងរបស់លោកក៏បានចុះមកមើលក៏បានឃើញពិតប្រាកដមែន និងធ្វើការសហការជាមួយ និងកម្លាំងជំនាញកោសល្យវិច្ច័យរបស់ការិយាល័យនគរបាលនៃស្នងការនគរបាលរាជធានីភ្នំពេញចុះមកធ្វើការត្រួតពិនិត្យមើលដោយរកឃើញមានសៀវភៅគ្រួសារចំនួន១សន្លឹក និងប័ណ្ណបើកបរចំនួន១ទុកនៅក្នុងហោប៉ៅខោរបស់គេផងដែរ ។ ពាក់ព័ន្ធទៅនឹងការចង.កធ្វើអត្តឃាតសម្លាប់ខ្លួនរបស់បុរសម្នាក់ខាងលើនេះដែរគេមិនបានដឹងថា រូបគេមានវិបត្តិអ្វី ? ហើយក៏មិនបានដឹងថា រូបគេមកពីទីណាដែរ ? ព្រោះមិនមានអ្នកណាម្នាក់បានស្គាល់ឡើយ ។
ក្រោយពេលកើតហេតុកម្លាំងមានសមត្ថកិច្ចជំនាញបានធ្វើការត្រួតពិនិត្យ និងកោសល្យវិច្ច័យទៅលើសាកសពបុរសរងគ្រោះដែលបានពិនិត្យឃើញថា «បុរសរងគ្រោះពិតជាបានស្លាប់បាត់បង់ជីវិត ដោយសារតែកាចង.កធ្វើអត្តឃាតសម្លាប់ខ្លួនឯងពិតប្រាកដមែន» ទើបធ្វើការបញ្ជូនយកទៅតម្កល់ទុកនៅវត្តស្ទឹងមានជ័យ ដើម្បីធ្វើការស្រាវជ្រាវរកក្រុមគ្រួសារអោយមកទទួលយកទៅធ្វើបុណ្យទៅតាមប្រពៃណីវិញ ៕ កែសម្រួលដោយ ៖ សុឃាក់
ចែករំលែកព័តមាននេះ