រាជាធានីភ្នំពេញ ៖ សមត្ថកិច្ចនគរបាលនាយកដ្ឋានប្រឆាំងបទល្មើសសេដ្ឋកិច្ចក្រសួងមហាផ្ទៃ បញ្ជូនម្ចាស់ទីតាំងលួចលាក់ផលិតផលឡេលាបខ្លួនក្លែងក្លាយ និងអត់ច្បាប់អនុញ្ញាត ទៅកាន់សាលាដំបូងរាជធានីភ្នំពេញ នារសៀលថ្ងៃទី២១ មិថុនា ដើម្បីប្រគល់ជូនតំណាងអយ្យការធ្វើការចោទប្រកាន់ជាផ្លូវការណ៍ ។ ម្ចាស់ទីតាំងនោះឈ្មោះ សាម ហុងថន ភេទស្រី អាយុ៣១ ឆ្នាំ ជាម្ចាស់ក្រុមហ៊ុន ហុងថន ខសបេធីក ឯក (HONG THON COSMETIC CO.LTD) ស្នាក់នៅផ្ទះលេខ២៥៦ ផ្លូវលំ សង្កាត់ទឹកថ្លា ខណ្ឌសែន
សុខ រាជធានីភ្នំពេញ ។ ស្ត្រីរូបនោះ បានរងនូវការចោទប្រកាន់ពីបទលួចលាក់ផលិតឡេក្លែងក្លាយ បន្លំអត្ត សញ្ញាណ បន្លំប្រភពផលិតផល និងអត់ច្បាប់អនុញ្ញាតពីក្រសួងសុខាភិបាល រួមទាំងអាជ្ញាធរពាក់ពន្ធថែមទៀតផង ។ គួររំលឹកថា៖ ទីតាំងផលិតឡេលាបនេះ ត្រូវប៉ូលិសដេកយាមទាល់ម្ចាស់ចេញមុខព្រមឱ្យចូលឆែក
គួរបញ្ជាក់ថា កាលពីថ្ងៃទី២០ មិថុនា កម្លាំងសមត្ថកិច្ចនគរបាលនាយកដ្ឋានប្រឆាំងបទល្មើសសេដ្ឋកិច្ចក្រសួងមហាផ្ទៃ ដោយមានការសហការជាមួយមន្ត្រីជំនាញក្រសួងសុខាភិបាល អាជ្ញាធរដែនដី ក្រោម
ការសម្របសម្រួលពីស្ថាប័នអយ្យការអមសាលាដំបូងរាជធានីភ្នំពេញ បានចុះបង្ក្រាបទីតាំងលួចលាក់ផលិតឡេក្លែងក្លាយមួយកន្លែង ស្ថិតនៅផ្ទះលេខ៣១ ផ្លូវលំ ភូមិទ្រា៣ សង្កាត់ស្ទឹងមានជ័យ ខណ្ឌមាន
ជ័យ រាជធានីភ្នំពេញ ក៏បានធ្វើការឃាត់ចាប់យកវត្ថុតាងជាច្រើនប្រភេទ មានម្សៅលាយឡេ សំបកវេចខ្ចប់ ឧបករណ៍ដូចជាម៉ាស៊ីនកែច្នៃជាដើម ។
កិច្ចសហការបង្ក្រាបនោះ ដឹកនាំដោយលោកឧត្តមសេនីយ៍ទោ ឡុង ស្រេង អនុប្រធាននាយកដ្ឋាននគរបាលប្រឆាំងបទល្មើសក្រសួងមហាផ្ទៃ ក្រោមបទបញ្ជាពីលោកឧត្តមសេនីយ៍ឯក ចាន់ វ៉ាន់ធឿន ដែលជាប្រធាននាយកដ្ឋាននគរបាលប្រឆាំបទល្មើសសេដ្ឋកិច្ច ។
តាមប្រសាសន៍លោកឧត្តមសេនីយ៍ទោ ឡុង ស្រេង ឲ្យដឹងថា មុននិងឈានដល់ការបង្ក្រាបទីតាំងលួចលាក់ផលិតឡេក្លែងក្លាយ និងបន្លំម៉ាកសញ្ញាគេនេះ កម្លាំងជំនាញរបស់នាយកដ្ឋានននគរបាលប្រឆាំងបទល្មើសសេដ្ឋកិច្ច បានធ្វើការស្រាវជ្រាវយ៉ាងល្អិតល្អន់ ដឹងច្បាស់ពីក្រុមជនទុច្ចរិកលួចប្រព្រឹត្តបទល្មើសនោះ ទើបសុំបើកការស៊ើបអង្កេតទៅព្រះរាជអាជ្ញាអមសាលាដំបូង ដើម្បីឃាត់ខ្លួនម្ចាស់ទីតាំង និងរឹមអូសវត្ថុតាងផលិត ។
លោក ឡុង ស្រេង បន្តថា ពេលកម្លាំងជំនាញចុះទៅដល់ម្ចាស់ទីតាំង បានរំដោះកម្មករដែលកំពុងធ្វើការនៅទីនោះចេញ និងនាំគ្នាគេចខ្លួនបាត់អស់ តែបានធ្វើឲ្យសមត្តកិច្ចបង្ខំចិត្តចាក់សោទ្វារ និងដេកយាម២យប់៣ថ្ងៃ ទើបម្ចាស់ទីតាំងបង្ហាញមុខ និងយល់ព្រមចូលរួមឆេកឆេរតាមដីការបស់ស្ថាប័យអយ្យការ ដើម្បីពិនិត្យកន្លែងលួចលាក់ផលិតឡេក្លែងក្លាយនេះ ។ ការឆែកឆេរទីតាំងលួចលាក់ផលិតឡេលាបខ្លួនក្លែងក្លាយនេះ ត្រូវបានបញ្ចប់នៅរសៀលថ្ងៃដដែល លទ្ធផលសមត្តកិច្ចបានធ្វើការឃាត់ខ្លួនស្រីម្នាក់ឈ្មោះ សាម ហុងថន អាយុ៣១ឆ្នាំ ដែលអះអាងថាជាម្ចាស់ក្រុមហ៊ុន ហុងថន យកទៅសាកសួរ ។
ក្នុងនោះក៏បានឆែកឆេររកឃើញសម្ភារៈពាក់ពន្ធបទល្មើសដូចមាន : ១.ស្លាកសញ្ញាយីហោវាលើប្រអប់ ឬកំប៉ុង ច្រកឡេលាបខ្លួន មានចំនួន២៥ ប្រភេទ ។ ២.ម្សៅលាយធ្វើឡេ ទម្ងន់សរុបចំនួន ១២គីឡូ០៦១ក្រាម ៣.សំបកធុងព័ណខៀវតូចធំសម្រាប់លាយឡេ ចំនួន១១៥ធុង ។
វត្ថុតាងទាំងអស់នោះត្រូវប្លុំបេតុងក្នុងផ្ទះ ជាមួយទីតាំងក៏ត្រូវបានបិទទ្វាផ្អាកសកម្មភាព រង់ចាំការសម្រេចពីស្ថាប័នតុលាការ ។ ក្រោយឃាត់ខ្លួនស្ត្រីរូបនោះយកទៅសាកសួរ សមត្តកិច្ចបានរកឃើញជនសង្ស័យមានពាក់ពន្ធបទល្មើស ដូចបានរៀបរាប់ខាងលើ ទើបបានកសាងសំណុំរឿងបញ្ជូនជនសង្ស័យទៅកាន់សាលាដំបូងរាជធានីភ្នំពេញ ដើម្បីចាត់ការនីតិវិធី ៕ (សម្រួលដោយ៖ ស្រីណា)
ចែករំលែកព័តមាននេះ