លោកស្រី វឿន គីមលី ជាកម្មការិនីរោងចក្រកាត់ដេរមួយកន្លែងនៅស្រុកព្រៃនប់ ខេត្តព្រះសីហនុ បានទិញភេសជ្ជៈប៉ូវកម្លាំង វើក ពីតូបលក់ភេសជ្ជៈរបស់ឪពុកមកពិសា ហើយត្រូវរង្វាន់ធំ ៤០លានរៀលពីភេសជ្ជៈប៉ូវកម្លាំង វើក ភ្លាមៗតែម្តង ។
លោកស្រី វឿន គីមលី បានឲ្យដឹងថា «ខ្ញុំញុំាភេសជ្ជៈប៉ូវកម្លាំង វើក រាល់ថ្ងៃ ហើយភាគច្រើនទិញពីកន្លែងលក់ភេសជ្ជៈផ្សេងៗ ។ លើកនេះខ្ញុំទិញ វើក ពីតូបលក់ភេសជ្ជៈរបស់ឪពុកខ្ញុំ ហើយពេលគាស់មកភ្លាមឃើញ ៤០ លានរៀលលើក្រវិលកំប៉ុង ខ្ញុំសឹងតែមិនជឿនឹងភ្នែកខ្លួនឯងថា មានសំណាងដល់ថ្នាក់នេះសោះ ។
អ្វីដែលខ្ញុំនឹកស្មានមិនដល់នោះ គឺខ្ញុំទិញ វើក ពីឪពុកខ្ញុំដែលជាអ្នកលក់ដោយផ្ទាល់ គឺដូចជាគាត់នាំសំណាងឱ្យខ្ញុំអ៊ីចឹង» ។
លោកស្រីបានបន្ថែមថា ជាមួយនឹងប្រាក់ ៤០ លានរៀលនេះគាត់នឹងមានលទ្ធភាពទិញឧបករណ៍នេសាទបន្ថែមសម្រាប់គ្រួសាររបស់គាត់ និងយកខ្លះទៅសងធនាគារដែលលោកស្រីបានខ្ចីប្រាក់ដើម្បីយកមកពង្រីកអាជីវកម្មខ្លួន ៕ ដោយសហការ (កែសម្រួលដោយ ៖ បុប្ផា)
ចែករំលែកព័តមាននេះ