ខេត្តស្វាយរៀង ៖ សមត្ថកិច្ចឃាត់ខ្លួនបុរស២នាក់ ខណៈកំពុងលួចពន្លះសាច់សត្វគោរបស់អ្នកភូមិយកសាច់ធ្វើម្ហូប ហេតុការណ៍នេះកើតឡើងនៅវេលាម៉ោង០៦និង៣០នាទីយប់ថ្ងៃទី១៩ មិថុនា ចំណុចខាងលិចទួលព្រៃពោនចម្ងាយ៥០០ម៉ែត្រ ក្នុងភូមិសំឡីខាងត្បូង ឃុំសំឡីស្រុកកំពង់រោទិ៍ ខេត្តស្វាយរៀង ។ បន្ទាប់ពីសមត្ថកិច្ចបានធ្វើការសួរទាំងទាំង២នាក់រួច ទើបដឹងថា ជាចោរលួចគោ ។
សេចក្តីរាយការណ៍ឱ្យដឹងថា ជនសង្ស័យឃាត់ខ្លួន ១-ឈ្មោះញឹម ចន្ថា ភេទប្រុស អាយុ៣៩ឆ្នាំ ធ្វើស្រែ មានទីលំនៅភូមិ-ឃុំកើតហេតុ និង២-ឈ្មោះអឿន ឈើកា ភេទប្រុស អាយុ២៥ឆ្នាំ ជាកម្មករ មានទីលំនៅភូមិសំឡីខាងជើង ឃុំសំឡី ជាកូនប្រសារ ។
បើតាមមន្ត្រីនគរបាលប៉ុស្តិ៍រដ្ឋបាលឃុំសំឡីបានឱ្យដឹងថា ខណៈកម្លាំងចេញល្បាតក្នុងភូមិសាស្ត្ររបស់ខ្លួនពេលយប់ ក៏បានប្រទះឃើញជនសង្ស័យចំនួន២នាក់កំពុងធ្វើសកម្មភាពពន្លះសាច់សត្វគោឈ្មោលមួយក្បាល ពណ៌ត្នោត ដែលរុំជាប់ដើមអាកាស្យាលើភ្លឺប្រឡាយពេលនោះ ។ ពេលនោះ ក៏មានការសង្ស័យ ក៏បានសួរនាំទើបដឹងថា ជាចោរលួចពន្លះសាច់គោ អ្នកភូមិសោះ។
សមត្ថកិច្ចក៏បានខ្លួនជនសង្ស័យ២នាក់ជាឪពុកនិងប្រសារ រួមទាំងវត្ថុតាងទៅប៉ុស្តិ៍ ដើម្បីសាកសួរ ។ នៅចំពោះមុខសមត្ថកិច្ច ជនសង្ស័យបានសារភាពថា ខ្លួនពិតជាបានលួចវះគោរបស់ប្រជាពលរដ្ឋពិតមែន។បច្ចុប្បន្នជនសង្ស័យទាំងពីរនាក់ ត្រូវបានកម្លាំងនគរបាលបំពេញសំណុំរឿងបញ្ជួនទៅតុលាការចាត់ការតាមនីតិវិធី ៕ (សម្រួលដោយ៖ ស្រីណា)
ចែករំលែកព័តមាននេះ