ខេត្តស្វាយរៀង៖ មន្ត្រីប្រចាំការច្រករបៀងមនោរម្យ ត្រូវបានមជ្ឈដ្ឋាននានាចោទថា ឃុបឃិតនិងបើក
ដៃឲ្យឈ្មួញនាំជ្រូករស់ពីប្រទេសវៀតណាមចូលមកក្នុងភូមិសាស្ត្រស្រុកស្វាយទាប ដោយផ្គើននឹងបទ
បញ្ជារបស់លោកអភិបាលខេត្ត ដែលបានចេញសេចក្តីណែនាំដល់គ្រប់ស្ថាបន័មានសមត្ថកិច្ចទាំងអស់ ជាពិសេស សមត្ថកិច្ចដែលឈរជើងនៅតាមបន្ទាត់ព្រំដែនត្រូវសហការអនុវត្តនូវវិធានការបន្ទាន់ ដើម្បីត្រួតពិនិត្យនិងទប់ស្កាត់ការឆ្លងរាលដាលជំងឺប៉េស្តជ្រូកអាហ្វ្រិក ដែលបច្ចុប្បន្ននៅប្រទេសវៀតណាមកំពុងជំងឺប៉េស្តជ្រូកអាហ្វ្រិកចំនួន១៨ខេត្ត ដែលគ្រប់ស្ថាប័នពាក់ព័ន្ធត្រូវតែចូលរួមទប់ស្កាត់និងបង្ក្រាប តែបែរជាមន្ត្រីច្រករបៀងមនោរម្យបើកដៃឲ្យឈ្មួញនាំជ្រូកវៀតណាមចូលមក ក៏ប៉ុន្តែត្រូវក្រុមចល័តបង្ក្រាបបាន ។ សូមបញ្ជាក់ថា ៖ ប្រយ័ត្ន…ផ្ទុះជំងឺប៉េស្តជ្រូកអាហ្វ្រិកនៅខេត្តឡងអាងជាប់ព្រំដែនស្វាយរៀង
បើតាមមន្ត្រីការិយាល័យផលិតកម្មនិងបសុព្យាបាលនៃមន្ទីរកសិកម្ម រុក្ខាប្រមាញ់ និងនេសាទខេត្ត បានឲ្យដឹងថា នៅថ្ងៃទី១៨ ខែមិថុនា វេលាម៉ោង១១និង១៥នាទីយប់ ក្រុមចល័តអគ្គនាយកដ្ឋានសុខភាពសត្វនិងផលិតកម្មសត្វ សហការជាមួយក្រុមការងារការិយាល័យផលិតកម្មនិងបសុព្យាបាលខេត្ត ចុះបង្ក្រាបចាប់ឃាត់រ៉ឺម៉កដឹកជ្រូករស់មួយគ្រឿងមានចំនួន៩ក្បាលនៅចំណុចទីសត្តឃាតជីភូ ស្ថិតក្នុងភូមិគុម្ពោតប្រស់ សង្កាត់ច្រកម្ទេស ក្រុងបាវិត ។
ក្រោយពីសាកសួរ អ្នកបើករ៉ឺម៉កឆ្លើយថាជ្រូករស់៩ក្បាលនេះដឹកមកពីប្រទេសវៀតណាមឆ្លងដែនតាមច្រក របៀងមនោរម្យ ស្ថិតក្នុងភូមិមនោរម្យ ឃុំមនោរម្យ ស្រុកស្វាយទាប។ ក្រុមការងារបានឃាត់ខ្លួនជន ល្មើសរួមនឹងវត្ថុតាងជ្រូកនិងរ៉ឺម៉ក យកទៅរក្សាទុកនៅមន្ទីរកសិកម្ម រុក្ខាប្រមាញ់ និងនេសាទខេត្ត ដើម្បីចាត់ការតាមនីតិវិធីច្បាប់ ៕
ចែករំលែកព័តមាននេះ