ឡាវ រីយ៉ា មានអ្នកឈ្នានីស ចង់បំបែកបំបាក់ស្នេហ៍
- ភ្នំពេញ
រាជធានីភ្នំពេញ៖ មួយរយៈនេះលេចឮខ្ចរខ្ចាយថាLove Riya ដែលកំពុងពពោះនោះបានបែកបាក់គ្នាជាមួយស្វាមី ។ តើវាពិតទេ ហើយរីយ៉ា បញ្ជាក់បែបណា ? តារាហ្វេសប៊ុកល្បីឈ្មោះអ្នកនាង…
រាជធានីភ្នំពេញ៖ មួយរយៈនេះលេចឮខ្ចរខ្ចាយថាLove Riya ដែលកំពុងពពោះនោះបានបែកបាក់គ្នាជាមួយស្វាមី ។ តើវាពិតទេ ហើយរីយ៉ា បញ្ជាក់បែបណា ?
តារាហ្វេសប៊ុកល្បីឈ្មោះអ្នកនាង Love Riya និងស្វាមីក្មេង មួយរយៈនេះលេចឮថាពួកគេបានលែងលះគ្នា ស្ងាត់ៗ ។ ជាការបញ្ជាក់ទៅលើអ្វីដែលមិនច្បាស់លាស់នេះ ទាំងប្ដីទាំងប្រពន្ធ បានចេញមុខប្រតិកម្មព្រមគ្នា ។ អ្នកទាំងពីរបានលើកឡើងថា ដំណឹងអកុសលដែលមិនអាចទទួលយកបាននេះ ទំនងប្រឌិតចេញពីអ្នកឈ្នានីស ឬអាចមានអ្នកជួលឲ្យបង្ខូចឈ្មោះពួកគេ ។
នៅពេល Live កាលពីថ្ងៃទី១៨មិថុនា ២០១៩ អ្នកនាង Love Riya ដែលត្រូវគេស្គាល់ថា ជាអ្នកលក់តាមអនឡាញដ៏ល្បីឈ្មោះ ជាពិសេសផលិតផលម្សៅ ឡេ ថ្នាំសម្រកទម្ងន់ និងផលិតផលសាច់ស្អាតជាដើម បានបញ្ជាក់ថា រវាងនាង និងស្វាមី អត់មានរឿងរ៉ាវមិនចុះសម្រុងនឹងគ្នាក្រោយពេលរៀបការទេ ។
នាងថា«សម្រាប់ការបង្ខូចថាស្វាមីនាងខ្ញុំដើរដាច់យប់ជាប្រចាំ រហូតដល់ថ្នាក់នាងខ្ញុំបណ្ដេញចេញ ហើយស្វាមីរត់ទៅផ្ទះម្ដាយគេទៀតនោះ កាន់តែហួសចិត្តខ្លាំងឡើង ដែលខ្ញុំក៏រវល់ ហើយស្វាមីដែលជានិស្សិតពេទ្យ មានការងារចុះស្ដារ និងការងារផ្ទាល់ខ្លួន ត្រូវចេញក្រៅប្រទេសផងក៏រវល់ មិនសូវបានដើរទៅណាមកណាទេ ។ ក្នុងប៉ុន្មានថ្ងៃចុងក្រោយ ស្រាប់តែមានដំណឹងថា នាងខ្ញុំ និងស្វាមីបែកបាក់គ្នា ។ នោះគឺជាដំណឹងដែលចង់បង្ខូចឈ្មោះស្វាមីរបស់ខ្ញុំ និងធ្វើឲ្យប៉ះពាល់ដល់កិត្តិយសរបស់ខ្ញុំដែលមិនអាចទទួលយកបាន »។
ទោះជាយ៉ាងណាក្តី Love Riya ថា នាងមិនមានគម្រោងប្តឹងពីបទបង្ខូចកិត្តិយស និងបំផ្លើសការណ៍ពិតនោះទេ ដោយសារតែនាង រកតែពេលនាំចូល និងផ្សាយលក់ផលិតផលរបស់នាងមិនចង់ទាន់ផង ។
ចំណែកលោកហេន ឌ្រី ស្វាមីអ្នកនាង Love Riya ចេញមុខប្រតិកម្មដែរថា លោកមិនដែលដើរលេងដាច់យប់ និងរឹតតែមិនធ្លាប់មានរឿងមិនចុះសម្រុងជាមួយនឹងភរិយាទេ មានតែអាណិតភរិយាទ្វេដង ព្រោះកំពុងពពោះ នៅប្រឹងរកលុយតាមអនឡាញយ៉ាងសកម្ម ។
លោកហេន ឌ្រី ថាលោកនៅឆ្ងាយពីភរិយា តែពេលចេញស្ដារ ពេលរៀនពេទ្យ និងពេលទៅក្រៅ ម្ដងៗ ។ ក្រៅពីនោះមិនដែលនៅឆ្ងាយពីភរិយាឡើយ ។
អ្នកនាង Love Riya ដ្បិតមានវ័យច្រើនជាងបន្តិចមែន ប៉ុន្តែលោកហេន ឌ្រី ថា បើលោកក្មេងតែអាយុ ហើយសង្ហាតែរូបរាង តែខ្វះគំនិត ក៏ភរិយារបស់លោកមិនយកលោកជាស្វាមីដែរ ។
លោកហេន ឌ្រី ចាត់ទុកថា ព័ត៌មានដែលលេចឡើងនោះ មានបំណងចង់បំបែកបំបាក់លោក និងភរិយា ។ គ្រាន់តែចេញដំណឹងអកុសលនោះភ្លាម អ្នកខ្លះមិនដឹងរឿងច្បាស់ ក៏មាក់ងាយលោក និងភរិយា ដោយស្មានថាពួកលោកមិនចេះរក្សាចំណងអាពាហ៍ពិពាហ៍ក្រោយរៀបការ ៕ (កែសម្រួលដោយ ៖ បុប្ផា)
ចែករំលែកព័តមាននេះ