សហរដ្ឋអាមេរិក ៖ ប្រធានាធិបតីអាមេរិកលោកដូណាល់ត្រាំ កាលពីថ្ងៃទី១៨មិថុនា ត្រូវបង្ចំចិត្តផ្លាស់ប្ដូររដ្ខមន្ត្រីការពារប្រទេសរបស់លោក គឺលោកPATRICK SHANAHAN ដែលបដិសេធតំណែងនោះដោយលើកហេតុផលពីរឿងគ្រួសារ។ ការប្រកាសនេះកើតមានខណៈកំពុងមានភាពតានតឹងខ្លាំងជាមួយអីុរ៉ង់ ដែលក្រុងវ៉ាសិុនតោនចោទថាវាយប្រហារបណ្ដានាវាដឹកប្រេងក្នុងសមុទ្រអូម៉ង់។
តាមTWITTERលោកត្រាំសរសេរថាលោកSHANAHAN បានសម្រេចផ្ដល់ពេលវេលាច្រើនដល់គ្រួសារលោក។ លោកត្រាំក៏បានជ្រើសតាំងលោកMARK ESPERជារដ្ឋមន្ត្រីការពារប្រទេសស្ដីទីថ្មី។ រដ្ឋការអាមេរិកពុំបានគិតគូរជ្រើសតាំងរដ្ឋមន្ត្រីការពារពេញលេញ ឡើយ ចាប់តាំងពីការលាលែងដោយសោះកក្រោះរបស់លោកJIM MATTISពីតំណែងនោះកាលពីខែធ្នូឆ្នាំ២០១៨មក ពេលលោកមានទំនាស់គ្នាខ្លាំងជាមួយលោកត្រាំ ពិសេសលើការដកកងទ័ពអាមេរិកចេញពីស៊ីរី។
លោកSHANAHAN អះអាងថា លោកបោះបង់ចោលតំណែងនេះ ដើម្បីចៀសវាងកុំឲ្យពួកកូនៗលោកមានបញ្ហាផ្លូវចិត្ត។ ប៉ូលិសសហព័ន្ធអាមេរិក បានបើកការស៊ើបអង្កេតលើបុគ្គលិកលក្ខណៈ របស់បណ្ដាឥស្សរជនជាបេក្ខជនត្រូវកាន់តំណែងខ្ពស់ៗក្នុងជួររដ្ឋាភិបាល។ ក្នុងករណីលោកSHANAHANមានការចោទប្រកាន់នានា ពីអំពើហិង្សាក្នុងគ្រូសារ រវាងរូបលោកនិងភរិយាកាលពីដើមទសវត្សឆ្នាំ២០១០៕ (កែសម្រួលដោយ ៖ បុប្ផា)
ចែករំលែកព័តមាននេះ