អ៊ុន អាលីហ្សា ប្រកាសចូលរោងការជាមួយបុរសខ្មែរនៅអាមេរិក
- ភ្នំពេញ
រាជធានីភ្នំពេញ ៖ តារាសម្តែងនាង អ៊ុន អាលីហ្សា បានប្រកាសចូលរោងការជាមួយបុរសដែលជាអាណិកជនខ្មែររស់នៅអាមេរិក នៅថ្ងៃទី២២ មិថុនា ឆ្នាំ២០១៩ ខាងមុខនេះ…
រាជធានីភ្នំពេញ ៖ តារាសម្តែងនាង អ៊ុន អាលីហ្សា បានប្រកាសចូលរោងការជាមួយបុរសដែលជាអាណិកជនខ្មែររស់នៅអាមេរិក នៅថ្ងៃទី២២ មិថុនា ឆ្នាំ២០១៩ ខាងមុខនេះ ។
រូបភាពថតសម្រាប់Pre Wedding របស់តារារូបនេះ ត្រូវបានគេបញ្ចេញនៅតាមបណ្តាញសង្គមហ្វេសប៊ុក ខណៈពេលដែលរូបភាពទាំងអស់នោះ បានថតផ្តិតយកទេសភាពនៅក្នុងខេត្តសៀមរាប ។
តារាសម្តែង អាលីហ្សា បានអះអាងថា នាងនឹងគ្រោងចូលរោងការនៅថ្ងៃទី២២ មិថុនា ឆ្នាំ២០១៩ នេះ ជា មួយអនាគតស្វាមី ដែលមានសញ្ជាតិខ្មែរ រស់នៅរដ្ឋកាលីហ្វ័រញ៉ា សហរដ្ឋអាមេរិក ។ នាងបញ្ជាក់ថា អនា
គតស្វាមីរបស់នាងមានដើមកំណើតនៅស្រុកខ្មែរ ហើយបានចេញទៅរស់នៅសហរដ្ឋអាមេរិកយូរឆ្នាំមកហើយ ខណៈពេលដែលនាងបានកសាងទំនាក់ទំនងគ្នា រហូតឈានដល់មង្គលការនាពេលនេះ។
បើតាម អ៊ុន អាលីហ្សា ការសម្រេចចិត្តមានស្វាមីនាពេលនេះ គឺមិនមែនជារឿងភ្ញាក់ផ្អើលនោះឡើយ ក្នុងពេលដែលវ័យរបស់នាងកាន់តែជ្រេនឹងជាពេលវេលា ដែលត្រូវគិតគូរពីរឿងគ្រួសារ។ តារារូបនេះបន្ថែមថា ក្រោយពេលដែលនាងចូលរោងការមានស្វាមីហើយនោះ នាងនឹងសម្រេចបញ្ចប់អាជីពសម្តែងទាំងស្រុង ប៉ុន្តែនាងនៅតែទទួលយកការច្រៀងតាមពិធីផ្សេងៗតែមួយមុខប៉ុណ្ណោះ ក្នុងពេលដែលនាងមានវត្តមាននៅស្រុកខ្មែរ។
នាងធ្លាប់មានរឿងរ៉ាវរបួសស្នេហាចាស់ ជាមួយបុរសម្ចាស់ហាងកាហ្វែមួយរូប នាពេលកន្លងមកដែលធ្លាប់ធ្វើឲ្យនាងខកចិត្ត ។ពេលនេះ អ៊ុន អាលីហ្សា ត្រូវបានគេចាត់ទុកថា មានសំណាងដែលបានបុរសថ្មី មកធ្វើជាស្វាមី ព្រោះក្រៅតែពីរូបរាងសង្ហារ វ័យក្មេង និងមិនពាក់ព័ន្ធប្រវត្តិធ្លាប់មានប្រពន្ធកូន បុរសនោះក៏ជា អ្នកមាន ជីវភាពធូរធា និងចេញចូលស្រុកខ្មែរញឹកញាប់ផងដែរ ៕ (សម្រួល៖ ស្រីណា)
ចែករំលែកព័តមាននេះ