រាជធានីភ្នំពេញ៖ តារាស្រីដែលរាសីឡើងបានស្វាមីមានមុខមាត់ក្នុងសង្គម មានទ្រព្យ ហើយជីវភាពមានភាពហ៊ឺហាត្រូវមហាជនចាត់ទុកថាជានារីមានសំណាង ។ តារាដែលជីវិតអណ្តែតឡើងបែបនោះ តើនរណាខ្លះ ?
តារាទាំងនោះដូចជា តារាសម្តែងនៅ សូនីតា តារាសម្តែងឈឹម អាលីយ៉ា អតីតបវរកញ្ញាសូរ្យ អេណា អតីតតារាសម្តែងលឹម លីសា ជាដើម ។ ក្រៅពីនេះមានតារាជើងចាស់មួយចំនួនទៀតដូចជាសុឹម សូលីកា ,ចន ច័ន្ទលក្ខិណា និងគង់ ច័ន្ទស្រីមុំ ជាដើម ។
នៅ សូនីតា ដែលពពោះជិត៧ខែនោះ លោកទិត្យ ថាវរិទ្ឋិ ជាស្វាមីបានឡើងតំណែងជាអនុរដ្ឋលេខាធិការក្រសួងវប្បធម៌ និងសិល្បៈ ហើយនាងក៏ឈប់សម្តែងបន្ទាប់ពីជីវិតចូលដល់ចំណុចប្រសើរ ។ អ្នកសិល្បៈសរសើរពីសំណាងរបស់នាង ។ មកទល់ពេលនេះនៅ សូនីតា នៅតែផ្ទះថ្នមខ្លួន មើលថែកូនក្នុងផ្ទៃឲ្យមានសុខភាពល្អ ហើយនាងត្រូវអ្នកសិល្បៈហៅនាងថា«មេ»ស្របពេលស្វាមីមានងារធំ ។
ឈឹម អាលីយ៉ា ទើបតែរៀបការជាមួយស្វាមីឋានៈផ្កាយតំណែងធំនៅក្រសួងមហាផ្ទៃ ។ ឈឹម អាលីយ៉ា ធ្វើឲ្យមិត្តរួមអាជីពសរសើរពីសំណាងរបស់នាងនេះដែរ ។ ក្រោយរៀបការអាលីយ៉ាលាឈប់អាជីពសិល្បៈ ប៉ុន្តែនាងនៅបន្តថតឲ្យផលិតកម្មមួយចំនួនដែលបានចរចាគ្នាតាំងពីមុនចូលរោងការ ។
ពិធីការិនីស៊ឹម សូលីកា វិញក៏មានក្តីសុខដែរក្រោយសាងស្នេហ៍ជាមួយលោកម៉ែន អេងហៅអេង ឫទ្ឋី ព្រោះលោកឫទ្ឋី មានតំណែងខ្ពស់ដែរ ។ សាងស្នេហាជាមួយគ្នាតារា១គូនេះបង្ហោះរូប ស្វីតៗជា រឿយៗ។ ពួកគេកសាងភាពចាប់អារម្មណ៍ច្រើនព្រោះតែជាអ្នករួមការងារជាមួយគ្នាក្លាយជាប្តីប្រពន្ធ ។
ចំណែកស្វាមីសូរ្យ អេនណា មានឈ្មោះ Maurice Boumen វ័យ៣១ ឆ្នាំ ជាអ្នកគ្រប់ គ្រងសណ្ឋាគារលំដាប់ផ្កាយ៥ នៅទីក្រុង ហុងកុង ។ សូរ្យ អេនណា ឲ្យដឹងកាលពីពេល ថ្មីៗកន្លងមកថា ពន្លកស្នេហ៍របស់ពួកនាងកើតឡើងកាលពីជាង១ឆ្នាំមុន ក្នុងកម្មវិធីជប់លៀង លាគ្នារបស់មិត្តភក្ដិនាងម្នាក់ដែលជាបវរកញ្ញា ហ្វី៊លីពីន ។
ក្រោយពីបានឈ្វេងយល់ចិត្តគ្នាជាង១ឆ្នាំ ឃើញថា ខាងប្រុសស្រលាញ់ មានទឹកចិត្តយោគយល់ អធ្យាស្រ័យ និងផ្ដល់តម្លៃនាង ហើយឪពុក ម្ដាយ ទាំងសងខាងក៏ពេញចិត្ត ផងនោះ សូរ្យ អេនណា ក៏សម្រេចចិត្តរៀបការជាមួយគ្នាតែម្ដង ។
សូរ្យ អេនណា និយាយថា«នាងខ្ញុំសប្បាយចិត្ត ខ្លាំងណាស់ ដែលបានរកឃើញមនុស្សប្រុស ម្នាក់ ដែលចេះស្រលាញ់ និងផ្ដល់តម្លៃដល់ នាង ខ្ញុំ និងក្រុមគ្រួសារបែបនេះ» ៕ (កែសម្រួលដោយ ៖ បុប្ផា)
ចែករំលែកព័តមាននេះ