សហរដ្ឋអាមេរិក ៖ តាមTWITTERប្រធានាធិបតីអាមេរិកលោកដូណាល់ត្រាំ ប្រកាសកាលពីថ្ងៃទី១៣មិថុនាថា បន្ទាប់ពីកាន់តំណែងជាអ្នកនាំពាក្យសេតវិមានរយៈពេល៣ឆ្នាំកន្លះ អ្នកនាំពាក្យរបស់យើងលោកស្រីSARAH SANDERS អាយុ៣៧ឆ្នាំ នឹងចាកចេញពីតំណែងនោះនាដំណាច់ខែនេះ ដើម្បីវិលត្រឡប់ទៅផ្ទះលោកស្រីវិញក្នុងរដ្ឋអាកាន់សាស់។
លោកត្រាំរៀបរាប់ថាលោកស្រីSARAH SANDERSជាមនុស្សពិសេសមួយរូប ដែលមានទេពកោសល្យវិសាមញ្ញ ហើយខ្ញុំសង្ឃឹមថាលោកស្រីនឹងសម្រេចឈរឈ្មោះជាបេក្ខជនសម្រាប់តំណែងអភិបាលរដ្ឋអាកាន់សាស់។ លោកពោលថា អរគុណលោកស្រីដែលធ្លាប់បំពេញការងារដ៏ប្រសើរ។
តាមគេដឹងថាលោកស្រីSANDERS ហាក់ថុញថប់ ចំពោះការងារ៣ឆ្នាំកន្លះក្រោមការគាបសង្កត់របស់បណ្ដាសារព័ត៌មាន។
លោកស្រីសរសេរតាមTWITTERកាលពីថ្ងៃទី១៣មិថុនាថា ខ្ញុំថ្លឹងថ្លែងមើលវាសនារបស់ខ្ញុំ ហើយខ្ញុំពិតជាអរគុណជាអនេកចំពោះលោកត្រាំ ដែលអាចបម្រើ ហើយមានមោទនភាពចំពោះរាល់អ្វីដែលបានបំពេញ។ ខ្ញុំពិតជាសរសើរប្រធានាធិបតី និងការងាររបស់ខ្ញុំ។ នោះជាការងារដ៏សំខាន់បំផុតនៃជីវិតរបស់ខ្ញុំ។ ខ្ញុំជាម្ដាយរបស់ពួកកូនៗហើយសម្រាប់យើងមានពេលបានទៅផ្ទះវិញ។ អរគុណលោកប្រធានាធិបតី។ តាមមនុស្សជិតដិតថា លោកស្រីSANDERSប្រហែលជាលែងដើរតាមលោកត្រាំជាថ្មី ក្នុងប្រទេសពេលពេញយុទ្ធនាការឃោសនាបោះឆ្នោតប្រធានាធិបតីឆ្នាំ២០២០៕ (កែសម្រួលដោយ ៖ បុប្ផា)
ចែករំលែកព័តមាននេះ