ខេត្តបាត់ដំបង ៖ ប្រភពបានបន្តឱ្យដឹងលើករណីប្តីចាក់ប្រពន្ធរួចអារ.កខ្លួនឯងដែរនោះ បើតាមលោក
អឿន ដារ៉ាត់ អាយុ៥៣ឆ្នាំ ដែលជាឪពុកជនរងគ្រោះបាននិយាយថា កូនគាត់ទាំង២នាក់នេះ ទើបនាំគ្នាមកពីប្រទេសថៃ ហើយត្រៀមត្រឡប់ទៅធ្វើការនៅថៃវិញ នាថ្ងៃទី១៤ មិថុនា នេះ ក៏ស្រាប់តែមានរឿងកើត ឡើងតែម្ដង។
គាត់និយាយទៀតថា ចាប់តាំងពីមកដល់ផ្ទះ គឺកូនទាំង២នាក់នេះឈ្លោះប្រកែកគ្នាមិនឈប់ ហើយគាត់ចេះតែព្យាយាមហាមឃាត់រឿងឈ្លោះគ្នារហូត ដោយសាររោគប្រចណ្ឌប្រពន្ធនេះ តែស្ងាត់បានបន្តិចក៏មានបញ្ហាទៀត ។
លោកដារ៉ាត់បានបញ្ជាក់ថា មុនពេលកើតហេតុ ប្ដីប្រពន្ធនេះបានឈ្លោះគ្នាទៀតនៅផ្ទះជីដូន ដោយសារប្ដីប្រចណ្ឌដដែលនេះ រហូតប្ដីស្ទុះទៅទាញកាំបិតកាប់ប្រពន្ធរបួសដេកដួលនៅនឹងកន្លែង ។ ដោយសារតែឃើញបែបនេះ ហើយទំនងស្មានថា ប្រពន្ធស្លាប់ ទើបកូនប្រុសគាត់រត់មកផ្ទះគាត់ ហើយទាញកូនកាំបិតអា.កសម្លាប់ខ្លួនឯងតែម្ដង។
គួររំលឹកថា បុរសម្នាក់បានស្ទុះទៅទាញកាំបិតកាប់ប្រពន្ធទាំងកំរោល ហើយស្មានថា ប្រពន្ធស្លាប់ ទើប
រត់ទៅផ្ទះឪពុកទាញកូនកាំបិតអារកសម្លាប់ខ្លួនតាមក្រោយ ដោយសារភ្លើងប្រចណ្ឌផ្ទុះឡើងដល់កំរិត កាលពីវេលាម៉ោង៥ និង៤០នាទីល្ងាចថ្ងៃទី១៣ មិថុនា នៅភូមិច្រាបក្រសាំង សង្កាត់វត្តគរ ក្រុងបាត់
ដំបង។
ជនដែលធ្វើអត្តឃាតខ្លួនឯងឈ្មោះរ៉ាត់ ចិត្រា ភេទប្រុស អាយុ២៨ឆ្នាំ រីឯប្រពន្ធដែលរងរបួសឈ្មោះសុខលីន អាយុ២៧ឆ្នាំ រស់នៅនៅភូមិ-ឃុំកើតហេតុខាងលើ ។
លោកស្នងការរងបានប្រាប់ថា បុរសនេះ បានយកកាំបិតកាប់ទៅលើប្រពន្ធយ៉ាងកំរោលក្រោយពីផ្ទុះ ជម្លោះជាមួយគ្នា បណ្ដាលឱ្យប្រពន្ធរងរបួសធ្ងន់។ ប៉ុន្តែទំនងគិតថា ប្រពន្ធបានស្លាប់ ទើបជននេះរត់ទៅផ្ទះឪពុករបស់ខ្លួនយកកាំកូនកាំបិតអារ.កសម្លាប់ខ្លួនឯងភ្លាមៗដែរ។ លោកស្នងការរងបានបញ្ជាក់ថា នេះជាករណីអត្តឃាតដែលផ្ដើមចេញពីអំពើ ដោយសារតែរោគប្រចណ្ឌគ្មានហេតុផល ។ (សម្រួលដោយ៖ ស្រីណា)
ចែករំលែកព័តមាននេះ