រាជធានីភ្នំពេញ ៖ ប្រមុខដឹកនាំប្រទេសកម្ពុជា និងប្រទេសហុងគ្រី បានឯកភាពគ្នាក្នុងការ បើកស្ថានទូតនៅឆ្នាំ២០២១ខាងមុខនេះ ស្របខួប៦៥ឆ្នាំ នៃទំនាក់ទំនងការទូតនៃកិច្ចសហប្រតិបត្តិការទ្វេភាគី ។ នេះបើតាមសម្តេចតេជោ…
រាជធានីភ្នំពេញ ៖ ប្រមុខដឹកនាំប្រទេសកម្ពុជា និងប្រទេសហុងគ្រី បានឯកភាពគ្នាក្នុងការ បើកស្ថានទូតនៅឆ្នាំ២០២១ខាងមុខនេះ ស្របខួប៦៥ឆ្នាំ នៃទំនាក់ទំនងការទូតនៃកិច្ចសហប្រតិបត្តិការទ្វេភាគី ។ នេះបើតាមសម្តេចតេជោ ហ៊ុន សែន នាយករដ្ឋមន្ត្រី ។
យោងតាមបណ្តាញសង្គមរបស់សម្តេចតេជោ បានឲ្យដឹងក្នុងនៅថ្ងៃទី១៤ ខែមិថុនាថា នៅក្នុងជំនួបពិភាក្សាទ្វេភាគី កាលពីល្ងាចថ្ងៃទី១៣ មិថុនា មេដឹកនាំទាំងពីរបានឯកភាពគ្នាដែរថា នៅក្នុងខួប៦៥ឆ្នាំនៃទំនាក់ទំនងការទូតប្រទេសទាំងពីរនៅឆ្នាំ២០២១ កម្ពុជា និងបើកស្ថានទូត ទូតរបស់កម្ពុជានៅទីក្រុងប៊ុយដាប៉េស ក្នុងនោះហុងគ្រីក៏នឹងបើកស្ថានទូតរបស់ខ្លួននៅរាជធានីភ្នំពេញដូចគ្នានោះដែរ ។ សម្តេចតេជោក៏បានស្នើឲ្យមានការជំរុញកិច្ចសហប្រតិបត្តិការលើវិស័យសេដ្ឋកិច្ច ពាណិជ្ជកម្ម និងទេសចរណ៍សម្រាប់ប្រទេសទាំងពីរឲ្យកាន់តែមានទំហំធំឡើងថែមទៀត ។
ជាមួយគ្នានេះ សម្តេចបានគោរពអញ្ជើញលោក វីកទ័រអ័របាន (Viktor Orban) នាយករដ្ឋមន្ត្រីហុងគ្រី អញ្ជើញបំពេញទស្សនកិច្ចផ្លូវការនៅកម្ពុជាស្របពេលដែលកម្ពុជាធ្វើជាម្ចាស់ផ្ទះនៃកិច្ចប្រជុំកំពូលអាស៊ីមនៅឆ្នាំ២០២០ ។ សម្តេចតេជោក៏បានស្នើឲ្យហុងគ្រី ជួយជួសជុលប្រសាទកោះកេរិ៍ ជាមួយ និងបទពិសោធន៍ដែលហុងគ្រីធ្លាប់អភិរក្សតំបន់ប្រវត្តិសាស្ត្របុរាណរបស់ខ្លួន ។ សម្តេចក៏បានសន្យាថា នឹងអញ្ជើញចូលរួមក្នុងកិច្ចប្រជុំស្តីពីបញ្ហាទឹកក្នុងប្រទេសហុងគ្រី នៅពេលខាងមុខផងដែរ ។
ជាការឆ្លើយតបលោកនាយករដ្ឋមន្ត្រីបានទទួលយកសំណើរនៃការអញ្ជើញបំពេញទស្សនកិច្ចផ្លូវការ និងការអញ្ជើញចូលរួមកិច្ចប្រជុំកំពូលអាស៊ឹមនៅពេលខាងមុខ៕ កែសម្រួលដោយ ៖ សុឃាក់
ចែករំលែកព័តមាននេះ