សហរដ្ឋអាមេរិក-បារាំង ៖ ប្រធានាធិបតីអាមេរិកលោកដូ ណាល់ត្រាំ លើកឡើងកាលពីថ្ងៃទី១០មិថុនាថា លោកអាចយកពន្ធគយថែមទៀតលើស្រាបារាំង ដោយលោកយល់ថា ស្រាអាមេរិកជាអ្នករងគ្រោះពីការប្រកួតប្រជែងមិនស្មោះត្រង់។ តាមទូរទស្សន៍CNBCលោកត្រាំថ្លែងថា បារាំងយកពន្ធច្រើនពីស្រារបស់យើង…
សហរដ្ឋអាមេរិក-បារាំង ៖ ប្រធានាធិបតីអាមេរិកលោកដូ ណាល់ត្រាំ លើកឡើងកាលពីថ្ងៃទី១០មិថុនាថា លោកអាចយកពន្ធគយថែមទៀតលើស្រាបារាំង ដោយលោកយល់ថា ស្រាអាមេរិកជាអ្នករងគ្រោះពីការប្រកួតប្រជែងមិនស្មោះត្រង់។
តាមទូរទស្សន៍CNBCលោកត្រាំថ្លែងថា បារាំងយកពន្ធច្រើនពីស្រារបស់យើង ហើយយើងយកពន្ធតិចលើស្រាបារាំង។ អាមេរិកអនុញ្ញាតឲ្យនាំចូលស្រាបារាំងដែលល្អបំផុតដោយយកពន្ធតិច។ បែបនេះវាមិនយុត្តិធម៌ ហើយយើងនឹងធ្វើអ្វីមួយដើម្បីឲ្យមានតុល្យភាពគ្នាឡើងវិញ។
កាលពីខែវិច្ឆិកាឆ្នាំ២០១៨លោកត្រាំធ្លាប់បរិហារលើអតុល្យភាពពាណិជ្ជកម្ម រវាងបារាំងនិងសហរដ្ឋអាមេរិក លើបណ្ដាផលិតផលពីផ្លែទំពាំងបាយជួរ។ លោកថាបារាំងធ្វើឲ្យអ្វីៗមានការលំបាកខ្លាំង ក្នុងការលក់ស្រាអាមេរិកនៅបារាំង ហើយយកពន្ធខ្ពស់ពីការនាំចូលស្រាអាមេរិក ដែលយកពន្ធទាបលើស្រាបារាំង៕ (កែសម្រួលដោយ ៖ បុប្ផា)
ចែករំលែកព័តមាននេះ