រាជធានីភ្នំពេញ ៖ សម្តេច ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានលើកឡើងថា សម្តេចនឹងគិតយកវិធានការក្តៅដូចនៅក្រុងភ្នំពេញចំពោះក្លិបកម្សាន្តពាក់ព័ន្ធនឹងគ្រឿងញៀនទៅបង្ក្រាបនៅទីក្រុងព្រះសីហនុ ។…
រាជធានីភ្នំពេញ ៖ សម្តេច ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានលើកឡើងថា សម្តេចនឹងគិតយកវិធានការក្តៅដូចនៅក្រុងភ្នំពេញចំពោះក្លិបកម្សាន្តពាក់ព័ន្ធនឹងគ្រឿងញៀនទៅបង្ក្រាបនៅទីក្រុងព្រះសីហនុ ។ សម្តេចក្រឡាហោមបានលើកឡើងថា ក្នុងពិធីប្រកាសចូលកាន់តំណែងក្រុមប្រឹក្សារាជធានីភ្នំពេញអាណត្តិទី៣ នាព្រឹកថ្ងៃទី១២ ខែមិថុនា ឆ្នាំ២០១៩ ។
យ៉ាងដូច្នេះ សម្តេចកំពុងគិតក្នុងការគិតយកវិធានការកៅ្ត ដូចករណីនៅក្នុងទីក្រុងភ្នំពេញចំពោះវិធានការលើក្លិបកម្សាន្តទៅចាត់វិធានការនៅក្រុងព្រះសីហនុដែលកំពុងតែល្បីខាងបញ្ហាច្រើន ក្នុងនោះក៏ពាក់ព័ន្ធនឹងគ្រឿងញៀនផងដែរ ។ សម្តេចក៏បានលើកឡើងកុំឲ្យកម្លាំងសមត្ថកិច្ចទៅយាមនៅក្លិបកម្សាន្តឲ្យ ព្រោះជារឿងខុសច្បាប់ ហើយពេលខ្លះក្លិបកម្សាន្តនឹងប្រើប្រាស់គ្រឿងញៀនដែលបញ្ហានេះអាចនឹងប្រឈមផ្លូវច្បាប់ផងដែរ ។
សម្តេចបញ្ជាក់ថា ៖«យើងកម្លាំងដែលមានអាវុធ ហើយយកប្រាក់ខែរដ្ឋទៅយាមកន្លែងក្លិប គឺជារឿងមិនត្រូវទេ ហើយជារឿងខុស ទាល់តែពីររឿងថែមទៀត»៕ កែសម្រួលដោយ ៖ សុឃាក់
ចែករំលែកព័តមាននេះ