ខេត្តកំពង់ធំ ៖ តាមសេចក្តីរាយការណ៍បឋមបានឱ្យដឹងថា កាលពីវេលាម៉ោង៦និង៣០នាទីយប់ថ្ងៃទី១០ ខែមិថុនា ឆ្នាំ២០១៩ មានករណីរន្ទះបាញ់ត្រូវមនុស្សប្រុសស្រីចំនួន៣នាក់ បណ្តាលឲ្យរងរបួស ខណៈជនរងគ្រោះទាំង៣នាក់កំពុងអង្គុយក្រោមផ្ទះ ។…
ខេត្តកំពង់ធំ ៖ តាមសេចក្តីរាយការណ៍បឋមបានឱ្យដឹងថា កាលពីវេលាម៉ោង៦និង៣០នាទីយប់ថ្ងៃទី១០ ខែមិថុនា ឆ្នាំ២០១៩ មានករណីរន្ទះបាញ់ត្រូវមនុស្សប្រុសស្រីចំនួន៣នាក់ បណ្តាលឲ្យរងរបួស ខណៈជនរងគ្រោះទាំង៣នាក់កំពុងអង្គុយក្រោមផ្ទះ ។
ហេតុការណ៍ខាងលើនេះបានកើតឡើងក្នុងភូមិអង្គនាង ឃុំទ្រៀល ស្រុកបារាយណ៍ ខេត្តកំពង់ធំ ។
ជនរងគ្រោះទាំង៣នាក់ដែលរងរបួសខាងលើ ក្នុងនោះ១-ឈ្មោះ អ៊ុំ ចាន់ណា ភេទប្រុស អាយុ៣០ឆ្នាំ ២-ឈ្មោះ សូរ សុរ៉ាន់ ភេទស្រី អាយុ៥២ឆ្នាំ និង៣-ជនរងគ្រោះឈ្មោះ ឡុង ផល ភេទប្រុស អាយុ៤០ឆ្នាំ ។ ជនរងគ្រោះទាំង៣នាក់រស់នៅភូមិឃុំកើតហេតុខាងលើ ។
ក្រោយពេលកើតហេតុ ជនរងគ្រោះទាំង៣នាក់ត្រូវបានគេបញ្ជូនទៅសង្គ្រោះនៅមន្ទីរពេទ្យបារាយណ៍សន្ទុក ។ ព័ត៌មានលម្អិតនឹងមានផ្សាយនៅលើទំព័រកាសែតកោះសន្តិភាព ៕ (កែសម្រួលដោយ ៖ ធីតា)
ចែករំលែកព័តមាននេះ