ខេត្តក្រចេះ ៖ បុរសចំណាស់វ័យ៦៨ឆ្នាំម្នាក់ត្រូវបាននគរបាលធ្វើការចាប់ខ្លួន បន្ទាប់ពី មានការសង្ស័យថា ជននេះបានធ្វើសកម្មភាពចាប់រំលោភសេពសន្ថវៈលើក្មេងស្រីម្នាក់ ដែលនៅផ្ទះក្បែរខាងគ្នារហូតសម្រេចជាច្រើនដង ។
នគរបាលស្រុកស្នួលនិយាយថា ជនសង្ស័យត្រូវបានធ្វើការចាប់ខ្លួន នៅថ្ងៃទី១០ មិថុនា ទៅតាមពាក្យបណ្តឹរបស់ក្រុមគ្រួសារក្មេងស្រីរងគ្រោះអាយុ៧ឆ្នាំក៏ដូចជា លោកមេភូមិវត្ត ឃុំស្វាយជ្រះ ស្រុកស្នួល។
នាយប៉ុស្តិ៍នរដ្ឋបាលស្វាយជ្រះ លោកអនុសេនីយ៍ឯកជា ជាន បានថ្លែងឲ្យដឹងថា ជន សង្ស័យឈ្មោះ ញឹប ជឿន អាយុ៦៨ឆ្នាំ រស់នៅស្រុកស្នួល ជាបុរសពោះម៉ាយ មានកូន៤នាក់ ខណៈដែលស្ត្រីជាប្រពន្ធបានស្លាប់អស់រយៈពេលជាច្រើនឆ្នាំមកហើយ ។ ផ្ទះរបស់ជនសង្ស័យនៅក្បែរគ្នានឹងផ្ទះរបស់គ្រួសារក្មេងស្រីរងគ្រោះ ។ ចំនែកឯក្មេង ស្រីរងគ្រោះអាយុ៧ឆ្នាំ ជាកូនស្រីទី២ ក្នុងចំណោមបងប្អូន៣នាក់ ។
លោកនាយប៉ុស្តិ៍រដ្ឋបាលបានបញ្ជាក់ថា ការចាប់ខ្លួនជនម្នាក់នេះធ្វើឡើងទៅតាមពាក្យ បណ្តឹងរាយការណ៍ផ្ទាល់មាត់ពីលោកមេភូមិ ដែលមានការសង្ស័យពីសកម្មភាពរបស់ជនម្នាក់ នេះទៅលើក្មេងស្រីទើបនគរបាលធ្វើការស៊ើបអង្កេតបានមួយថ្ងៃ និងឈានដល់ការចាប់ខ្លួន ។
បើតាមការសាកសួរពីមន្ត្រីនគរបាលជំនាញជននេះបានឆ្លើយថា រូបគេបានធ្វើសកម្មភាព ចាប់រំលោភ ក្មេងស្រីរងគ្រោះបានសម្រេចចំនួន៥ដង ពេលខ្លះស៊ីជម្រៅ និងពេលខ្លះ មិនស៊ីជម្រៅ ។ រាល់សកម្មភាពរបស់គេធ្វើឡើងនៅក្នុងផ្ទះរបស់ជនសង្ស័យ នៅពេលក្មេងស្រី បានដើរទៅលេងនៅម្តុំផ្ទះរបស់គេ ។
តាមចម្លើយសារភាព ជនសង្ស័យបានឆ្លើយថា គេមិនបានធ្វើទារុណកម្មលើក្មេងស្រីនោះទេ ដោយគ្រាន់តែនិយាយគំរាមលើរូបនាងដោយមិនឲ្យយករឿងនេះទៅប្រាប់អ្នកដទៃ ។ ក្មេងស្រីរងគ្រោះមានអាការស្លេកស្លាំង និងមានស្នាមជាំនៅលើប្រដាប់ភេទបន្ទាប់ពីរូបនាង រងការរំលោភពីបុរសវ័យចំណាស់រូបនេះ ។
នគរបាលការរិយាល័យជំនាញប្រឆាំងការជួញដូរមនុស្ស និងការពារអនិតិជននិយាយថា ក្មេងស្រីរងគ្រោះត្រូវបាននាំមកសម្រាកព្យាបាលនៅ នឹងមន្ទីរពេទ្យខេត្ត ខណៈជនសង្ស័យ ត្រូវបានចាប់ខ្លួន និងកំពុងតែចាត់ការតាមនីតិវិធី ៕ កែសម្រួលដោយ ៖ សុឃាក់
ចែករំលែកព័តមាននេះ