ខេត្តបាត់ដំបង ៖ យោងតាមសេចក្ដីរាយការណ៏នានាពីសមត្ថកិច្ចបានឲ្យដឹងថា ការចូលរួមហូបនំបញ្ចុកនៅព្រឹកថ្ងៃទី៩ មិថុនា នេះសម្រាប់ខេត្តបាត់ដំបងបានធ្វើឡើងព្រមៗគ្នាដែលមានមនុស្សយ៉ាងច្រើនកុះករទាំងអ្នកគាំទ្រគណប្រជាជនកម្ពុជា ទាំងអ្នកគាំទ្រអតីតគណបក្សសង្គ្រោះជាតិ។ ប៉ុន្តែពិធីនេះត្រូវបានរៀបចំឡើងនៅតាមទីតាំងផ្សេងៗគ្នា និងនៅតាមមូលដ្ឋានរៀងៗខ្លួន។ សមត្ថកិច្ចបានឲ្យដឹងថា…
ខេត្តបាត់ដំបង ៖ យោងតាមសេចក្ដីរាយការណ៏នានាពីសមត្ថកិច្ចបានឲ្យដឹងថា ការចូលរួមហូបនំបញ្ចុកនៅព្រឹកថ្ងៃទី៩ មិថុនា នេះសម្រាប់ខេត្តបាត់ដំបងបានធ្វើឡើងព្រមៗគ្នាដែលមានមនុស្សយ៉ាងច្រើនកុះករទាំងអ្នកគាំទ្រគណប្រជាជនកម្ពុជា ទាំងអ្នកគាំទ្រអតីតគណបក្សសង្គ្រោះជាតិ។ ប៉ុន្តែពិធីនេះត្រូវបានរៀបចំឡើងនៅតាមទីតាំងផ្សេងៗគ្នា និងនៅតាមមូលដ្ឋានរៀងៗខ្លួន។
សមត្ថកិច្ចបានឲ្យដឹងថា ក្រុមការងារគណបក្សប្រជាជនកម្ពុជា បានរៀបចំពីធីហូបនំបញ្ចុកសាមគ្គីនេះនៅតាមបណ្ដាឃុំ សង្កាត់ ដែលពួកគេរស់នៅ រីឯក្រុមអ្នកគាំទ្រអតីតគណបក្សសង្គ្រោះជាតិ ក៏បានរៀបចំបែបនេះដែរ។ ប៉ុន្តែគេសង្កេតឃើញការប្រមូលផ្ដុំគ្នាក្នុងថ្ងៃទិវាហូបនំបញ្ចុករបស់អ្នកគាំទ្រអតីត CNRP នេះហាក់មានចំនួនតិចជាងអ្នកគាំទ្រCPP ដែលមួយកន្លែងៗមានប្រហែលជាង៥០នាក់ប៉ុណ្ណោះ ខណៈក្រុមអ្នកគាំទ្រCPP កន្លែងខ្លះមានរហូតរាប់រយនាក់ឯណោះ។
គិតត្រឹមវេលាថ្ងៃត្រង់នេះ មិនទាន់មានសេចក្ដីរាយការណ៏ណាមួយស្ដីពី «ក្រុមអ្នកគាំទ្របក្សនយោបាយទាំង២បានរួមតុតែមួយ ដើម្បីហូបនំបញ្ចុកសាមគ្គីក្នុងថ្ងៃទិវានេះនៅឡើយទេ ហើយក៏មិនទាន់មានព័ត៌មានពាក់ព័ន្ធនឹងការប្រឈមមុខដាក់គ្នារវាងភាគីទាំង២នេះដែរ»។
បើតាមប្រភពដដែលបានបញ្ជាក់ថា នៅខេត្តបាត់ដំបង មិនមានការរៀបចំកម្មវិធីហូបនំបញ្ចុកនេះនៅទីតាំងណាមួយឲ្យអធឹកអធមជាងគេនោះទេ តែគណបក្សទាំង២បានរៀបចំនៅតាមឃុំ សង្កាត់ដូចៗគ្នា។ ប៉ុន្តែមានការចូលរួមពីប្រជាពលរដ្ឋ និងមន្ត្រីនានាយ៉ាងផុសផុលស្ទើរគ្រប់ទីកន្លែង៕ (កែសម្រួលដោយ ៖ ធីតា)
ចែករំលែកព័តមាននេះ