ខេត្តកំពង់ឆ្នាំង ៖ ក្នុងថ្ងៃពិសារនំបញ្ចុកសាមគ្គីនៅទូទាំងប្រទេសនាព្រឹកថ្ងៃទី9 ខែមិថុនា ឆ្នាំ 2019 នៅខេត្តកំពង់ឆ្នាំង ក៏បានរៀបចំពិសារនំបញ្ចុកផ្សារសាមគ្គីតាមភូម-ឃុំ-សង្កាត់ផងដែរ។ ដែលការរៀបចំនេះ គេឃើញនៅតាមវត្តអារាម…
ខេត្តកំពង់ឆ្នាំង ៖ ក្នុងថ្ងៃពិសារនំបញ្ចុកសាមគ្គីនៅទូទាំងប្រទេសនាព្រឹកថ្ងៃទី9 ខែមិថុនា ឆ្នាំ 2019 នៅខេត្តកំពង់ឆ្នាំង ក៏បានរៀបចំពិសារនំបញ្ចុកផ្សារសាមគ្គីតាមភូម-ឃុំ-សង្កាត់ផងដែរ។ ដែលការរៀបចំនេះ គេឃើញនៅតាមវត្តអារាម សាលារៀន និងមន្ទីរអង្គភាពនានាក្នុងខេត្ត។
យោងតាមន្ត្រីរបស់គណៈបក្សប្រជាជនកម្ពុជាខេត្តកំពង់ឆ្នាំង បានឲ្យដឹងថា ការរៀបចំពិសារនំបញ្ចុកសាមគ្គី គឺធ្វើឡើងទាំង72ឃុំ-សង្កាត់ និងខ្លះទៀតធ្វើនៅតាមភូមិ ដែលតាមប្រមាណនំបញ្ចុកទូទាំងខេត្តមានប្រមាណជា40តោន ត្រូវរៀបចំនៅគ្រប់ទីកន្លែងភូមិ-ឃុំនីមួយៗ ។
ព្រឹកនេះដែរ គេសង្កេតឃើញសម្ដេចចៅហ្វាវាំង គង់ សំអុល ឧបនាយករដ្ឋមន្ត្រីរដ្ឋមន្ត្រីព្រះបរមរាជវាំង អមដំណើរដោយឯកឧត្តម ឈួរ ច័ន្ទឌឿន អភិបាលខេត្តកំពង់ឆ្នាំង បានអញ្ជើញទៅពិសានំបញ្ចុកសាមគ្គីនៅស្រុកកំពង់ត្រឡាច បន្ទាប់មកក៏អញ្ជើញមកជួបជុំនៅសាលានយោបាយបក្សនៅក្រុងកំពង់ឆ្នាំង វិញ ដោយបានជួបជាមួយនឹងកុមារកំព្រាដែលគេរៀបចំឱ្យពិសារនំបញ្ចុកទីរួមគ្នាប្រមាណ100នាក់។
នៅក្នុងឱកាសនោះសម្ដេចបានជួយឧបត្ថម្ភដល់កុមារកំព្រាក្នុងម្នាក់ៗ១ម៉ឺនរៀលផងដែរ ក្រោយពេលពិសារនំបញ្ចុករួច និងធ្វើដំណើរត្រឡប់ទៅមណ្ឌលកុមារកំព្រាវិញ ៕ (កែសម្រួលដោយ ៖ បុប្ផា)
ចែករំលែកព័តមាននេះ