មណ្ឌលគិរី ៖ ថ្ងៃទី០៩នេះ មានការបញ្ជាទិញនំបញ្ចុកលើលពីថ្ងៃធម្មតារហូតដល់ទៅបីដងដល់ថ្នាក់បុគ្គលត្រូវធ្វើការថែមម៉ោងស្ទើរពេញមួយយប់ទល់ភ្លឺ ។
លោក ហុង សុខជា ម្ចាស់សិប្បកម្មផលិតនំបញ្ចុកនៅក្រុងសែនមនោរម្យ ខេត្តមណ្ឌលគិរីបានឲ្យដឹងថា នំបញ្ចុកចំនួន១៥០០គីឡូក្រាម ត្រូវបានប្រជាពលរដ្ឋ មន្ត្រីរាជការ សម្រុកទិញរហូតត្រូវបន្ថែមការផលិតទ្វេរមួយជាបី ។ លោកសុខ ជា បន្តថា ជាប្រចាំថ្ងៃសិប្បកម្មរបស់លោកផលិតនំបញ្ចុកលក់បានត្រឹម៤០០គីឡូក្រាម ទៅ៥០០គីឡូក្រាមប៉ុណ្ណោះ តែដោយមានការប្រកាសពីយុទ្ធនាការហូបនំបញ្ចុកសន្តិភាពពីសំណាក់សម្តេចតេជោនៅថ្ងៃទី០៩ នេះ ធ្វើឲ្យសិប្បកម្មរបស់លោកមិនអាចផលិតនំបានគ្រប់គ្រាន់ទៅតាមតម្រូវការឡើយ ។
ម្ចាស់សិប្បកម្មផលិតនំបញ្ចុកបានបញ្ជាក់ថា ទោះបីនំបញ្ចុកត្រូវបានលក់ដាច់លើសថ្ងៃធម្មតា ប៉ុន្តែតម្លៃមិនបានឡើងថ្លៃឡើយ ពោល គឺលក់ដូចសព្វមួយដង មួយគីឡូក្រាមតម្លៃ២០០០រៀល ៕ កែសម្រួលដោយ ៖ សុឃាក់
ចែករំលែកព័តមាននេះ