រាជធានីភ្នំពេញ ៖ សេចក្តីរាយការណ៍បានបន្តឱ្យដឹងទៀតលើករណីស្ត្រីម្នាក់ ដែលមកផ្ទុះអាវុធ២គ្រាប់នៅក្នុងវត្តសារាវ័ន្តនោះ នាព្រឹកថ្ងៃទី០៨ មិថុនា នេះ ឃាត់ខ្លួនជាបណ្តោះអាសន្ននៅអធិការដ្ឋាននគរបាលខណ្ឌដូនពេញ ដើម្បីសាកសួរនិងកសាងសំណុំរឿងចាត់ការបន្តតាមនិតីវិធី ។ ខណៈបានដឹងថា ដោយសារតែនាងខឹងព្រះមួយអង្គ បានធ្វើមន្តអាគមន៍គាថាដាក់ហើយ កាន់តែឈឺនិងកាន់តែក្ររបររកស៊ីមិនកាក់
កប ។
គួរបញ្ជាក់ថា ស្ត្រីដែលហ៊ានបាញ់នៅក្នុងវត្ត មានឈ្មោះ ផាន ស្រីលីន អាយុ២៩ឆ្នាំ មានទីលំនៅក្នុងជួលជាន់ទី៤ ផ្លូវ២១៧ សង្កាត់អូរប្ញស្សី៤ ខណ្ឌ៧មករា មានស្រុកកំណើតនៅភូមិព្រែកដូងហែម ឃុំព្រែកអំពិល ស្រុកខ្សាច់កណ្តាល ខេត្តកណ្តាល ។ ប្រភពឱ្យដឹងទៀតថា ស្ត្រីរូបនេះ ដោយសារខឹងធ្វើមន្តអាគមន៍និងស្រោចទឹកនៅក្នុងវត្តខាងលើហើយ នៅតែរកស៊ីមិនកាក់កបទៀត ។ ហើយខឹងរហូតតាំងចិត្ត ទិញកាំភ្លើងខ្លីពីប្រទេសថៃបានយកមកបាញ់ ជាក់ស្តែងចំនួន២គ្រាប់នៅក្នុងវត្តសារាវន្ត ដែលបង្កឱ្យមានការភ្ញាក់ផ្អើលដល់សមត្ថកិច្ច ចេញមកអន្តរាគមន៍ឃាត់ខ្លួនបានភ្លាមៗ នៅវេលាម៉ោង៦និង១៥នាទីយប់ថ្ងៃទី០៧ មិថុនា នៅកុដិលេខ២៣ ក្នុងវត្តសារាវ័ន្ត សង្កាត់ជ័យជំនះ ខណ្ឌដូនពេញ ព្រះបានខឹងជាមួយព្រះសង្ឃព្រះនាម ស៊ូ ពិសិដ្ឋ ព្រះជន្ម៣២វស្សា ដែលកំពុងគង់នៅក្នុងកុដិ ។
តាមប្រភពពីសមត្ថកិច្ចខណ្ឌដូនពេញបានឲ្យដឹងថា នៅមុនពេលកើតហេតុ គេឃើញស្ត្រីរូបនេះជិះម៉ូតូកង់បីឥណ្ឌាមួយគ្រឿង មកពីមកឈប់ពីមុខកុដិលេខ២៣ រួចក៏បានដើរចូលទៅខាងក្នុងកុដិលេខ២៣ ស្រាប់តែឮសំលេងស្រែកឡូឡា ហើយក៏ផ្ទុះអាវុធ១គ្រាប់នៅខាងក្នុង ។ រួចហើយបានដើរចេញមកខាងក្រៅបាញ់១គ្រាប់ទៀត បង្កការភ្ញាក់ផ្អើលពេញវត្តតែម្តង ។
គួរបញ្ជាក់ទៀតថា កន្លងមក ប្តីរបស់ស្ត្រីខាងលើ បានធ្លាប់ឱ្យព្រះសង្ឃ ព្រះនាម ស៊ូ ពិសិដ្ឋ ធ្វើមន្តអាគមន៍និងដាក់ឱ្យប្រពន្ធស្រឡាញ់កាន់តែខ្លាំង ។ ក្រោយពីសង្ឃដាក់មន្តអាគមន៍រួចមក ប្តីចេះតែឈឺមិនដែលលស់ថ្ងៃសោះ ហើយរកស៊ីមិនសូវបានទៀត ។ ដោយសារតែមានការអន់ចិត្តជាមួយព្រះសង្ឃអង្គនេះ ទើបគាត់ទៅប្រទេសថៃទិញកាំភ្លើងខ្លមួយដើម ៉ាក (ឡុកអូទ្រីសមីនី) ក្នុងតម្លៃ១៥០០$សហរដ្ឋអាមេរិក យកមកទុក ហើយក៏ជម្រះកំហឹងនៅយប់ថ្ងៃកើតហេតុនេះតែម្តង ។ (សម្រួលដោយ៖ ស្រីណា)
ព័ត៌មានបន្ថែមនឹងមានផ្សាយជូនបន្ត ។
ចែករំលែកព័តមាននេះ