អ្នកប្រាជ្ញទាំងឡាយបានពោលសរសើរមាតាបិតាដែលដាក់ឈ្មោះឱ្យកូនទៅតាមក្បួនតម្រាមើលតាមកម្លាំងថ្ងៃក៏ជួយលើករាសីកូនឱ្យខ្ពស់ត្រដែត។ អក្ខរព្យញ្ជនៈទាំង៣៣តួត្រូវបានបែងចែកទៅតាមកម្លាំងថ្ងៃទាំង៧ងាយស្រួលលោកអ្នកជ្រើសរើសឈ្មោះកូនឱ្យត្រូវទៅតាមតម្រាក្បួនច្បាប់ ៖
ថ្ងៃចន្ទមានអក្សរ៥តួ ក ខ គ ឃ ង, ថ្ងៃអង្គារមានអក្សរ៥តួ ច ឆ ជ ឈ ញ, ថ្ងៃពុធមានអក្សរ៥តួ ដ ឋ ឌ ឍ ណ, ថ្ងៃពុធពេលយប់មានអក្សរ៤តួ យ រ ល វ, ថ្ងៃព្រហស្បតិ៍មានអក្សរមានអក្ស៥តួ ប ផ ព ភ ម, សុក្រមានអក្សរ៣តួ ស ហ ឡ, ថ្ងៃសៅរ៍មានអក្សរ៥តួ ត ថ ទ ធ ន និងអាទិត្យមានអក្សរ ៨តួ អ អា អិ អី អុ អូ អេ អោ ។
តទៅនេះនឹងមានការស្រាវជ្រាវរាវរកឈ្មោះដែលមានសំឡេងពីរោះនិងមានន័យជ្រៅតាំងពីអក្សរ ក រហូតដល់អក្សរ អ ហើយលោកអ្នកអាចយកឈ្មោះណាមួយមកដាក់ឈ្មោះឱ្យកូនបានតាមសញ្ញាចូលចិត្តចុះ ។
គជ់- វត្ថុអ្វីមួយជាដុំពក មានសាច់រឹងដូចជាកែវ កើតមានក្នុងសរីរាងកាយ ឬក្នុងក្បាលរបស់សត្វទាំងឡាយដូចជា គជ់ដំរី គជ់ខ្យង គជ់គ្រំ។ ជាឈ្មោះរបស់អ្នកដែលមានប្រាជ្ញាដុះចេញពីកំណើត បានជាអ្នកប្រាជ្ញ ។
គង្គា- ជាឈ្មោះរបស់ទន្លេធំមួយនៅក្នុងមជ្ឈិមប្រទេស ដែលមានក្បាលជាប់មកពីភ្នំហិមពាន្តហូរចុះមកដល់សមុទ្រឥណ្ឌា ។ ឈ្មោះនេះច្រើនជាមនុស្សមិនសូវគិតពីប្រយោជន៍ផ្ទាល់ខ្លួនជាធំទេ គេជាបុគ្គលដែលសង្គមជាតិត្រូវការបំផុត ។
គណ- អានថា គន់ ឬគុណ បានន័យថា ពួក ក្រុម ហ្វូង ។ ប្រើជាមេគណ បានដល់ប្រធានសង្ឃតាមខេត្ត ស្រុក ។ ព្រះមេគណខេត្ត ព្រះមេគណស្រុក មានតួនាទីដូចជាចៅហ្វាយខេត្ត ចៅហ្វាយស្រុក ។ ឈ្មោះគណ ច្រើនជាមនុស្សឧត្តុង្គឧត្តម ។
គន្ធា- អ្នកមានក្លិនក្រអូប អ្នកសម្បូរក្លិនក្រអូបដូចជាផ្កា ។
គន្ធី- ជានាមកូនទេវតាដែលគ្រប់គ្រងទិសខាងកើត ជាឈ្មោះអ្នកមានប្រាជ្ញាវាងវៃ។ នៅមានត…
ចែករំលែកព័តមាននេះ