រាជធានីភ្នំពេញ ៖ បុរសម្នាក់បានចូលទៅធ្វើសកម្មភាពចាប់ច្របាច់កស្ត្រីម្នាក់ដល់ក្នុងបន្ទប់ជួល ដែលនាងស្នាក់នៅ រួចហើយប្រើម្រាមដៃលូកចូលប្រដាប់ភេទរបស់នាងម្ដងហើយម្តងទៀត ក្នុងបំណងរំលោភសេពសន្ថវៈ ។ ប៉ុន្តែមិនបានសម្រេចឡើយ ដោយសារតែនាងស្រែកឲ្យអ្នកជិតខាងជួយបង្កការភ្ញាក់ផ្អើលទាំង
ថ្ងៃ ។
បន្ទាប់មកលោកវរសេនីយ៍ឯក ជឹម សុីថា អធិការនគរបាលខណ្ឌដង្កោ បានបញ្ជាកម្លាំងឲ្យចុះទៅអន្តរាគមន៍ ឃាត់ខ្លួនជននេះបានភ្លាមៗ ប៉ុន្តែមិនមែនជារឿងងាយស្រួលឡើយ ព្រោះនៅពេលទៅដល់ជននោះ មិនព្រមឲ្យចាប់ខ្លួនងាយស្រួលទេដោយបានប្រើកាំបិតបុ័ងតោគំរាមកាប់នគរបាល រហូតមានការប្រទូស្តរា៉យមួយប្រាវនាទើបឃាត់ខ្លួនបាន ។
ហេតុការណ៍នោះបានកើតឡើងកាលពីវេលាម៉ោង៣និង២០នាទីរសៀលថ្ងៃទី៥ ខែមិថុនា ឆ្នាំ២០១៩
នៅចំណុចបន្ទប់ជួល ស្ថិតនៅភូមិថ្មី សង្កាត់ដង្កោ ខណ្ឌដង្កោ ។ ជនសង្ស័យឈ្មោះ រស់ នៅ អាយុ២៧ឆ្នាំ មុខរបរមិនពិតប្រាកដ ស្នាក់នៅបន្ទប់ជួលក្នុងភូមិកើតហេតុខាងលើ ហើយនគរបាលបានដកហូតកាំបិតបុ័ងតោ១ពីជនសង្ស័យផងដែរ ។ ដោយឡែកស្ត្រីរងគ្រោះអាយុ២០ឆ្នាំ ស្នាក់នៅបន្ទប់ផ្ទះជួលកើតហេតុ ។
នគរបាលបានឲ្យដឹងថា នៅមុនពេលកើតហេតុខណៈដែលនារីរងគ្រោះកំពុងបោសសម្អាតនៅក្នុងបន្ទប់ដែលនាងជួលស្នាក់នៅ ស្រាប់តែជនសង្ស័យខាងលើ បានស្ទុះចូលទៅចាប់ច្របាច់កនាង រួចហើយរុញទ្វារបិទប៉ុនប៉ងចាប់រំលោភដោយបានយកម្រាមដៃបៀនបៀនកេរ្តិ៍ខ្មាស (ប្រទូស្តកេរ្តិ៍) ហើយនារីរងគ្រោះបានព្យាយាមចាប់បេះដៃជននេះចេញ ។ ខណៈនោះនាងនិយាយថាមិនអាចស្រែករួចទេ ព្រោះជននេះបានច្របាច់កនាងជាប់ហើយនាងបានត្រឹមតែរើបម្រះប៉ុណ្ណោះតែក៏រើមិនរួចដែរ ។
ប្រភពដដែលបានបន្តថា ក្រោយមកជនសង្ស័យក៏បានច្រានផ្ដួលនាងទៅលើកម្រាលឥដ្ឋ ហើយក៏នៅតែប្រទូស្តកេរ្តិ៍ម្ដងទៀតរហូតដល់ទីជម្រៅ និងបម្រុងរំលោភសេពសន្ថវៈទៅហើយ ប៉ុន្តែសំណាងល្អនាងបានខំរើបម្រះរួចនិងស្រែកឲ្យអ្នកជិតខាងជួយ ជាហេតុបង្កការភ្ញាក់ផ្អើលទាំងថ្ងៃ ។ ប៉ុន្តែមុនពេលអ្នកជិតខាងទៅដល់ជនសង្ស័យខាងលើក៏បានទាត់នាង១ជើងត្រូវចំក្បាលផ្នែកខាងក្រោយបណ្ដាលឲ្យពកមួយកន្លែង ។
បន្ទាប់ពីទទួលបានដំណឹងនោះហើយលោកវរសេនីយ៍ឯក ជឹម សុីថា អធិការនគរបាលខណ្ឌដង្កោបានបញ្ជាកម្លាំងនគរបាលប៉ុស្តិ៍ឲ្យចុះទៅកាន់កន្លែងកើតហេតុដើម្បីអន្ដរាគមន៍ចាប់ខ្លួនជនសង្ស័យ ។ ប៉ុន្តែពេលទៅដល់ជននេះមិនបានខ្លាចនគរបាលទេ និងបានទាញកាំបិតបុ័ងតោពីចង្កេះកាន់ក្នុងដៃ ហើយស្រែកគំរាមកាប់កងកម្លាំងនគរបាលមិនឲ្យចូលចាប់ខ្លួនឡើយ ។
នគរបាលបានបញ្ជាក់ទៀតថា ដោយមិនអាចបណ្ដោយឲ្យជននេះធ្វើអ្វីៗតាមតែអំពើចិត្តបាននោះ ទើបកម្លាំងនគរបាលស្ទុះចូលទៅធ្វើការប្រតាយប្រតប់ជាមួយជនសង្ស័យ ទើបចាប់ខ្លួនបានរួចបាននាំទៅធ្វើ ការសាកសួរនៅប៉ុស្ដិ៍នគរបាលរដ្ឋបាលដង្កោ ដើម្បីកសាងសំណុំរឿងចាត់ការតាមច្បាប់ ។ ក្រោយពេលចាប់ខ្លួនជនសង្ស័យបានសារភាពថា ខ្លួន ពិតជាបានធ្វើសកម្មភាព និងមានបំណងចាប់រំលោភនាងមែន ប៉ុន្តែត្រូវនាងស្រែកបង្កឲ្យមានការភ្ញាក់ផ្អើល និងត្រូវបានកម្លាំងនគរបាលរួមជាមួយអ្នកភូមិចាប់ខ្លួនតែ
ម្ដង ។
ចែករំលែកព័តមាននេះ