ខេត្តសៀមរាប ៖ ជនសង្ស័យចំនួន៣នាក់ត្រូវបានកម្លាំងសមត្ថកិច្ចនគរបាលការិយាល័យព្រហ្មទណ្ឌកម្រិតស្រាលខេត្តសៀមរាបឃាត់ខ្លួនកាលពីវេលាម៉ោង៤រសៀលថ្ងៃទី៥ ខែមិថុនា ឆ្នាំ២០១៩ ពាក់ពន្ធនឹងករណីនាំចេញ-នាំចូល និងកែច្នៃអាវុធដោយខុសច្បាប់ ។ ជនសង្ស័យទាំង៣នាក់ដែលត្រូវសមត្ថកិច្ចឃាត់ខ្លួនខាងលើ ក្នុងនោះ១-ឈ្មោះ…
ខេត្តសៀមរាប ៖ ជនសង្ស័យចំនួន៣នាក់ត្រូវបានកម្លាំងសមត្ថកិច្ចនគរបាលការិយាល័យព្រហ្មទណ្ឌកម្រិតស្រាលខេត្តសៀមរាបឃាត់ខ្លួនកាលពីវេលាម៉ោង៤រសៀលថ្ងៃទី៥ ខែមិថុនា ឆ្នាំ២០១៩ ពាក់ពន្ធនឹងករណីនាំចេញ-នាំចូល និងកែច្នៃអាវុធដោយខុសច្បាប់ ។
ជនសង្ស័យទាំង៣នាក់ដែលត្រូវសមត្ថកិច្ចឃាត់ខ្លួនខាងលើ ក្នុងនោះ១-ឈ្មោះ ជា ហ៊ាបហ៊ ភេទប្រុស អាយុ១៩ឆ្នាំ ជានិស្សិត ស្រុកកំណើតនៅភូមិទី១ ឃុំរកាខ្នុរ ស្រុកក្រូចឆ្មា ខេត្តកំពង់ចាម និងមកស្នាក់នៅភូមិខ្នារ សង្កាត់ជ្រាវ ក្រុង ខេត្តសៀមរាប (ជាអ្នកនាំចូល-នាំចេញ និងកែច្នៃអាវុធ) ២-ឈ្មោះ លី តាំងឆេង ភេទប្រុស អាយុ២០ឆ្នាំ ជានិស្សិត មានទីលំនៅភូមិតាវៀន ឃុំសាលាកំរើក ក្រុងសៀមរាប ខេត្តសៀមរាប (ជាអ្នកជួញដូរអាវុធខុសច្បាប់) និង៣-ឈ្មោះ ឡី ម៉េងឡុង ភេទប្រុស អាយុ១៩ឆ្នាំ មានទីលំនៅភូមិមហាលាភ ឃុំមហាលាភ ស្រុកកោះសូទិន ខេត្តកំពង់ចាម និងមកស្នាក់នៅភូមិតាវៀន សង្កាត់សាលាកំរើក ក្រុងសៀមរាប ខេត្តសៀមរាប(ជាអ្នកជួញដូរអាវុធខុសច្បាប់) ។
ចំណែកវត្ថុតាងដែលសមត្ថកិច្ចចាប់យករួមមាន អាវុធខ្លីមួយដើម ម៉ាកG Lock ពណ៌ខ្មៅ, ហ្គាស់បញ្ចូលកាំភ្លើងសំរាប់បាញ់ចំនួន៥ដប, ស្នាប់កាំភ្លើងខ្លី ពណ៌ខ្មៅ ចំនួនមួយ, សោសំរាប់ដោះ (ទួណឺវីស) ចំនួន៣ដុំ, លិខិតឆ្លងដែនរបស់ឈ្មោះ ជា ហ៊ាបហ៊ មួយក្បាល, កាតវីងចំនួនមួយ និងកាតធានារ៉ាប់រង (ប្រទេសថៃ)ចំនួនមួយ ។
តាមប្រភពពីមន្ត្រីនគរបាលបានបង្ហើបឲ្យដឹងថា ផ្អែកតាមចម្លើយសារភាពរបស់ជនសង្ស័យទាំង៣នាក់ខាងលើ បានឆ្លើយសារភាពនៅចំពោះមុខសមត្ថកិច្ចថា ពួកខ្លួនពិតជាបាននាំចូល- នាំចេញ និងកែច្នៃ-ជួញដូរអាវុធខុសច្បាប់ ដូចជាអាវុធខ្លីពិត (កាំភ្លើងមែនទែន) ចំនួន១០០ដើម, អាវុធខ្លីប្រើហ្គាស់ និងអាវុធប្រើខ្យល់ចំនួន៣០០ដើម ទៅចែកចាយតាមបណ្តាខេត្ត និងរាជធានីពិតប្រាកដមែន (ភាគច្រើនភ្នំពេញ និងខេត្តព្រះសីហនុ) ។ ជនសង្ស័យទាំង៣នាក់ សមត្តកិច្ចបាន និងកំពុងកសាងសំណុំរឿងបញ្ជូនទៅកាន់សាលាដំបូងខេត្តតាមនីតិវិធី ៕ (កែសម្រួលដោយ ៖ ធីតា)
ចែករំលែកព័តមាននេះ