រាជធានីភ្នំពេញ ៖ មានការភ្ញាក់ផ្អើលបំផុត នៅពេលដែលគេបានឃើញរូបថតជាច្រើនសន្លឹកដែលជារូបថតភ្ជាប់ពាក្យផ្លូវការរបស់តារាចម្រៀងល្បីឈ្មោះ សួស វីហ្សា ជាមួយកំលោះមុខស្រស់ថ្ពាល់ខូចថមមី។ ពួកគេបានភ្ជាប់ស្នេហ៍ជាមួយគ្នាជាច្រើនខែ ដោយចាស់ទុំសងខាងដឹងឭ ហើយម្នាក់ៗសុទ្ធតែឲ្យតម្លៃថា…
រាជធានីភ្នំពេញ ៖ មានការភ្ញាក់ផ្អើលបំផុត នៅពេលដែលគេបានឃើញរូបថតជាច្រើនសន្លឹកដែលជារូបថតភ្ជាប់ពាក្យផ្លូវការរបស់តារាចម្រៀងល្បីឈ្មោះ សួស វីហ្សា ជាមួយកំលោះមុខស្រស់ថ្ពាល់ខូចថមមី។
ពួកគេបានភ្ជាប់ស្នេហ៍ជាមួយគ្នាជាច្រើនខែ ដោយចាស់ទុំសងខាងដឹងឭ ហើយម្នាក់ៗសុទ្ធតែឲ្យតម្លៃថា ជាបុគ្គលល្អដូចគ្នា។ បន្ទាប់ពីតារាចម្រៀង សួស វីហ្សា បានបើកចំហស្នេហាជាសាធារណៈជាមួយតារាម៉ូដែលប្រុស ថមមី រួចមក គេសង្កេតឃើញថា ទំនាក់ទំនងរវាងគូស្នេហ៍មួយគូនេះ មានភាពស្អិតរមួត កាន់តែខ្លាំងឡើងជាលំដាប់។
ដោយឡែកពេលនេះ តារាចម្រៀងស្រី កញ្ញាសួស វីហ្សា និងលោកថមមី បានសម្រេចចិត្តចូលរោងភ្ជាប់ពាក្យនៅព្រឹកនេះ គឺថ្ងៃទី៧ ខែមិថុនា ឆ្នាំ២០១៩ ក្រោមវត្តមានតារាសិល្បៈចូលរួម ហើយតាមបណ្តាញសង្គមវិញ មានការភ្ញាក់ផ្អើលគ្រប់ៗគ្នា ព្រោះតែលឿនពេក។
គេនៅមិនទាន់ដឹងថា អ្នកទាំង២កំណត់ពាលាចូលរោងជ័យថ្ងៃណាឲ្យច្បាស់នោះទេ។ តែបើតាមអ្នកគាំទ្រវិញ គឺចង់ឲ្យពួកគេរៀបការឆាប់ៗ ដើម្បីកុំឲ្យនៅជូរផ្អូម គ្រាដែលចំណងស្នេហ៍រឹងមាំ។ ហើយមុនពេលភ្ជាប់ពាក្យ ពួកគេបានទិញផ្ទះ ទិញឡាន ដែលមើលទៅកាន់តែហ៊ឺហារពិតជាមានហុងស៊ុយល្អ ជោគជ័យទាំងស្នេហា និងមុខរបរមែន៕ (កែសម្រួលដោយ ៖ បុប្ផា)
ចែករំលែកព័តមាននេះ