ខេត្តបន្ទាយមានជ័យ ៖ រឿងទំនាស់កើតឡើងរវាងប្រជាពលរដ្ឋ២ក្រុម ដោយមួយក្រុមបណ្តេញព្រះសង្ឃចេញពីវត្ត ហើយមួយក្រុមទៀតការពារព្រះសង្ឃ ដោយសារផ្តើមចេញពីរឿងដណ្តើមគ្នាកាន់លុយក្នុងវត្តកើតឡើងកាលពីថ្ងៃទី០៥ មិថុនា ស្ថិតក្នុងវត្តហ៊ុបប្ញស្សី ភូមិហ៊ុបប្ញស្សី ឃុំសឿ…
ខេត្តបន្ទាយមានជ័យ ៖ រឿងទំនាស់កើតឡើងរវាងប្រជាពលរដ្ឋ២ក្រុម ដោយមួយក្រុមបណ្តេញព្រះសង្ឃចេញពីវត្ត ហើយមួយក្រុមទៀតការពារព្រះសង្ឃ ដោយសារផ្តើមចេញពីរឿងដណ្តើមគ្នាកាន់លុយក្នុងវត្តកើតឡើងកាលពីថ្ងៃទី០៥ មិថុនា ស្ថិតក្នុងវត្តហ៊ុបប្ញស្សី ភូមិហ៊ុបប្ញស្សី ឃុំសឿ ស្រុកមង្គលបុរី ។
ប្រជាពលរដ្ឋ១ក្រុម ខាងអនុភូមិហ៊ុបប្ញស្សី ដែលជាភាគីប្រឆាំងបានឱ្យដឹងថា ពួកគាត់បានផ្តិតមេដៃប្តឹងទៅអនុគណស្រុក និងអភិបាលស្រុកមង្គលបុរី ហើយគេសុំអោយព្រះគ្រូចៅអធិការវត្ត ព្រមទាំងព្រះសង្ឃដែលគាំទ្រចៅអធិការវត្តត្រូវចេញពីវត្ត ដោយព្រះគ្រូចៅអធិការវត្តកាន់លុយវត្ត ដោយមិនអោយគណៈកម្មការ និងអាចារ្យវត្តបានដឹងការចំណូលចំណាយ និងធ្វើខុសពីសាសនា ដែលជាសាសនារដ្ឋដែលប្រជាពលរដ្ឋគោរពប្រតិបត្តិ ហើយព្រះសង្ឃគង់ក្នុងវត្តមានប្រើដំបងឆក់ទៀតផង គឺដាច់ខាត់ត្រូវតែបណ្តេញចេញពីវត្ត ។
ដោយឡែកប្រជាពលរដ្ឋ១ក្រុមខាងមេភូមិហ៊ុបប្ញស្សីដែលគាំទ្រព្រះសង្ឃបានបញ្ជាក់ថា វត្តហ៊ុបប្ញស្សីនេះបង្កើតឡើងតាំងពីឆ្នាំ១៩៩៩ ហើយដីវត្តត្រូវលោកជាអ្នកប្រគេន សម្រាប់កសាងវត្តដែលកសាងរហូតដល់ពេលនេះ មានព្រះសង្ឃគង់ចាំព្រះវស្សាចំនួន៦អង្ឃ ដែលកសាងមានសាលាឆាន់ និងសមិទ្ធផលច្រើន
ទៀត ។
ក្នុងអំឡុងថ្ងៃទី០៣ មិថុនា ឆ្នាំ២០១៩ នេះ ស្រាប់តែមានប្រជាពលរដ្ឋមួយក្រុម ខាងអនុភូមិហ៊ុបប្ញស្សី
បាននាំគ្នាប្រឆាំងតវ៉ាបណ្តេញព្រះសង្ឃចេញពីវត្តទាំងអស់ ព្រោះតែរឿងខឹងមិនឱ្យកាន់លុយក្នុងវត្ត គឺប្រជា ពលរដ្ឋគាំទ្រមិនអោយក្រុមប្រឆាំងដេញព្រះសង្ឃចេញពីវត្តឡើយ ដែលធ្វើឱ្យប៉ះពាលវិស័យសាសនា ដែលជាសាសនារដ្ឋប្រជាពលរដ្ឋគោរពប្រតិបត្តិ ។
លោក យឹម យឿន ប្រធានមន្ទីធម្មការនិងសាសនាខេត្តបន្ទាយមានជ័យថា ទំនាស់អធិករដែលកើតឡើងក្នុងវត្ត វាគ្មានអ្វីក្រៅពីដណ្តើមគ្នាកាន់លុយតែប៉ុណ្ណោះ ហើយម្ខាងដែលប្រឆាំងបណ្តេញព្រៈគ្រូចៅអធិការចេញពីវត្ត គឺវាមិនអាចឡើយ ព្រោះមានមន្ត្រីសង្ឃជាអ្នកគ្រប់គ្រងអនុវត្តច្បាប់ មុននិងបណ្តេញឬឱ្យព្រះសង្ឃចេញពីវត្ត ត្រូវរកអង្គហេតុឱ្យបានច្បាស់ តើព្រះសង្ឃមានកំហុសអ្វី?
ព្រោះថា ការដែលកាន់លុយមិនថា ព្រៈសង្ឃឬប្រសក់ឡើយ សំខាន់វត្តមានការអភិវឌ្ឍន៍និងរីកចម្រើនហើយចោទព្រះសង្ឃក្នុងវត្តមានដំបងឆក់នោះ ការពិតជាដំបងឆក់សន្តិសុខយកមកផ្ញើ គ្មានអ្វីជាកំហុស
ព្រះសង្ឃឡើយ អ្នកដែលព្យាយាមបណ្តេញព្រះសង្ឃដូចជាបំផ្លាញសាសនាដូចគ្នា ។ (សម្រួលដោយ៖ ស្រីណា)
ចែករំលែកព័តមាននេះ