ខេត្តប៉ៃលិន ៖ យុវជនម្នាក់ដើរចូលទៅលេងក្នុងបរិវេណវត្ត លុះព្រះសង្ឃកំពុងជាប់រវល់សូត្រធម៌ថ្វាយបង្គំព្រះ ភ្លេចខ្លួនក៏បានលួចយកទៅលក់ឱ្យឈ្មួញ ហើយត្រូវព្រះសង្ឃប្តឹងនគរបាលឱ្យចាប់ឃាត់ខ្លួនតែម្តង ដែលហេតុការណ៍យុវជនម្នាក់ចូលលួចទូរស័ព្ទដៃព្រះសង្ឃក្នុងវត្តបានកើតឡើង កាលពីវេលាម៉ោង៥និង០០នាទីល្ងាច ថ្ងៃទី០៦ ខែមិថុនា ឆ្នាំ២០១៩ ស្ថិតនៅក្នុងបរិវេណវត្តសាលាក្រៅ ក្នុងភូមិថ្នល់ទទឹង ឃុំអូរអណ្តូង ស្រុកសាលាក្រៅ ។
ប្រភពព័ត៌មានពីនគរបាលបានឱ្យដឹងថា ជនរងគ្រោះព្រះនាម ឡេន មីនា ព្រះជន្ម៣១វស្សា ជាព្រះសង្ឃគង់នៅក្នុងវត្តសាលាក្រៅ ដោយបានបាត់ទូរស័ព្ទដៃស្មាតហ្វូន ០១គ្រឿង ម៉ាកVIVO ។ ចំណែកជនសង្ស័យមានឈ្មោះ វ៉ាតយ៉ា គុប ភេទប្រុស អាយុ១៩ឆ្នាំ ជនជាតិខ្មែរ មុខរបរកម្មករ បច្ចុប្បន្នរស់នៅភូមិកូនភ្នំ ឃុំអូរអណ្តូង ស្រុកសាលាក្រៅ ។
ប្រភពបន្តទៀតក្រោយពីបានធ្វើការសាកសួររួចជនសង្ស័យខាងលើបានឆ្លើយសារភាពថា រូបគេពិតជាបានចូលទៅលួចទូរស័ព្ទដៃរបស់ព្រះសង្ឃខាងលើពិតប្រាកដមែន ហើយទូរស័ព្ទ ដែលលួចខ្លួនបានយកទៅលក់ឱ្យឈ្មួញបាត់ហើយ ។ ពាក់ព័ន្ធនឹងបញ្ហានេះ បច្ចុប្បន្នជនសង្ស័យត្រូវបានឃាត់ខ្លួននៅ អធិការដ្ឋាននគរបាលស្រុកសាលាក្រៅ ដើម្បីរៀចំសំនុំរឿងបញ្ជូទៅតុលាការឱ្យចាត់ការតាមនីតិវិធីច្បាប់ ៕កែសម្រួលដោយ ៖សុឃាក់
ចែករំលែកព័តមាននេះ