ខេត្តក្រចេះ ៖ តាមសេចក្តីរាយការណ៍បឋមបានឲ្យដឹងថា សាកសពបុរសម្នាក់ត្រូវបានអ្នកភូមិនិងក្រុមគ្រួសារស្រង់ចេញពីច្រាំងទន្លេ ដោយជនរងគ្រោះបានផឹកស្រាស្រវឹងជោកខ្លួន ហើយបានបម្រុងចុះងូតទឹក ក៏រអិលជើងធ្លាក់ទឹកបោកក្បាលជាមួយនឹងគល់ឈើ បណ្តាលឲ្យលង់ស្លាប់ ។
សេចក្តីរាយការណ៍បានបន្តថា នគរបាលបាលស្រុកសំបូរនិយាយថា សពជនរងគ្រោះឈ្មោះស្រែ ប៊ុនធឿន អាយុ៣៧ឆ្នាំ រស់នៅឃុំសំបូរ ស្រុកសំបូរ មានស្នាមជាំលើដងខ្លួន និងក្បាល ដែលនគរបាល សន្និដ្ឋានថា ជនរងគ្រោះបានរអិលជើងធ្លាក់ទឹកបោក និងកំណាត់ឈើ ។
នគរបាលឲ្យដឹងទៀតថា នៅថ្ងៃកើតហេតុល្ងាចថ្ងៃទី៥ មិថុនានេះ ជនរងគ្រោះបានផឹកស្រា ស្រវឹងជាមួយ និងអ្នកនៅក្នុងភូមិស្រវឹងជោកខ្លួន ។ បន្ទាប់ពីស្រវឹងជនរងគ្រោះបានដើរឆ្ពោះ ទៅងូតទឹកទន្លេតែម្នាក់ឯង ។ នៅពេលទៅដល់មាត់ច្រាំង ក្នុងអាការស្រវឹងធីងធោង ទប់ខ្លួនមិននឹង ជនរងគ្រោះក៏រអិលជើងពីលើច្រាំងធ្លាក់ចូលទៅក្នុងទន្លេបោកក្បាលជាមួយ និងកំណាត់ឈើនៅក្នុងទឹក បណ្តាលឲ្យស្លាប់តែម្នាក់ឯងគ្មាននណាដឹង ។
ភ្លាមៗជនរងគ្រោះមិនត្រូវបាននណាដឹងថា ធ្លាក់ទឹកនោះទេ ។ តែដោយមានការសង្ស័យពីក្រុមគ្រួសារ ក្រោយពេលបាត់ខ្លួនមិនឃើញអ្នកភូមិការចុះរាវរក និងបានប្រទះឃើញជនរងគ្រោះស្លាប់ក្នុងទឹក ៕ កែសម្រួលដោយ ៖ សុឃាក់
ចែករំលែកព័តមាននេះ