ខេត្តបាត់ដំបង ៖ អ្នកញៀននឹងល្បែងស៊ីសងចំនួន១៥នាក់ ដែលភាគច្រើនជាស្ត្រី ត្រូវបានកម្លាំងសមត្ថកិច្ចក្នុងស្រុកចំនួន២បង្ក្រាបបានដំណាលគ្នារួចនាំយកទៅដុះក្អែល កាលពីរសៀលថ្ងៃទី០៥ម ិថុនា នៅក្នុងស្រុកថ្មគោល និងស្រុកបាណន់ ។…
ខេត្តបាត់ដំបង ៖ អ្នកញៀននឹងល្បែងស៊ីសងចំនួន១៥នាក់ ដែលភាគច្រើនជាស្ត្រី ត្រូវបានកម្លាំងសមត្ថកិច្ចក្នុងស្រុកចំនួន២បង្ក្រាបបានដំណាលគ្នារួចនាំយកទៅដុះក្អែល កាលពីរសៀលថ្ងៃទី០៥ម ិថុនា នៅក្នុងស្រុកថ្មគោល និងស្រុកបាណន់ ។
លោកឧត្តមសេនីយត្រី ជេត វណ្ណនី ស្នងការរងខេត្តបានឱ្យដឹងថា ក្នុងចំណោមក្រុមអ្នកញៀនល្បែងភ្លេចបាយភ្លេចទឹកទាំង១៥នាក់នោះ គឺបង្ក្រាបបាននៅស្រុកបាណន់ចំនួន៩នាក់ រីឯចំនួន៦នាក់ទៀត បង្ក្រាបបាននៅស្រុកថ្មគោល ។ លោកបញ្ជាក់ថា ក្រុមអ្នកញៀនល្បែងនេះ ភាគច្រើនជាស្ត្រី ដែលលេងល្បែងបៀ និងក្ដាមឃ្លោក ។ ក្រុមនេះ វក់វីនឹងល្បែងភ្លេចកូនភ្លេចផ្ទះហាមមិនស្ដាប់ ទើបឈានដល់ការបង្ក្រាបតែម្ដង។
ប៉ុន្តែលោកស្នងការរងបានបញ្ជាក់ថា ក្រោយពីបង្ក្រាបគោលការណ៍លោកស្នងការខេត្ត គ្រាន់តែបង្គាប់ឲ្យធ្វើការអប់រំ និងធ្វើកិច្ចសន្យាបញ្ឈប់សកម្មភាពប្រព្រឹត្តល្បែងស៊ីសងបន្តទៀត ហើយឲ្យត្រឡប់ទៅផ្ទះមើលកូនចៅវិញ ។
បើតាមព័ត៌មានថា ក្រុមអ្នកញៀនល្បែងដែលភាគច្រើនជាស្ត្រីខាងលើនេះ ហាក់កំពុងវក់វីយ៉ាងខ្លាំងជាមួយនឹងល្បែងបៀរនិងក្ដាមឃ្លោកនេះ រហូតភ្លេចបាយភ្លេចទឹកនិងកូនចៅ ហើយពេលខ្លះបង្កជាមួយគ្រួសារទៀតផង ។ សមត្ថកិច្ចធ្លាប់បានបង្អើលឬហាមឃាត់ច្រើនលើកដែរ តែពួកគេមិនព្រមស្ដាប់ ទើបសមត្ថកិច្ចចុះបង្ក្រាបដើម្បីយកទៅដុះក្អែល ជាការព្រមាន។ ពេលនេះសមត្ថកិច្ចបានឲ្យធ្វើកិច្ចសន្យានិងបានឲ្យពួកគេវិលត្រឡប់ទៅផ្ទះមើលកូនចៅវិញហើយ ៕ (សម្រួល៖ ស្រីណា)
ចែករំលែកព័តមាននេះ