រាជធានីភ្នំពេញ ៖ បុរសជាមន្ត្រីសាខាពន្ធដារខណ្ឌចំការមនម្នាក់បានស្លាប់យ៉ាងអាណោចអាធ័ម ក្រោយ ជិះម៉ូតូបុកជាមួយរថយន្តស្ព័រមួយគ្រឿងត្រង់ចំណុចភ្លើងស្តុបស្ថានទូតរុស្ស៊ី កាលពីវេលាម៉ោង១២ និង ៣០នាទីរំលងអធ្រាត្រឈានចូលថ្ងៃទី៥ មិថុនា ក្រោយពេលគាត់ចេញពីផឹកនៅក្លិបកម្សាន្តមួយកន្លែង…
រាជធានីភ្នំពេញ ៖ បុរសជាមន្ត្រីសាខាពន្ធដារខណ្ឌចំការមនម្នាក់បានស្លាប់យ៉ាងអាណោចអាធ័ម ក្រោយ ជិះម៉ូតូបុកជាមួយរថយន្តស្ព័រមួយគ្រឿងត្រង់ចំណុចភ្លើងស្តុបស្ថានទូតរុស្ស៊ី កាលពីវេលាម៉ោង១២ និង ៣០នាទីរំលងអធ្រាត្រឈានចូលថ្ងៃទី៥ មិថុនា ក្រោយពេលគាត់ចេញពីផឹកនៅក្លិបកម្សាន្តមួយកន្លែង ហើយភ្លាមៗ គិតថាមិនមានអ្វីធ្ងន់ធ្ងរ គ្រាន់តែរលាត់ដៃជើងបន្តិចបន្តួចតែប៉ុណ្ណោះ។
សេចក្តីរាយការណ៍ឱ្យដឹងថា ភ្លាមៗជនរងគ្រោះក៏មិនបានទៅផ្ទះ ឬក៏ទៅមន្ទីរពេទ្យព្យាបាលដែរ ដោយគាត់ឱ្យមិត្តភក្តិម្នាក់នាំទៅដេកនៅផ្ទះសំណាក់វិញ ។ លុះព្រឹកឡើង គាត់មានអាការៈមិនស្រួលខ្លួនខ្លាំង ក៏ទាក់ទងទៅមិត្តភក្តិ ដើម្បីជូនទៅគ្លីនិកឯកជនមួយ ។ តែទៅដល់ ត្រូវគ្រូពេទ្យបានប្រាប់ថា«គាត់បានដាច់ខ្យល់ស្លាប់បាត់ទៅហើយ» នៅម៉ោងប្រមាណ១២ និង៤៥នាទីថ្ងៃត្រង់ថ្ងៃដដែល ហើយក្រុមគ្រួសារបានមករាយការណ៍ប្រាប់នគរបាលប៉ុស្តិ៍ទន្លេបាសាក់ដឹងពីរឿងនេះ ។
តាមព័ត៌មានពីនគរបាលបានប្រាប់ថា បុរសរងគ្រោះឈ្មោះ នូ តូរីត អាយុ៣៣ឆ្នាំ ជាមន្ត្រីជាប់កិច្ចសន្យា បម្រើការនៅសាខាពន្ធដាខណ្ឌចំការមន មានទីលំនៅផ្ទះលេខ១០៧ ផ្លូវចាតិលេខ២ ក្នុងភូមិទួលរការ សង្កាត់ ចាក់អង្រែក្រោម ខណ្ឌមានជ័យ។
ក្រោយពីទទួលបានការរាយការណ៍ពីករណីបុរសមន្ត្រីសាខាពន្ធដាខណ្ឌចំការមនម្នាក់បានស្លាប់ ក្រោយពីជួបគ្រោះថ្នាក់ចរាចរណ៍ កម្លាំងមានសម្ថកិច្ចជំនាញប៉ុស្តិ៍ទន្លេបាសាក់ និងខណ្ឌចំការមនក៏បានចុះទៅធ្វើការស្រាវជ្រាវមើលនៅចំណុចភ្លើងស្តុបស្ថានទូតរុស្ស៊ីខាងលើ តាមរយៈរូបភាពវីដេអូកាមេរ៉ាសុវត្ថិភាពនៅតាមផ្ទះក្បែរៗនោះបានបញ្ជាក់ថា «ម៉ូតូជនរងគ្រោះបានប៉ះជាមួយនិងរថយន្តស្ព័រធន់តូចមួយគ្រឿង ពិតប្រាកដមែន» ។
បានឃើញភាគីទាំងពីរចុះមកនិយាយដោះស្រាយគ្នាចប់សព្វគ្រប់ ទើបបានបែកផ្លូវគ្នារៀងៗខ្លួនទៅ ។ដោយជនរងគ្រោះមិនបានរងរបួសធ្ងន់ធ្ង រនិងរលាត់ដៃជើងតិចតួចនោះ ជនរងគ្រោះក៏មិនបានទៅព្យាបាលនៅមន្ទីរពេទ្យដែរ ។ លុះព្រឹកឡើងជនរងគ្រោះ ទើបជនរងគ្រោះមិនស្រួលខ្លួនកាន់តែធ្ងន់ដែលមិន អាចជួួយគាត់បាន ។ (សម្រួលដោយ៖ ស្រីណា)
ចែករំលែកព័តមាននេះ