រាជធានីភ្នំពេញ ៖ កាលពីថ្ងៃទី៣ មិថុនា កន្លងមកនេះ សហព័ន្ធកីឡាបាល់ទាត់កម្ពុជា បានបង្ហាញបញ្ជីឈ្មោះកីឡាករក្រុមជម្រើសជាតិកម្ពុជាទាំង២៥រូបដែលត្រៀមប្រកួតជាមួយ ក្រុមជម្រើសជាតិប៉ាគីស្ថាននាថ្ងៃទី៦ មិថុនា ស្អែកនេះ នៅលើទីលានពហុកីឡដ្ឋានជាតិអូឡាំពិកក្នុងព្រឹត្តិការណ៍វគ្គជម្រុះ FIFA WORLD CUP QUATAR 2022 &ASIAN CUP 2023 ។
យោងតាមគេហទំព័ររបស់សហព័ន្ធកីឡាបាល់ទាត់កម្ពុជា បានឱ្យដឹងថា កីឡាករក្រុមជម្រើសជាតិកម្ពុជាទាំង២៥រូបនេះសុទ្ធតែត្រូវបានជ្រើសចេញពីតាមបណ្ដាក្លិបនានា ដើម្បីត្រៀមប្រកួតប្រជែងជាលើកដំបូងជាមួយ ក្រុមជម្រើសជាតិប៉ាគីស្ថាន រួមមាន កីឡាករ ប្រាក់ មុន្នីឧត្តម, ប៊ីន ចន្ថាធារី, ឆេង ម៉េង, កែវ សុខផេង, គួច សុកុម្ភះ, សឿយ វិសាល, សុះ ស៊ូហាណា, កែន ចាន់សុភ័ក្ដ្រ, អ៊ុក សុវណ្ណ, ខេង ម៉េងហ៊ួរ, គួច ដានី, អ៊ន ចាន់ប៉ូលីន, ម៉ៅ ពិសិដ្ឋ, ដាវ នីម, សារ៉េត គ្រីយ៉ា, សា រ៉ូសិត, សៀង បារាំង, ឆុង ប៊ុនណាត, យ៉ឺ សាវី, ស៊ីន សុផាណាត, អ៊ុំ វិចិត្រ, កែវ សុខសីលា និងកីឡាករ សាវេង សំណាង ។
Credit ៖ សហព័ន្ធកីឡាបាល់ទាត់កម្ពុជា តាមប្រភពព័ត៌មានកីឡាករទាំង២៥រូបនេះ គឺសុទ្ធតែបានធ្វើតេស្តសមត្ថភាពនៅលើទីលានដោយផ្ទាល់ពីលោក Keisuke Honda អ្នកចាត់ការទូទៅ និងលោក Felix Dalmas ដែលជាគ្រូបង្វឹកក្រុមជម្រើសជាតិកម្ពុជា ។ សម្រាប់ការប្រកួតជើងទី២នឹងធ្វើឡើងនៅទីក្រុងដូហា ប្រទេសកាតា នាថ្ងៃទី១១ មិថុនា ។
ជាមួយគ្នានេះសហព័ន្ធកីឡាបាល់ទាត់កម្ពុជាសង្ឃឹមថា ជនរួមជាតិកម្ពុជានឹងចូលរួមទស្សនាច្រើនកុះករដើម្បីលើកទឹកចិត្តដល់ក្រុមកីឡាបាល់ទាត់ជម្រើសជាតិយើង ៕
កែសម្រួលដោយ ៖ សំណាង
ចែករំលែកព័តមាននេះ