រាជធានីភ្នំពេញ ៖ សេចក្តីរាយការណ៍បឋមបានឲ្យដឹងថា កាលពីវេលាម៉ោង៩និង៣០នាទីព្រឹក ថ្ងៃទី៣ ខែមិថុនា ឆ្នាំ២០១៩ កម្លាំងសមត្ថកិច្ចជំនាញការិយាល័យទី១០នៃមន្ទីរប្រឆាំងគ្រឿងញៀនក្រសួងមហាផ្ទៃបានចុះស្រាវជ្រាវ និងបង្ក្រាបករណីជួញដូរសារធាតុញៀន ដោយខុសច្បាប់មួយករណីនៅចំណុចខាងលិចផ្សារធំថ្មី…
រាជធានីភ្នំពេញ ៖ សេចក្តីរាយការណ៍បឋមបានឲ្យដឹងថា កាលពីវេលាម៉ោង៩និង៣០នាទីព្រឹក ថ្ងៃទី៣ ខែមិថុនា ឆ្នាំ២០១៩ កម្លាំងសមត្ថកិច្ចជំនាញការិយាល័យទី១០នៃមន្ទីរប្រឆាំងគ្រឿងញៀនក្រសួងមហាផ្ទៃបានចុះស្រាវជ្រាវ និងបង្ក្រាបករណីជួញដូរសារធាតុញៀន ដោយខុសច្បាប់មួយករណីនៅចំណុចខាងលិចផ្សារធំថ្មី ផ្លូវលេខ១២៨ កែងផ្លូវលេខ៦៧ សង្កាត់ផ្សារថ្មីទី១ ខណ្ឌដូនពេញ រាជធានីភ្នំពេញ ក្រោមការសម្របសម្រួលដោយលោកចែ សុង ព្រះរាជអាជ្ញារងនៃអយ្យការអមសាលាដំបូងរាជធានីភ្នំពេញ ។
សេចក្តីរាយការណ៍បានបន្តថា ជាលទ្ធផលឃាត់ខ្លួនជនសង្ស័យបានម្នាក់ឈ្មោះ ម៉ា ចាន់ធី ភេទស្រី អាយុ៣៥ឆ្នាំ មុខរបរសំអាងការ និងរឹបអូសវត្ថុតាងសារធាតុញៀនប្រភេទមេតំហ្វេតាមីន (ICE) ៩៩៩.៥៦ ក្រាម (ជិត១គីឡូក្រាម) និងទូរស័ព្ទដៃ១គ្រឿង ។
ដោយឡែកជនសង្ស័យ និងវត្ថុតាងត្រូវបានសមត្ថកិច្ចនគរបាលមន្ទីរប្រឆាំងគ្រឿងញៀន រៀបចំសំណុំរឿងបញ្ជូនទៅកាន់សាលាដំបូងរាជធានីភ្នំពេញតាមនីតិវិធី៕កែសម្រួលដោយ ៖សុឃាក់
ចែករំលែកព័តមាននេះ