រាជធានីភ្នំពេញ ៖ សំណុំរឿងជនត្រូវចោទឈ្មោះ យិន ហេង ហៅចំប៉ីខ្មៅ ភេទទី៣ ពាក់ពន្ធពីបទញុះញង់ឲ្យមានការរើសរើង ត្រូវបានសាលាដំបូងរាជធានីភ្នំពេញលើកយកមកបើកសវនាការ កាលពីព្រឹកថ្ងៃទី៤…
រាជធានីភ្នំពេញ ៖ សំណុំរឿងជនត្រូវចោទឈ្មោះ យិន ហេង ហៅចំប៉ីខ្មៅ ភេទទី៣ ពាក់ពន្ធពីបទញុះញង់ឲ្យមានការរើសរើង ត្រូវបានសាលាដំបូងរាជធានីភ្នំពេញលើកយកមកបើកសវនាការ កាលពីព្រឹកថ្ងៃទី៤ ខែមិថុនានេះ តែចុងបញ្ចប់លោក ម៉ៅ ស៊ីណា ចៅក្រមជំនុំជម្រះបានលើកពេលប្រកាសសាលក្រមផ្តន្ទាទោសលើជនជាប់ចោទទៅថ្ងៃទី២០ ខែមិថុនា ខាងមុខនេះ ។
នៅចំពោះមុខអង្គសវនាការចំប៉ីខ្មៅបានសារភាពកំហុស និងបានលើកដៃប្រណមសុំទោសប្រជាពលរដ្ឋខ្មែរទាំងអស់ ចំពោះការប្រើប្រាស់ពាក្យសំដីមិនសមរម្យនោះដែលហាក់ដូចជាទើបដឹងកំហុស និងមិនខុសពាក្យថា ពេលឃើញក្តាមឈូសបានស្រក់ទឹកភ្នែក ។
គួរបញ្ជាក់ថា ចំប៉ីខ្មៅត្រូវបានលោក ពេជ្រ វេជ្ជធរ ចៅក្រមស៊ើបសួរសាលាដំបូងរាជធានីភ្នំពេញសម្រេចឃុំខ្លួនដាក់ពន្ធនាគារជាបណ្តោះអាសន្ន កាលពីល្ងាចថ្ងៃទី៦ កុម្ភៈ ២០១៨ បន្ទាប់ពីតំណាងអយ្យការបានចោទប្រកាន់ជាផ្លូវការរួចមក ។ ជនសង្ស័យឈ្មោះ យិន ហេង ហៅចំប៉ីខ្មៅ មានអាយុ២៣ឆ្នាំ កើតនៅភូមិអណ្តូងពោធិ៍ សង្កាត់កំពង់ប្រណាក ក្រុងព្រះវិហារ ខេត្តព្រះវិហារ ដែលជាជនសង្ស័យល្បីល្បាញក្នុងបណ្តាញសង្គមហ្វេសប៊ុក ពាក់ពន្ធរឿងជេរប្រមាថជាតិសាសន៍ខ្មែរ ។
បញ្ជាក់ទៀតថា នៅថ្ងៃទី៦ ខែកុម្ភៈ ត្រូវបានលោកលី សុផាណាព្រះរាជអាជ្ញារងអមសាលាដំបូងរាជធានីភ្នំពេញ សម្រេចធ្វើការចោទប្រកាន់ពីបទញុះញង់ ឲ្យមានការរើសអើង តាមមាត្រា ៤៩៤ និង៤៩៦ នៃក្រមព្រហ្មទ័ណ្ឌ ដែលតាមមាត្រានេះតម្រូវឲ្យផ្តន្ទាទោសលើជនជាប់ចោទពី១ឆ្នាំទៅ៣ឆ្នាំ ។ ជនសង្ស័យត្រូវបានកម្លាំងសមត្ថកិច្ចនគរបាលចាប់ខ្លួន កាលពីល្ងាចថ្ងៃទី៥ ខែកុម្ភៈ នៅហាងកាហ្វេមួយកន្លែងក្នុងទឹកដីខណ្ឌដូនពេញ ។
អង្គហេតុបណ្តាលឲ្យសមត្ថកិច្ចចាប់ខ្លួន ចំប៉ីខ្មៅ កាលពីវេលាម៉ោង៥ និង២៥នាទីយប់ព្រលប់ថ្ងៃទី៤ ខែកុម្ភៈ នៅចំណុចមុខព្រះបរមរាជវាំង ចំប៉ីខ្មៅបានបង្ហោះសារជាអក្សរលើទំព័រហ្វេសសប៊ុក ដែលឈ្មោះ ចំប៉ីខ្មៅ Chompey Khmoa ថា «ជូនទៅពូជអាខ្មែរតិរិច្ឆាន៣នាក់ ដែលជិះម៉ូតូមកខោកក្បាលខ្លួនតាមផ្លូវ» និងមានភ្ជាប់ឃ្លីបវីដេអូ មានរយៈពេល ១នាទី៥៣វិនាទី ដោយជេរទៅលើក្រុមជនបង្កដែលបានខោកក្បាលខ្លួន៦ក្រញ៉នោះ ។ ក្រោយពេលមានបង្ហោះសារវីដេអូខ្លី លើបណ្តាញសង្គមហ្វេសប៊ុក ដោយប្រើភាសារដៀលត្មេះពូជសាសន៍ជាតិខ្មែរធ្ងន់ៗ ក៏មានបណ្តាញសង្គមជាច្រើនបានប្រតិកម្មតបតវិញ ដោយមានការថ្កោលទោស និងទាមទារឲ្យសមត្ថកិច្ចស្វែងរកចាប់ខ្លួនជននេះ ឲ្យខាងតែបាន ដើម្បីនាំយកមកផ្ដន្ទាទោសតាមច្បាប់ និងឲ្យកំហុសដែលខ្លួនបានប្រព្រឹត្ត ។
ព្រោះថា យិន ហេង ហៅចំប៉ីខ្មៅ ធ្លាប់បានមើលងាយជាតិសាសន៍ខ្មែរ ជាច្រើនលើកហើយ ដែលធ្វើឲ្យមានការក្តៅក្រហាយពីសំណាក់បហាជនដែលតាំងពីករណីដែលអង្គការយូនីស្កូចុះបញ្ជីទទួលស្គាល់ល្ខោនខោល ជារបស់បេតិកភ័ណ្ឌពិភពលោកមកម្លេះ ។ ដូច្នេះនៅព្រឹកថ្ងៃទី១៥ កុម្ភៈ នេះ ចៅក្រមស៊ើបសួរតម្រូវ ឲ្យអនុរក្សពន្ធនាគារ នាំចំប៉ីខ្មៅ មកសាកសួរឡើងវិញ ទំនងថ្ងៃឃុំខ្លួនបណ្តោះអាសន្ន មិនទាន់បានសួរគ្រប់ជ្រុងជ្រោយនៅឡើយទេ ទើបបានជាតម្រូវនាំមកសាកសួរ ដើម្បីបិតការស៊ើបអង្កេត និងដាក់ទៅជំនុំជម្រះលើអង្គសេចក្តី ៕កែសម្រួលដោយ ៖សុឃាក់
ចែករំលែកព័តមាននេះ