ប្រទេសម៉ិកស៊ិក ៖ គណៈប្រតិភូមិម៉ិកស៊ិកសំខាន់មួយ កាលពីថ្ងៃទី៣ មិថុនា បានតស៊ូមតិនៅសហរដ្ឋអាមេរិក ប៉ុនប៉ងបញ្ចុះបញ្ចូលមហាអំណាចនៅជាប់ជិតខាងខ្លួន ឲ្យបោះបង់ចោលការបង្កើតនាពេលខាងមុខនេះនូវពន្ធគយ ជាវិធានការដែលសំដៅចាប់បង្ខំម៉ិកស៊ិក ឲ្យទប់ស្កាត់ការហូរចូលនៃជនអន្តោប្រវេសន៍លួចលាក់មកកាន់ព្រំដែនអាមេរិក។
ទោះបីយ៉ាងណាប្រទេសទាំង២យល់ថា វិបត្តិថ្មីនោះអាចដោះស្រាយបាន មុនពេលចូលជាធរមានការយកពន្ធគយនោះនាថ្ងៃទី១០មិថុនា តាមរយៈការចរចានាសប្ដាហ៍នេះនៅទីក្រុងវ៉ាស៊ិនតោន។ ភាពតានតឹងថ្មីនោះកើតមាន ក្នុងដំណាក់កាលនៃដំណើរការផ្ដល់សច្ចាប័ន លើកិច្ចព្រមព្រៀងផ្លាស់ប្ដូរសេរីអាមេរិកខាងជើង រវាងសហរដ្ឋអាមេរិក ម៉ិកស៊ិក និងកាណាដា។
រដ្ឋមន្ត្រីការបរទេសម៉ិកស៊ិក លោកMARCELO EBRARD ដែលជាសមាជិកសំខាន់នៃគណៈប្រតិភូមកកាន់ក្រុងវ៉ាស៊ិនតោននិយាយថា ការបង្កើនជាបន្តបន្ទាប់នូវពន្ធគយ រហូតដល់២៥%រហូតដល់ថ្ងៃទី១តុលា អាចបង្កឲ្យមានអស្ថេរភាពហិរញ្ញវត្ថុនិងសេដ្ឋកិច្ច ដែលអាចគំរាមកំហែងដល់សមត្ថភាពរបស់ម៉ិកស៊ិក ក្នុងការទប់ស្កាត់ការហូរចូលរបស់ពួកអន្តោប្រវេសន៍លួចលាក់ ។
ប្រធានាធិបតីមិម៉ិកស៊ិកលោកANDRES MANUEL LOPEZ OBRADOR សម្ដែងសុទិដ្ឋិនិយមចំពោះច្រកចេញមួយ។ លោកមានប្រសាសន៍ក្នុងសន្និសីទសារព័ត៌មានមួយថា យើងគាំទ្រសេរីភាពនៃការធ្វើពាណិជ្ជកម្ម ហើយកិច្ចព្រមព្រៀងមួយអាចរកឃើញ៕ (កែសម្រួលដោយ ៖ បុប្ផា)
ចែករំលែកព័តមាននេះ