រាជធានីភ្នំពេញ ៖ ប្រតិកម្មជុំទិសនៅលើបណ្ដាញសង្គមនាប៉ុន្មានថ្ងៃកន្លងមកនេះ បានតម្រូវឱ្យមានបទបញ្ជាឲ្យសមត្ថកិច្ចកសាងសំណុំរឿងទាក់ទិននឹងមន្ត្រីនគរបាលពាក់ស័ក្តិ៣ម្នាក់ ដែលជាប់ចោទលួចអាយផេតទៅតុលាការហើយដើម្បីចាត់វិធានការតាមច្បាប់ ។ សូមរំឭកថា រឿងរ៉ាវទាក់ទិននឹងមន្ត្រីនគរបាលពាក់ស័ក្តិ៣លួចអាយផេតនេះ បានក្លាយជាការហួសចិត្តមួយសម្រាប់សាធារណជន ហើយអ្វីដែលកាន់តែហួសចិត្តរហូតដល់ជើងមេឃទៀតនោះ…
រាជធានីភ្នំពេញ ៖ ប្រតិកម្មជុំទិសនៅលើបណ្ដាញសង្គមនាប៉ុន្មានថ្ងៃកន្លងមកនេះ បានតម្រូវឱ្យមានបទបញ្ជាឲ្យសមត្ថកិច្ចកសាងសំណុំរឿងទាក់ទិននឹងមន្ត្រីនគរបាលពាក់ស័ក្តិ៣ម្នាក់ ដែលជាប់ចោទលួចអាយផេតទៅតុលាការហើយដើម្បីចាត់វិធានការតាមច្បាប់ ។
សូមរំឭកថា រឿងរ៉ាវទាក់ទិននឹងមន្ត្រីនគរបាលពាក់ស័ក្តិ៣លួចអាយផេតនេះ បានក្លាយជាការហួសចិត្តមួយសម្រាប់សាធារណជន ហើយអ្វីដែលកាន់តែហួសចិត្តរហូតដល់ជើងមេឃទៀតនោះ គឺស្រាប់តែការលួចនេះទៅជាការច្រឡំ និងក្រោយមកជាបញ្ហាខួរក្បាលទៅវិញ ។
ជាការឆ្លើយតបទៅនឹងការរិះគន់នេះ សេចក្តីបំភ្លឺមួយរបស់អ្នកនាំពាក្យអគ្គស្នងការដ្ឋាននគរបាលជាតិ ពាក់ព័ន្ធនឹងករណីមន្ត្រីនៃអង្គភាពនគរបាលជើងទឹក១រូប ដែលត្រូវបានបណ្តាញទំនាក់ទំនងសង្គមផ្សព្វ ផ្សាយអំពីសកម្មភាពយកអាយផេតពីផ្ទះវេរប្រាក់មួយកន្លែង នៅក្នុងខណ្ឌទួលគោក កាលពីថ្ងៃទី៣០ ខែ ឧសភា ឆ្នាំ២០១៩ បានបញ្ជាក់៤ចំណុច ដែលបង្កឲ្យមានរលករិះគន់កាន់តែខ្លាំងឡើង ព្រោះតែការបំភ្លឺហាក់មិនទទួលស្គាល់ថា មន្ត្រីនគរបាលពាក់ស័ក្តិ៣រូបនោះលួចទេ ។
ការបំភ្លឺនោះបានលើកឡើងថា ៖ ១-មន្ត្រីនគរបាលនៃអង្គភាពនគរបាលជើងទឹក១រូប ឋានៈអនុសេ នីយ៍ឯក ពិតជាបានយកអាយផេតពីផ្ទះវេរលុយ ដែលមានអាសយដ្ឋាននៅខណ្ឌទួលគោក ប្រាកដមែន ។ ប៉ុន្តែ ផ្អែកតាមលទ្ធផលនៃការស្រាវជ្រាវ និងការប្រមូលព័ត៌មានបំភ្លឺបន្ថែមពីអ្នកពាក់ព័ន្ធបានបង្ហាញថា ៖
-បន្ទាប់ពីយកអាយផេតពីផ្ទះវេរលុយនោះរួចមក មន្ត្រីរូបនោះបានជម្រាបម្តាយរបស់ខ្លួនឲ្យទូរស័ព្ទទៅប្រាប់ម្ចាស់ផ្ទះថា ខ្លួនបានយកអាយផេត និងស្នើម្តាយយកអាយផេតទៅឲ្យម្ចាស់ផ្ទះវេរលុយនោះវិញ ។
-តាមការបញ្ជាក់របស់ម្ចាស់ផ្ទះវេរលុយ បានទទួលស្គាល់ថា ម្តាយរបស់មន្ត្រីនគរបាលនោះពិតជាបានទូរស័ព្ទមកប្រាប់អំពីករណីនេះ និងបានយកអាយផេតមកប្រគល់ឲ្យខ្លួន(ម្ចាស់ផ្ទះវេរលុយ)ផងដែរ ។ ជាមួយគ្នានោះដែរ ម្ចាស់ផ្ទះវេរលុយនេះ ក៏ព្រមទទួលយកអាយផេត និងការសុំទោសដោយពុំមានដាក់ពាក្យប្តឹងប្តល់អ្វីឡើយ ។
២-ផ្អែកតាមការពិនិត្យលើស្ថានភាពគ្រួសាររបស់មន្ត្រីនគរបាលរូបនោះឃើញថា មានជីវភាពធូរធារ ដែលពុំមានហេតុផលណាបញ្ជាក់ថា គាត់មានការខ្វះខាតរហូតដល់ប្រព្រឹត្តអំពើចោរកម្មឡើយ ។ សូមបញ្ជាក់ថា ក្នុងខណៈពេលដែលមន្ត្រីរូបនោះទៅដកប្រាក់ពីផ្ទះវេរលុយ និងយកអាយផេតពីផ្ទះនោះមក គឺរូបគេបានជិះរថយន្តផ្ទាល់ខ្លួនម៉ាក Range Rover ។
៣-តាមការបញ្ជាក់របស់ម្តាយមន្ត្រីនគរបាលរូបនោះ បានឲ្យដឹងថា ក្នុងកំឡុងពេលប្រមាណជា១ខែចុងក្រោយនេះ កូនរបស់គាត់ ហាក់បីដូចជាមានអាកប្បកិរិយា និងសកម្មភាពចម្លែកៗជាច្រើន ដែលសង្ស័យថាអាចមានបញ្ហាខួរក្បាល ។
៤-អាស្រ័យហេតុផលខាងលើនេះ អគ្គស្នងការដ្ឋាននគរបាលជាតិបានណែនាំដល់សាមីអង្គភាព ទទួលយកមន្ត្រីនគរបាលរូបនោះទៅអប់រំណែនាំឡើងវិញ និងប្រគល់ជូនឪពុកម្តាយ ដើម្បីយកទៅពិនិត្យព្យាបាល ។
សូមរំឭកថា កាលពីល្ងាចថ្ងៃទី៣០ ខែឧសភា កន្លងទៅ មន្ដ្រីនគរបាលម្នាក់ក្នុងឯកសណ្ឋានពាក់ស័ក្ដិ៣ ឈ្មោះ ហេង ហាប់ អាយុ២៤ឆ្នាំ បម្រើការងារនៅនាយកដ្ឋានការពារព្រំដែនទឹក និងត្រូវជាកូនប្រុសប្រធាននាយកដ្ឋាននោះទៀតផង ត្រូវបាននាយកដ្ឋានព្រហ្មទណ្ឌអនុញ្ញាតឲ្យត្រឡប់ទៅផ្ទះវិញ ក្រោយធ្វើកិច្ចសន្យានិងមានអ្នកធានា។
មន្ត្រីនគរបាលរូបនេះ កាលពីព្រឹកថ្ងៃទី៣០ ខែឧសភា ឆ្នាំ២០១៩ បានចូលទៅដកលុយនៅផ្ទះវេរលុយមួយកន្លែងយីហោ«រស្មីសាមគ្គី» ស្ថិតនៅក្នុងខណ្ឌទួលគោក ស្រាប់តែបន្លំលួចយកអាយផេត(iPad)មួយគ្រឿងទៅបាត់ ហើយក៏ត្រូវម្ចាស់ហាងយករូបភាពស្តីពីសកម្មភាពនេះ ទៅបង្ហោះល្បីពេញបណ្តាញសង្គម Facebook និងមានគេ Share រាប់ពាន់នាក់ ។
ករណីមន្ត្រីនគរបាលម្នាក់ពាក់ស័ក្តិ៣ លួចយក iPad ពីក្នុងផ្ទះវេរលុយមួយកន្លែងនេះ បានក្លាយជាប្រធាន បទក្តៅគគុក ពិសេសនៅក្នុងបណ្តាញសង្គមហ្វេសប៊ុក ។ គ្រប់គ្នាគិតថា ប្រសិនបើមិនមានវីដេអូឃ្លីបថតបានសកម្មភាពលួចនោះតេ ប្រហែលជាមិនអាចចោទប្រកាន់ជាចំហបានឡើយ ។
តាមព័ត៌មាននៅវេលាល្ងាចថ្ងៃ៣ មិថុនា ការនាំខ្លួនលោកសក្ដិ៣ដែលជាប់ចោទលួច (iPad) មកតុលាការនោះនៅមិនទាន់ឃើញកាមការចាប់បញ្ជូននៅឡើយទេ តែមន្ត្រីនាយកដ្ឋានព្រទហ្នឲមបានឱ្យដឹងថា សំណុំ
រឿងលោក ហេង ហាប់ នេះ ត្រូវបានអនុវត្ត្ដោយការិយាល័យផ្នែកកម្េិតស្រាល ។ ការត្រៀមនាំមកកាន់តុលាការនេះ បន្ទាប់ពីមានបទបញ្ជានាយឧត្តមសេនីយ៍សន្តិបណ្ឌិត នេត សារឿន៕
ចែករំលែកព័តមាននេះ