រាជធានីភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រីបានបបួលលោកសម រង្ស៊ី ស្បថដាក់ជីវិត ដោយសាររន្ទះបាញ់ បើសម្តេចពិតជាបានសម្លាប់លោកហុក…
រាជធានីភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រីបានបបួលលោកសម រង្ស៊ី ស្បថដាក់ជីវិត ដោយសាររន្ទះបាញ់ បើសម្តេចពិតជាបានសម្លាប់លោកហុក ឡង់ ឌី ដែលដន្លងនឹងគ្នាពិតមែន ។ ការបបួលរបស់សម្តេចតេជោ បន្ទាប់ពីលោក សម រង្ស៊ី បង្ហោះសារនៅលើបណ្តាញសង្គម លោក ឌី វិជ្ជាកូនលោកហុក ឡង់ឌី និងត្រូវជាកូនប្រសាសម្តេចតេជោ កំពុងរៀបផែនការសង សឹងសម្តេចតេជោ ។ ដោយសហការជាមួយសម្តេចក្រឡាហោម ស ខេង ។
ថ្លែងក្នុងពិធីប្រគល់សញ្ញាបត្រ ដល់និស្សិតសាកលវិទ្យាល័យភូមិន្ទភ្នំពេញ (RUPP) ប្រមាណ ៣,១៦១នាក់ នៅមជ្ឈមណ្ឌលកោះពេជ្រនាព្រឹកថ្ងៃទី៣ មិថុនានេះ សម្តេចតេជោហ៊ុន សែន ក៏បានលើកឡើងថា វាបានបង្ហោះថា ខ្ញុំបានសម្លាប់ហុក ឡង់ឌី អាឡូវនេះកូនហុកឡង់ឌី ដែលកូនប្រសាខ្ញុំ កំពុងរកវិធីសងសឹកជាមួយខ្ញុំ ដោយសហការជាមួយសង ខេង ឧបនាយករដ្ឋមន្ត្រី និងជារដ្ឋមន្ត្រីក្រសួងមហាផ្ទៃ ។ សម្តេចបានបញ្ជាក់ថា៖«អាឡូវហ្អែង (សម រង្ស៊ី) ហ៊ានស្បថឲ្យរន្ទះបាញ់ទេ? អាឆ្កែមួយក្បាល? ពួកហ្អែងអត់ហ៊ានស្បថទេ ព្រោះហ្អែងនិយាយខុស ហើយកន្លងទៅសុទ្ធតែថា សម្តេច ស ខេង និយាយចេះ និយាយចុះ? តើហ្អែងហ៊ានស្បថទេថា សម្តេចស ខេង និយាយអីញ្ចឹង?» ។ សម្តេចក៏បានស្នើឲ្យទណ្ឌិតសម រង្ស៊ី ដែលកំពុងរស់នៅក្រៅ ថា បើមិនហ៊ានស្បថ សូម បង្ហោះលើបណ្តាញសង្គមហ្វេសប៊ុកមក ។
សម្តេចតេជោបញ្ជាក់ថា៖«បើហ្អែងហ៊ានស្បថអញ់ ហ៊ានស្បថដាក់ជីវិតក្រុមគ្រួសារទាំងមូល ។ ថា កូនប្រសាអញ់ កំពុងតែសងសឹងឪពុកក្មេក ដោយសារខ្ញុំជាដន្លងខ្ញុំ ។ បើរឿងនឹងអីញ្ចឹងមែន តើហ្អែង(សម រង្ស៊ី) ហ៊ានស្បថឲ្យងាប់ទាំងពូជហ្អែងទេ? ពួកអានេះបបួលភ្នាល់ចាញ់ឯង រហូតហ្នឹង» ។ សម្តេចក៏បានសោយស្តាយផងដែរ ចំពោះការការបបួលស្បថលើកមុនជាមួយលោកសម រង្ស៊ី ដោយសារភ្លេចដាក់លក្ខខណ្ឌឲ្យងាប់មួយពូជតែម្តង ។ ការបបួលស្បថរបស់សម្តេចតេជោ ហ៊ុនសែន នេះបន្ទាប់ពីកាលពីថ្ងៃទី២ មិថុនា លោកសម រង្ស៊ី អតីតប្រធានគណបក្សសង្គ្រោះជាតិដែលកំពុងគេចខ្លួននៅក្រៅប្រទេសបានសរសេរលើបណ្តាញសង្គមថា សម្តេចតេជោ ហ៊ុន សែន ជាអ្នកសម្លាប់ ហុក ឡង់ឌី តាមរយៈការដាក់គ្រាប់បែកឲ្យផ្ទុះក្នុងឧទ្ធម្ភាគចក្រ (Helicopter) នៅពេលដែលកំពុងតែហោះហើរ លើខេត្តស្វាយរៀង កាលពីថ្ងៃទី០៩ ខែវិច្ឆិកា ឆ្នាំ ២០០៨ ៕ កែសម្រួលដោយ ៖ សុឃាក់
ចែករំលែកព័តមាននេះ