កម្មវិធីកីឡាប្រដាល់ «វើក សង្វៀនគុនខ្មែរ» ប្រកាសចាប់ផ្តើមពីពេលនេះតទៅ
- ភ្នំពេញ
រាជធានីភ្នំពេញ ៖ កាលពីល្ងាចថ្ងៃសៅរ៍ ទី១ ខែមិថុនា ឆ្នាំ ២០១៩ ភេសជ្ជៈប៉ូវកម្លាំង វើក រួមជាមួយស្ថានីយទូរទស្សន៍បាយ័ន…
រាជធានីភ្នំពេញ ៖ កាលពីល្ងាចថ្ងៃសៅរ៍ ទី១ ខែមិថុនា ឆ្នាំ ២០១៩ ភេសជ្ជៈប៉ូវកម្លាំង វើក រួមជាមួយស្ថានីយទូរទស្សន៍បាយ័ន…
រាជធានីភ្នំពេញ ៖ កាលពីល្ងាចថ្ងៃសៅរ៍ ទី១ ខែមិថុនា ឆ្នាំ ២០១៩ ភេសជ្ជៈប៉ូវកម្លាំង វើក រួមជាមួយស្ថានីយទូរទស្សន៍បាយ័ន បានរួមគ្នាប្រកាសចាប់ផ្តើមកម្មវិធីប្រដាល់មិត្តភាពរដូវកាលថ្មីរបស់ខ្លួនហើយចាប់ពីថ្ងៃទី១ ខែមិថុនា ឆ្នាំ ២០១៩ នេះតទៅសម្រាប់រយៈពេល ១ ឆ្នាំពេញតែម្តង ដោយកម្មវិធីនេះត្រូវបានហៅថា «វើក សង្វៀនគុនខ្មែរ» ។
កម្មវិធី «វើក សង្វៀនគុនខ្មែរ» នឹងនាំមកនូវការប្រកួតប្រដាល់ជារៀងរាល់ថ្ងៃសៅរ៍ចាប់ពី ម៉ោង៦ល្ងាចតទៅសរុប ៣ គូ រវាងកីឡាករកម្ពុជាប្រកួតជាមួយកីឡាករបរទេសចំនួន ២ គូ និងកម្ពុជា ជាមួយកម្ពុជា ១ គូ ដោយការប្រកួតនេះក៏នឹងត្រូវចាក់ផ្សាយបន្តផ្ទាល់នៅ លើប៉ុស្តិ៍ទូរទស្សន៍បាយ័នរៀងរាល់ថ្ងៃសៅរ៍ ហើយទស្សនិកជនក៏អាចចូលរួមទស្សនាផ្ទាល់នូវការប្រកួតនេះ នៅឯស្ថានីយទូរទ្សន៍បាយ័នស្ទឹងមានបានជ័យផងដែរ ។
លោកបណ្ឌិត អ៊ឹម សុធារិទ្ធ នាយកគ្រប់គ្រង់ផ្នែកលក់ក្រុមហ៊ុន ខ្មែរ ប៊ែវើរីជិស បានឱ្យដឹងថា «ភេសជ្ជៈប៉ូវកម្លាំង វើក ចូលរួមឧបត្ថម្ភផ្តាច់មុខនាំមកនូវកម្មវិធី «វើក សង្វៀនគុនខ្មែរ» នេះឡើង គឺក្នុងគោលបំណងលើកស្ទួយវិស័យកីឡាប្រដាល់បុរាណខ្មែរឱ្យកាន់តែមាន ប្រជាប្រិយភាពទាំងនៅក្នុងស្រុក និងលើឆាកអន្តរជាតិ ហើយក៏ចង់លើកទឹកចិត្តដល់យុវជន និងយុវវ័យឱ្យចូលរួមហាត់លេងកីឡានេះដើម្បីសុខភាព ក៏ដូចជាថែរក្សានូវសម្បត្តិ កីឡាវប្បធម៌ជាតិផងដែរ» ។
ឯកឧត្តម តែម មឺន ប្រធានសហព័ន្ធប្រដាល់កម្ពុជា និងតំណាងគណៈកម្មាធិការរៀបចំការប្រកួតរបស់ស្ថានីយទូរទស្សន៍បាយ័ន បានឱ្យដឹងថា «ការប្រកួតមិត្តភាពនេះកីឡាករនីមួយៗក៏នឹងទទួលបាននូវការឧបត្ថមទឹកប្រាក់ ៦០ ម៉ឺនរៀលសម្រាប់គូធម្មតា និង ១ លានរៀលសម្រាប់គូពិសេសបន្ថែមផងដែរពីភេសជ្ជៈប៉ូវកម្លាំង វើក រាល់ជ័យជំនះទៅលើគូរប្រកួតរបស់ខ្លួន» ៕ ដោយសហការ (កែសម្រួលដោយ ៖ បុប្ផា)
ចែករំលែកព័តមាននេះ