អបអរសាទរ ! ផលិតផលខ្មែរទទួលមេដាយមាសលើឆាកអន្តរជាតិទៀតហើយ
- ភ្នំពេញ
រាជធានីភ្នំពេញ ៖ ថ្នាក់ដឹកនាំរបស់ក្រុមហ៊ុន ខ្មែរ ប៊ែវើរីជីស បានចេញដំណើរទៅកាន់ប្រទេសអ៊ីតាលី ដើម្បីទទួលមេដាយមាស Monde Selection Awards…
រាជធានីភ្នំពេញ ៖ ថ្នាក់ដឹកនាំរបស់ក្រុមហ៊ុន ខ្មែរ ប៊ែវើរីជីស បានចេញដំណើរទៅកាន់ប្រទេសអ៊ីតាលី ដើម្បីទទួលមេដាយមាស Monde Selection Awards ចំនួន ៦ ដែលទទួលស្គាល់ពីគុណភាពល្អឥតខ្ចោះនៃផលិតផលស្រាបៀរ និងភេសជ្ជៈ កាលពីព្រឹកថ្ងៃទី ១ ខែមិថុនា ឆ្នាំ២០១៩ ។
លោក លាង ពៅ (ភីធើរ) សមាជិកក្រុមប្រឹក្សាភិបាលក្រុមហ៊ុន ខ្មែរ ប៊ែវើរីជីស បានមានប្រសាសន៍ថា «យើងទទួលបានមេដាយមាស (Gold Monde Selection Award) ចំនួន៦ សម្រាប់ស្រាបៀរកម្ពុជា ស្រាបៀរអ៊ិចស្ត្រាស្តោត Barrley Black ទឹកក្រូចអាយស៍កូឡា ទឹកក្រូចអាយស៍ រសជាតិក្រូចឆ្មា ទឹកក្រូចអាយស៍ រសជាតិផ្លែឈើចំរុះ និងទឹកផ្លែឈើជូប»។
លោកបានបន្តថា «ឆ្នាំនេះពិសេសត្រង់ថា យើងបានបញ្ជូនផលិតផលទៅប្រកួតច្រើនជាងឆ្នាំមុន ហើយផលិតផលទាំង៦ គឺទទួលបានមេដាយបញ្ជាក់ពីគុណភាពអន្តរជាតិទាំងអស់ក្នុងពេលតែមួយ ។ នេះបញ្ជាក់បានថា ផលិតផលរបស់ក្រុមហ៊ុន ខ្មែរ ប៊ែវើរីជីស សុទ្ធតែជាផលិតផលមានគុណភាពស្តង់ដាអន្តរជាតិ ហើយនេះក៏ជាមោទនភាពសម្រាប់កូនខ្មែរផងដែរ ដែលអាចផលិតបានស្រាបៀរ និងភេសជ្ជៈខ្មែរដែលមានគុណភាពទទួលស្គាល់ជាអន្តរជាតិ» ។
គួរបញ្ជាក់ផងដែរ បើគិតមកត្រឹមឆ្នាំ២០១៩ នេះក្រុមហ៊ុន ខ្មែរ ប៊ែវើរីជីស ទទួលបានមេដាយសរុបចំនួន១៨ សម្រាប់ផលិតផលស្រាបៀរ និងភេសជ្ជៈ មេដាយអន្តរជាតិ និង ISO ចំនួនពីរសម្រាប់ការគ្រប់គ្រងគុណភាព និងសម្រាប់ការគ្រប់គ្រងបរិស្ថានពីស្ថាប័នមកពីចក្រភពអង់គ្លេស ៕ ដោយសហការ (កែសម្រួលដោយ ៖ បុប្ផា)
ចែករំលែកព័តមាននេះ