ខេត្តក្រចេះ ៖ សេចក្តីរាយការណ៍ឱ្យដឹងថា បុរសអាក្រាតកាយម្នាក់ ដោយនៅក្នុងដៃមានកាន់កាំបិត ពូថៅនិងដំបង ត្រូវបានមនុស្សមួយភូមិព្រួតវាយទ្រមស្ទើរស្លាប់ខ្លួនរួច បានចាប់ប្រគល់ទៅឱ្យនគរបាលវិញ ក្រោយពីជននេះ ត្រូវគេសង្ស័យថា…
ខេត្តក្រចេះ ៖ សេចក្តីរាយការណ៍ឱ្យដឹងថា បុរសអាក្រាតកាយម្នាក់ ដោយនៅក្នុងដៃមានកាន់កាំបិត ពូថៅនិងដំបង ត្រូវបានមនុស្សមួយភូមិព្រួតវាយទ្រមស្ទើរស្លាប់ខ្លួនរួច បានចាប់ប្រគល់ទៅឱ្យនគរបាលវិញ ក្រោយពីជននេះ ត្រូវគេសង្ស័យថា ជាមនុស្សមានសតិមិនប្រក្រតី មិនស្គាល់សាវតាតែបានវាយបាបលើក្មេងអាយុ៣ឆ្នាំម្នាក់នៅក្នុងភូមិ បណ្តាលឱ្យរបួសធ្ងន់ធ្ងររួចមក ដែលហេតុការណ៍កើតឡើងកាលពីថ្ងៃទី០២ មិថុនា ។
ស្ថិតកន្លែងកើតហេតុ អ្នកភូមិបាននិយាយថា ជនមិនស្គាល់អត្តសញ្ញាណរូបនេះ មានអាយុប្រហែល៣៥ឆ្នាំដោយដើរមិនមានស្លៀកសម្លៀកបំពាក់ជាប់ខ្លួន ហើយសកម្មភាពរាតត្បាតពេញក្នុងភូមិហើយ ។ ជននេះបានវាយក្មេងប្រុសម្នាក់ឈ្មោះ ហាំ អារ៉វីន អាយុ៣ឆ្នាំ ជនជាតិខ្មែរឥស្លាម ជាកូនអ្នកភូមិរស់នៅក្នុងភូមិសំបួរ ឃុំស្វាយជ្រះ ស្រុកស្នួល បណ្តាលឱ្យមានស្នាមរបួសដាច់លើផ្ទៃមុខធ្ងន់ និងសន្លប់បាត់ស្មារតីទៀត ខណៈក្មេងនេះនៅជាមួយជីដូនវ័យចំណាស់ម្នាក់ ។
អ្នកភូមិបន្តថា ក្រោយជននេះវាយក្មេងសន្លប់ហើយ ឃើញជននេះក្នុងដៃមានកាន់កាំបិត ពូថៅ និងដំបងបានរត់ឡើងទៅសំងំលើផ្ទះរបស់អ្នកភូមិ និងបំរុងតដៃជាមួយនគរបាលមូលដ្ឋានដែលកំពុងចុះទៅអន្តរា គមន៍ ដោយមិនព្រមប្រគល់ខ្លួនទេ ។
មួយសន្ទុះក្រោយ ជននេះបានលោតចុះពីលើផ្ទះអ្នកភូមិ ហើយត្រូវពលរដ្ឋឡោមព័ទ្ធបាន នាំគ្នាចាប់វាយយ៉ាងទ្រមខ្លួន ស្ទើរសល់តែដង្ហើមចង្រឹត ទើបឱ្យនគរបាលចាត់ការវិញ ។ ប្រភពចុងក្រោយថា ជននេះ
ត្រូវនគរបាលមូលដ្ឋាន បញ្ជូនទៅសង្គ្រោះនៅមន្ទីរពេទ្យស្រុកហើយ ។ (សម្រួលដោយ៖ ស្រីណា)
ចែករំលែកព័តមាននេះ