ប្រទេសរុស្ស៊ី ៖ ការផ្ទុះឆេះកើតមានកាលពីថ្ងៃទី១ មិថុនា ក្នុងរោងចក្រផលិតគ្រឿងផ្ទុះKRISTALL នាទីក្រុងDZERJINSK ជាទីក្រុងមួយស្ថិតនៅចម្ងាយប្រមាណជា៤០០គីឡូម៉ែត្រខាងកើតក្រុងមូស្គូ បណ្ដាលឲ្យមនុស្ស៧៩នាក់រងរបួស។ ការផ្ទុះបណ្ដាលឲ្យអគារ៥នៃរោងចក្រផលិតគ្រឿងផ្ទុះនោះនិងអគារស្នាក់នៅជិត១៨០ រងការខូចខាតកាលពីព្រឹកថ្ងៃទី១មិថុនា។…
ប្រទេសរុស្ស៊ី ៖ ការផ្ទុះឆេះកើតមានកាលពីថ្ងៃទី១ មិថុនា ក្នុងរោងចក្រផលិតគ្រឿងផ្ទុះKRISTALL នាទីក្រុងDZERJINSK ជាទីក្រុងមួយស្ថិតនៅចម្ងាយប្រមាណជា៤០០គីឡូម៉ែត្រខាងកើតក្រុងមូស្គូ បណ្ដាលឲ្យមនុស្ស៧៩នាក់រងរបួស។
ការផ្ទុះបណ្ដាលឲ្យអគារ៥នៃរោងចក្រផលិតគ្រឿងផ្ទុះនោះនិងអគារស្នាក់នៅជិត១៨០ រងការខូចខាតកាលពីព្រឹកថ្ងៃទី១មិថុនា។ អាជ្ញាធរក្រុងនិយាយថា តាមព័ត៌មានចុងក្រោយថាមនុស្ស៧៩នាក់រងរបួសក្រោយការផ្ទុះ ក្នុងនោះមានកម្មកររោងចក្រ៣៨នាក់និងប្រជាជនក្រុង៤១នាក់។
ពុំមានកុមារណាម្នាក់ក្នុងចំណោមអ្នករងរបួសឡើយ រួចក៏ពុំមានមនុស្សណាម្នាក់ត្រូវស្លាប់ដែរ។ យោងតាមតំណាងរោងចក្រថាមនុស្ស៥នាក់ដែលធ្វើការក្នុងតំបន់ដែលមានការផ្ទុះ អាចជម្លៀសចេញដោយជោគជ័យ។ ការផ្ទុះកើតមានដំបូងក្នុងរោងជាងមួយ ហើយមានភ្លើងឆាបឆេះដែលរាលដាលយ៉ាងលឿន ក្នុងរង្វង់១០០ម៉ែតក្រឡា៕ (កែសម្រួលដោយ ៖ បុប្ផា)
ចែករំលែកព័តមាននេះ