រាជធានីភ្នំពេញ ៖ អង្គភាពប្រឆាំងអំពើពុករលូយហៅកាត់ថា ACU នៅក្នុងខែឧសភា បានទទួលពាក្យបណ្តឹងចំនួន៣១បណ្តឹង (បណ្តឹងអាមិក១២) ក្នុងនោះក៏មានបណ្តឹងពាក់ព័ន្ធ សាលារៀន និងករណីដីធ្លីផងដែរ…
រាជធានីភ្នំពេញ ៖ អង្គភាពប្រឆាំងអំពើពុករលូយហៅកាត់ថា ACU នៅក្នុងខែឧសភា បានទទួលពាក្យបណ្តឹងចំនួន៣១បណ្តឹង (បណ្តឹងអាមិក១២) ក្នុងនោះក៏មានបណ្តឹងពាក់ព័ន្ធ សាលារៀន និងករណីដីធ្លីផងដែរ ។ យោងតាមសេចក្តីប្រកាសព័ត៌មានរបស់អង្គភាពប្រឆាំងអំពើពុករលួយបានឲ្យដឹងថា ក្នុងកិច្ចប្រជុំលើកទី៤៦ អាណត្តិទី១ នៃក្រុមប្រឹក្សាជាតិប្រឆាំងអំពើពុករលួយ កាលពីថ្ងៃទី៣១ ខែឧសភា ឆ្នាំ២០១៩ លោកទេសរដ្ឋមន្ត្រី ឱម យ៉ិនទៀង ប្រធានអង្គភាពប្រឆាំងអំពើពុករលួយបានលើកឡើងថា នៅក្នុងខែឧសភា អង្គភាពប្រឆាំអំពើពុករលួយបានទទួលពាក្យបណ្តឹងចំនួន៣១បណ្តឹងពាក្យ (អនាមិក១២ពាក្យបណ្តឹង) ។
ក្រសួងស្ថាប័នសាមីបុគ្គលបំភ្លឺ២២លិខិត ។ រកមិនមានអំពើពុករលួយ និងបានធ្វើតបទៅម្ចាស់បណ្តឹងវិញ២៤ពាក្យបណ្តឹង និងធ្វើលិខិតឲ្យក្រសួងស្ថាប័នសាមីបុគ្គល បំភ្លឺចំនួន១៤លិខិត។ លោកទេសរដ្ឋមន្ត្រីបានបន្តថា ACU ក៏បានចុះសង្កេតការណ៍ដេញថ្លៃ៤៤លើក លើ៦៥ គម្រោង ពិគ្រោះថ្លៃ១៧លើក វាយតម្លៃប្រគល់កិច្ចសន្យា៧គម្រោងនៃ១៨ក្រសួងស្ថាប័ន និង១០ខេត្ត ។ ចុះពិនិត្យស៊ើបបញ្ជាក់ក្រុមហ៊ុន១៨ក្រុមហ៊ុន ស្រាវជ្រាវអត្តសញ្ញាណក្រុមហ៊ុន បានចំនួន៩៤ក្រុមហ៊ុន ។
លោកក៏បានឲ្យដឹងថា ការងារស្វ័យវាយតម្លៃការអនុវត្តអនុសញ្ញាអង្គការសហប្រជាជាតិស្តីពីការប្រឆាំងអំពើរពុករលួយដែលអង្គភាពប្រឆាំងអំពើរលួយដាក់ ទៅនៅក្នុងខែមីនា ឆ្នាំ២០១៩ ពីថ្ងៃមុនកាលកំណត់ ។ លោកទេសរដ្ឋមន្ត្រីក៏បានឲ្យដឹងថា នៅក្នុងខែឧសភានេះដែរ អង្គភាពប្រឆាំងអំពើពុករលួយក៏បានទទួលបណ្តឹងករណីបណ្តឹងពាក់ព័ន្ធសាលារៀន ករណីដីធ្លីចំនួន២នៅខេត្តបាត់ដំបង និងខេត្តកំពង់ឆ្នាំង ដែលបច្ចុប្បន្ននេះកំពុងនៅសាលាឧទ្ធរណ៍ និងករណីផ្សេងៗមួយចំនួនទៀត ។
ក្រោយបានស្តាប់ការលើកឡើងរបស់លោកទេសរដ្ឋមន្ត្រី ឱក យ៉ិនទៀងរួចលោកតុប សំប្រធានក្រុមប្រឹក្សាជាតិប្រឆាំងអំពើពុករលួយបានកោតសសើរចំពោះអង្គភាពប្រឆាំងអំពើពុក រលួយ ក្នុងដំណើរបេសកម្មរបស់ខ្លួនជាប្រក្រតី ទោះបីជាក្នុងអំឡុងខែឧសភា ជាថ្ងៃឈប់សម្រាកច្រើនយ៉ាងណាក៏ដោយ ។ ជាមួយគ្នានោះដែរលោក តុប សំ ក៏បានលើកទឹកចិត្តដល់អង្គភាពប្រឆាំងអំពើពុករលួយ ក្នុងការអនុវត្តផែនការសកម្មភាពប្រឆាំងអំពើពុករលួយ ដើម្បីបន្តជំរុញការអភិវឌ្ឍ សេដ្ឋកិច្ចជាតិ ប្រកបដោយចីរភាពផង ៕ កែសម្រួលដោយ ៖ សុឃាក់
ចែករំលែកព័តមាននេះ